ᐃᓐᖏᕈᑎᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖁᕕᐊᓱᑦᓯᐊᕐᐳᖅ ᐊᖑᑦ, ᒎᑎᖃᖏᑦᑐᑦ ᐱᖁᔨᓂᖏᓐᓂᒃ ᒪᓕᖏᑦᑐᖅ, ᐊᔪᕐᑐᓕᔪᓪᓗ ᐊᖅᑯᑎᖏᓐᓃᖏᑦᑐᖅ. ᒥᑕᐅᑎᖃᕐᑐᓪᓗ ᐃᒃᓯᕙᕝᕕᖏᓐᓂ ᐃᒃᓯᕙᖏᑦᑐᖅ.

ᐃᓐᖏᕈᑎᑦ 1:1 Iomraidhean Croise

ᒨᓯᓯ ᓯᕗᓪᓖᑦ 49:6

ᑖᒃᑯᐊᒃ ᐃᓱᒪᒃᓴᕐᓯᐅᕐᕕᖏᖕᓄᑦ ᐃᓚᐅᔪᒪᓐᖏᓚᖓ ᐆ ᐊᓂᕐᓂᕋᓗ, ᐃᓚᒋᔭᐅᖁᖏᓐᓂᕙᕋ ᐃᓄᒋᐊᒃᑐᖁᑎᖏᓐᓂ; ᓂᓐᖓᐅᒪᓪᓗᑎᒃ ᐊᖑᑎᓂᒃ ᑐᖁᑦᓯᕙᖕᒪᑎᒃ ᐃᒻᒧᒃᓯᐅᒐᐅᓪᓗ ᐊᖑᓴᓪᓗᖏᓐᓂᒃ ᐱᓐᖑᐊᕈᑎᒋᓪᓗᒋᑦ ᓄᑭᖏᓐᓂᒃ ᑭᒃᑐᕋᕐᑎᑦᓯᔪᓐᓇᕐᓱᑎᒃ.

ᒨᓯᓯ ᓯᕗᓪᓖᑦ 5:24

ᐃᓅᑭ ᒎᑎᒥᒃ ᐃᓅᖃᑎᖃᑦᓯᐊᕐᓗᓂ ᐃᓅᓚᐅᕋᒥ; ᑐᖁᓚᐅᕋᓂ ᐊᓯᐅᓚᐅᕐᐳᖅ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ.

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᑯᕉᓂᑲ ᐂᑉᐸᖏᑦ 22:3

ᑖᓐᓇᓗ ᐂᕼᐊᑉᑯᑎᑐᑦ ᐱᓇᓱᐊᓚᐅᕐᐳᖅ, ᐊᓈᓇᖓᑕ ᐃᓱᒻᒥᕐᑐᖃᑦᑕᓚᐅᕐᒪᒍ ᐃᓱᐃᑦᑐᓕᓚᐅᕐᐳᖅ.

ᔫᐱᐅᑉ ᐊᒡᓚᖏᑦ 10:3

ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?

ᔫᐱᐅᑉ ᐊᒡᓚᖏᑦ 21:16

ᑕᑯᒋᑦ, ᐃᒻᒥᖕᓂᒃ ᐱᔪᓐᓇᕐᓂᕐᒥᖕᓄᑦ ᒪᑭᓯᒪᓂᕋᕐᐳᑦ, ᐱᐅᖏᑦᑐᓕᔪᓪᓕ ᐃᓱᒪᒋᔭᖏᑦ ᐊᖏᖃᑎᒋᔪᓐᓇᓐᖏᓚᒃᑲ.

ᔫᐱᐅᑉ ᐊᒡᓚᖏᑦ 31:5

ᓱᓕᖏᑦᑐᒥᒃ ᐱᓇᓱᐊᖃᑦᑕᕐᓯᒪᓐᓂᕈᒪ, ᐃᓅᖃᑎᓐᓂᒡᓗ ᓯᓔᕐᕆᒃᓯᕙᓚᐅᕐᓂᕈᒪ;

ᐃᓐᖏᕈᑎᑦ 1:6

ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.

ᐃᓐᖏᕈᑎᑦ 106:3

ᖁᕕᐊᓱᒍᑎᒃᓴᖃᕐᐳᑦ ᐊᑦᔨᒌᒃᑎᑦᓯᔪᑦ, ᓈᒻᒪᓈᕐᑐᒥᒃᓗ ᑍᒪᓐᖓᑦ ᐱᓇᓱᐊᖃᑦᑕᕐᑐᖅ!

ᐃᓐᖏᕈᑎᑦ 112:1

ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ.

