ᓲᓗᒨᓂᐅᑉ ᐅᖃᓪᓚᖕᓂᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᕙᖓ, ᓯᓚᑐᓂᐅᕗᖓ ᐃᓂᖃᕐᐳᖓ ᑲᒪᑦᓯᐊᕐᓂᕐᒥᒃ; ᖃᐅᔨᒪᓂᕐᓗ ᓈᒻᒪᓈᑦᓯᐊᕐᓂᕐᓗ ᐱᓯᒪᕙᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:12 Iomraidhean Croise

ᐊᑕᓃᑦ ᓯᕗᓪᓖᑦ 7:14

ᐅᐃᒡᒐᕐᓂᐅᑉ ᐃᕐᓂᖓ ᓈᑉᑕᓕᐅᑉ ᑭᖑᕚᖏᓐᓂᒥᐅᖅ ᐊᑖᑕᖓ ᑍᕆᒥᐅᑕᐅᓚᐅᕐᑐᖅ, ᑖᓐᓇ ᓴᓇᔨ ᑲᓐᓄᔭᓂᒃ; ᓯᓚᑐᔫᓚᐅᕐᐳᖅ, ᑐᑭᓯᐊᑦᓯᐊᕐᓗᓂᓗ ᓴᓇᔪᓐᓇᑦᓯᐊᕐᑐᖅ, ᑲᓐᓄᔭᒥᒃ ᖃᓄᑐᐃᓐᓇᖅ. ᑖᓐᓇ ᑎᑭᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, ᓴᓇᓚᐅᕐᑐᕐᓗ ᓴᓇᔭᕆᐊᖃᕐᑕᓕᒫᒥᓂᒃ.

ᑯᕉᓂᑲ ᓯᕗᓪᓖᑦ 28:12

ᐆᒃᑑᑎᒃᓮᓪᓗ ᐃᓱᒪᒋᓯᒪᔭᓕᒫᓂ ᑐᓂᕔᑦ ᐊᑕᓂᐅᑉ ᐃᒡᓗᖓᑕ ᐱᕕᑐᓂᒃᓴᖏᑦ, ᑲᑎᒪᕕᒃᓴᓕᒫᖏᓪᓗ, ᑮᓇᐅᔭᒃᑯᕕᒃᓴᓕᒫᖏᓪᓗ ᒎᑎᐅᑉ ᐃᒡᓗᖓᓂ, ᑐᓂᕐᕈᑎᒃᓮᓪᓗ ᐃᑦᔪᕐᓁᑎᑕᐅᓯᒪᔪᑦ ᐃᓂᒃᓴᖏᑦ;

ᑯᕉᓂᑲ ᓯᕗᓪᓖᑦ 28:19

ᐊᑕᓂᐅᑉ ᖃᐅᔨᑎᓚᐅᕐᐹᖓ ᑎᑎᕋᕐᓯᒪᔪᑎᒍᑦ ᑖᒃᑯᐊᓕᒫᑦ ᐊᒡᒐᖕᒥᓄᑦ ᑎᑎᕋᓚᐅᕐᒪᒋᑦ ᐅᕙᓐᓄᑦ, ᓴᓇᔭᐅᔭᕆᐊᖃᓛᕐᒪᑕ ᐸᕐᓇᒃᑕᐅᓯᒪᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 13:14

ᔫᑕᒃᑯᓪᓗ ᑕᑯᓴᕋᒥᒃ, ᖃᐅᔨᓕᕐᐳᑦ, ᐅᓇᑕᕐᑐᑦ ᓯᕗᕋᓃᑦ ᑐᓄᐊᓂᓗ ᐊᕙᑕᖏᕐᑕᐅᓯᒪᓂᕐᒥᖕᓂᒃ; ᐊᑕᓂᕐᒧᓪᓗ ᑐᒃᓯᐊᓕᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ.

ᐃᓐᖏᕈᑎᑦ 104:24

ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.

ᒨᓯᓯ ᐂᑉᐸᖏᑦ 35:30

ᑕᕝᕙ ᒨᓯᓯ ᐅᖃᕐᐳᖅ ᐃᓴᕆᐊᓕᒥᐅᓄᑦ, “ᐊᑕᓂᖅ ᓂᕈᐊᕐᓯᒪᕗᖅ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕆᐅᑉ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:4

ᖃᐅᔨᓯᒪᖏᑦᑑᒐᓗᐊᒥᒃ ᐊᔪᕈᓐᓃᕐᑎᑦᓯᔪᓐᓇᕐᐳᑦ ᓯᓚᑐᓕᕐᑎᑦᓯᓗᑎᒃ, ᐃᓅᓱᒃᑐᓂᒡᓗ ᐊᔪᕆᕐᑐᐃᔪᓐᓇᕐᐳᑦ ᐊᑐᕐᓇᕐᑐᓂᒃ ᐱᓇᓱᐊᕈᓐᓇᕐᓯᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:5

ᓯᓔᑦᑐᓯ, ᐃᓕᓐᓂᐊᓕᕆᑦᓯ ᐅᑦᔨᕐᑐᑦᓯᐊᕈᓐᓇᕐᓯᖁᓪᓗᓯ; ᓯᓔᑦᑐᓯᓗ, ᓈᓚᑦᓯᐊᓕᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:8

ᑕᒪᑐᒥᖓ ᐊᖏᔪᕐᔪᐊᒥᒃ ᑐᓂᓯᕕᒋᓚᐅᕐᒪᑎᒍᑦ ᓯᓚᑐᓂᕐᔪᐊᒥᒍᑦ ᖃᐅᔨᒪᓂᕐᔪᐊᒥᒍᓪᓗ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.