ᐃᓐᖏᕈᑎᑦ 119:115

ᐅᕙᓐᓂᑦ ᕿᒪᕉᑎᒋᑦᓯ, ᐃᓕᑦᓯ ᐊᔪᕐᑐᓕᔪᓯ, ᒎᑎᒪ ᐱᖁᔭᖏᑦ ᒪᓕᖕᓂᐊᕋᒃᑭᑦ.

ᐃᓐᖏᕈᑎᑦ 144:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᑍᒤᑦᑐᓄᑦ ᓮᒻᒪᕐᑎᑕᐅᔪᑦ! ᐄᓛᒃ, ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᐊᑕᓂᕐᒥᒃ ᒎᑎᖃᕐᑐᑦ!

ᐃᓐᖏᕈᑎᑦ 146:5

ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.

ᐃᓐᖏᕈᑎᑦ 146:9

ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ, ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ; ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 26:12

ᒪᓂᕋᑦᓯᐊᒥᓕ ᓇᓕᕆᒃᑐᒥ ᓇᖏᕐᐳᖓ: ᐃᓄᒋᐊᒃᑐᕐᔪᐊᑦ ᑐᒃᓯᐊᕆᐊᕐᐸᒃᑐᑦ ᐃᓚᒋᓗᒋᑦ ᐊᑕᓂᖅ ᓂᕐᑐᕈᒪᕙᕋ.

ᐃᓐᖏᕈᑎᑦ 34:8

ᐆᒃᓯᐅᒃ ᖃᐅᔨᓗᓯᓗ ᐊᑕᓂᖅ ᒪᒪᕐᑑᖕᒪᑦ; ᓮᒪᓇᕐᑐᒦᑉᐳᖅ ᐃᓄᒃ ᑖᑦᓱᒥᖓ ᑕᑎᖃᕐᑐᖅ!

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 64:2

ᐃᔨᕐᓯᒪᓚᐅᓐᖓ ᐱᐅᖏᑦᑐᓕᔪᑦ ᐃᓱᒪᓕᐅᖃᑎᒌᖕᓂᖏᓐᓂᑦ, ᐱᐅᖏᑦᑐᒥᒃ ᐱᓇᓱᐊᕐᑎᑦ ᐊᑭᕋᕐᑐᕋᓱᐊᕐᓂᖏᓐᓂᑦ.

ᐃᓐᖏᕈᑎᑦ 81:12

ᑍᒤᒻᒪᑦ ᐃᓱᒤᓐᓇᕐᕆᑎᓕᕐᐸᒃᑲ ᑐᓴᕈᓐᓇᖏᒻᒪᑕ, ᐱᔪᒪᔭᒥᖕᓂᒃ ᒪᓕᖕᓂᐊᓕᕐᒪᑕ.

ᐃᓐᖏᕈᑎᑦ 84:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᑕᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:15

ᐃᕐᓃᒃ, ᑍᒤᓕᐅᕐᑐᓄᑦ ᐱᖃᑕᐅᑦᑍᓕᒋᑦ, ᐃᑎᒐᑎᑦ ᐊᖅᑯᑎᖏᓐᓂᒃ ᒪᓕᒃᑍᓕᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:15

ᐃᓱᒪᒃᓴᕐᓯᐅᑦᓯᐊᕐᓂᖅ ᓈᒻᒪᒋᔭᐅᓂᖃᕐᑎᑦᓯᕗᖅ, ᑐᑭᓯᒪᓂᖃᕋᓱᐊᖏᑦᑐᕐᓕ ᐊᑐᒐᒃᓴᖃᕐᐳᖅ ᐊᓯᕈᕐᑕᐅᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:20

ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:29

ᓱᒋᐊᕐᑕᐅᓃᑦ ᒥᑕᐅᑎᖃᕐᐸᒃᑐᑦ ᐱᓪᓗᒋᑦ ᐊᑐᐃᓐᓇᐅᕗᑦ, ᐊᓇᐅᓕᕐᑕᐅᓃᓪᓗ ᓯᓔᑦᑐᑦ ᐱᓪᓗᒋᑦ ᐊᑐᐃᓐᓇᐅᒋᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:12

ᓴᐳᑦᔨᔨᒋᖃᑦᑕᕐᓂᐊᕐᐸᑦ ᐱᐅᖏᑦᑑᑉ ᐱᓇᓱᐊᕐᓂᖓᓂᑦ, ᐃᓄᐃᓪᓗ ᐅᖃᐅᓯᕐᓗᖕᓂᖏᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:19

ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ, ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:12

ᓯᓚᑐᒍᕕᑦ, ᓯᓚᑐᓃᑦ ᐃᓕᖕᓄᑦ ᐃᑲᔪᕐᓂᐊᕐᐳᖅ, ᒥᑕᐅᑎᖃᕈᕕᓪᓕ ᓇᖕᒥᓂᖅ ᐅᖁᒤᒃᓴᕐᑎᓐᓂᐊᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 15:17

ᖁᕕᐊᓱᒃᑐᑦ ᐃᒃᓯᕙᖃᑎᒋᓚᐅᓐᖏᓚᒃᑲ, ᖁᕕᐊᓱᓚᐅᓐᖏᓚᖓᓘᓐᓃᑦ; ᐃᓄᑑᓪᓗᖓ ᐃᒃᓯᕙᓚᐅᕐᐳᖓ, ᕾᖁᔭᐅᓯᒪᓂᕋ ᐃᓕᖕᓄᑦ ᐱᑦᔪᑎᒋᓪᓗᒍ, ᓂᓐᖓᐅᒪᓂᕐᒥᒃ ᑕᑕᑎᓚᐅᕋᕕᖓ.

ᔨᕆᒤᐊᐅᑉ ᐊᒡᓚᖏᑦ 17:7

ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐊᑕᓂᕐᒥᒃ ᑕᑎᖃᕐᑐᖅ, ᓂᕆᐅᒋᓗᒍ ᑕᑎᖃᕐᑐᖅ ᐊᑕᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 20:18

ᕿᑐᕐᖓᖏᓪᓗ ᐅᖃᐅᑎᓚᐅᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ‘ᓯᕗᓕᑦᓯ ᐱᓂᐊᕐᑕᐅᖁᔭᖏᑦ ᒪᓕᒃᑍᓕᓯᐅᒃ, ᐊᑐᕐᑕᐅᖁᔭᖏᓪᓗ ᐊᑐᕐᑍᓕᓗᒋᑦ, ᓇᕐᕈᓇᕐᓯᑎᑦᑍᓕᒋᑦᓯᓗ ᒎᑎᓐᖑᐊᕆᓚᐅᕐᑕᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᓘᑲᓯᐅᑉ ᐊᒡᓚᖏᑦ 23:51

ᑖᓐᓇ ᑲᑎᒪᔨᐅᖃᑎᒥᓂᒃ ᐊᖏᖃᑎᖃᓚᐅᓐᖏᓚᖅ ᐱᑦᔪᑎᒋᔭᖏᓐᓂᒃ ᐱᓂᐊᕐᓂᖏᓐᓂᒡᓗ, ᒎᑎᐅᑉ ᐊᑕᓂᐅᕕᖓᑕ ᑎᑭᑦᓱᒫᕐᓂᖓᓂᒃ ᓂᕆᐅᒋᔭᖃᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 13:17

ᑕᒪᓐᓇ ᖃᐅᔨᒐᑦᓯᐅᒃ, ᓮᒪᓇᕐᑐᒦᓕᕋᔭᕐᐳᓯ ᐊᑐᓕᕈᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 20:29

ᔩᓱᓯᐅᑉ ᐅᖃᐅᑎᕚ, “ᐅᒃᐱᓕᕐᐲᑦ ᑕᑯᒐᕕᖓ ᑭᓯᐊᓂ? ᓮᒪᓇᕐᑐᒦᐳᑦ ᑕᑯᓚᐅᕋᑎᒃ ᐅᒃᐱᕐᑐᑦ.”

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᐃᐱᓯᒥᐅᓄᑦ 6:13

ᑍᒤᒻᒪᑦ ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐊᓐᓄᕌᖏᑦ ᑕᒪᕐᒥᒃ ᐊᑎᓕᕐᓯᐅᒃ, ᐅᓪᓗᖅ ᐱᐅᖏᑦᑐᖅ ᓇᓪᓕᐅᑎᒃᐸᑦ ᓵᓚᐅᖁᓇᓯ, ᐊᑭᕋᕐᑐᕐᑎᐅᑉ ᐱᒋᐊᕐᑕᕐᓂᖓᓂᒃ ᐃᓕᑦᓯᓐᓂᒃ; ᐅᓇᑕᕐᑎᓪᓗᓯ ᓵᓚᐅᖁᓇᓯ.

ᒨᓯᓯ ᑕᓪᓕᒪᖏᑦ 14:6

ᖃᓄᐃᑦᑐᑐᐃᓐᓁᑦ ᐆᒪᔪᑦ ᐃᑎᒐᖏᑦ ᑯᑭᖃᕐᑐᑦ ᒪᕐᕉᓕᖅᑲᖓᔪᓂᒃ ᑕᒧᓗᕋᐅᔭᕐᐸᒃᑐᓪᓗ ᐆᒪᔪᓕᒫᓂᑦ ᑕᒪᒃᑯᐊ ᓂᕆᔪᓐᓇᕐᐸᓯ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.