ᓲᓗᒨᓂᐅᑉ ᐅᖃᓪᓚᖕᓂᖏᑦ 6:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᑯᐊ ᐱᖓᓲᔪᕐᑐᑦ ᐊᑕᓂᐅᑉ ᐆᒥᒋᕔᑦ, 7ᖓᓪᓗ ᓇᕐᕈᓇᕐᓂᕋᕐᑕᖓᓃᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:16 Iomraidhean Croise

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᔫᐱᐅᑉ ᐊᒡᓚᖏᑦ 5:19

ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

ᐃᓐᖏᕈᑎᑦ 11:5

ᐊᑕᓂᐅᑉ ᐱᓇᓱᐊᑦᓯᐊᕐᑐᖅ ᖃᐅᔨᓴᕐᐹ, ᐱᐅᖏᑦᑐᓕᔪᓪᓕ, ᑲᑉᐱᐊᓱᒃᑎᑦᓯᓂᕐᒥᒡᓗ ᖁᕕᐊᒋᔭᖃᕐᑐᑦ ᐆᒥᒋᕔᑦ.

ᐃᓐᖏᕈᑎᑦ 5:7

ᐅᕙᖓᓕ, ᐃᒡᓗᖕᓄᑦ ᐃᑎᕈᒪᕗᖓ, ᓇᒡᓕᒍᓱᖕᓂᕐᔪᐊᑦ ᐊᒥᒐᖏᑦᑐᑦ ᐱᔪᓐᓇᐅᑎᒋᓗᒍ; ᐃᓕᖕᓂᒃ ᓯᕘᕋᓂᕐᒧᑦ, ᑐᒃᓯᐊᕐᓂᕐᒧᑦ ᐱᔨᑦᓯᕈᒪᕙᒋᑦ, ᑐᒃᓯᐊᕐᕕᒡᔪᐊᖁᑎᕕᑦ ᐃᑦᔪᕐᓁᑦᑑᑉ ᓇᓛᓄᑦ ᓵᓐᖓᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:1

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:20

ᐱᐅᖏᑦᑐᓂᒃ ᐃᓱᒪᓖᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᐱᓂᐊᕐᓂᕐᒥᒃᑎᒍᓪᓕ ᐸᓯᔭᒃᓴᐅᓂᖃᖏᑦᑐᑦ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:22

ᓴᒡᓗᑐᔪᓂᒃ ᐅᖃᐅᓯᓖᑦ ᐊᑕᓂᐅᑉ ᓇᕐᕈᒋᕔᑦ, ᐱᓂᐊᕐᓂᖃᕐᑐᓪᓕ ᒪᓕᑦᓯᐊᖏᓐᓇᕐᓗᑎᒃ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:10

ᐅᖁᒤᓐᓂᕐᓯᐅᑏᑦ ᐆᒃᑐᕋᐅᑏᓪᓗ ᓇᓛᒍᑦ ᐊᑐᕐᑕᐅᖏᑦᑐᑦ, ᐊᑕᓂᐅᑉ ᑕᒪᕐᒥᒃ ᓇᕐᕈᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:23

ᐅᖁᒤᓐᓂᕐᓯᐅᑏᑦ ᐅᐃᕕᕆᒃᓯᕈᑕᐅᓯᒪᔪᑦ ᐊᑕᓂᐅᑉ ᓇᕐᕈᒋᕔᑦ, ᐆᒃᑐᕋᐅᑎᓪᓗ ᓱᓕᔪᒥᒃ ᐊᑐᕐᑕᐅᖏᑦᑐᑦ ᐊᑕᓂᐅᑉ ᐱᐅᒋᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4

ᐱᔪᓐᓇᕋᓱᒋᓂᖅ ᐆᒻᒪᑎᒃᑯᓪᓗ ᐱᐅᔪᕆᓂᖅ, ᐱᐅᖏᑦᑐᓕᔪᑦ ᐱᓇᓱᐊᒐᒃᓴᓕᐊᖏᑦ, ᐊᔪᕐᑐᓕᓂᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:32

ᐊᑕᓂᐅᑉ ᐆᒥᒋᖕᒪᒋᑦ ᐊᔪᕐᑐᓕᔪᑦ, ᐃᓱᐊᕐᑐᓕᔪᓪᓕ ᖁᓚᕆᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:18

ᐱᖓᓲᒋᕗᑦ ᐅᕙᓐᓄᑦ ᑲᒪᓇᓗᐊᕐᑐᑦ, ᓯᑕᒪᖓᓪᓗ ᑐᑭᓯᔪᓐᓇᓐᖏᑕᕋ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:21

ᓄᓇ ᐱᖓᓲᓕᖅᑲᖓᔪᒥᒃ ᓴᔪᒃᐱᓗᓲᖑᕗᖅ; ᓯᑕᒪᖓᓐᓄᓪᓕ ᐊᓂᒡᒎᑎᔪᓐᓇᓐᖏᓚᖅ:

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:24

ᓯᑕᒪᐅᕗᑦ ᓄᓇᕐᔪᐊᕐᒥ ᒥᑭᓐᓂᕐᐸᐅᔪᑦ, ᑖᒃᑯᐊᓕ ᓯᓚᑐᔪᒻᒪᕆᐊᓘᕗᑦ:

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:29

ᐱᖓᓲᕗᑦ ᓈᖏᑦ ᐊᒃᑐᐊᓪᓗᑎᒃ ᐱᓱᒃᐸᒃᑐᑦ; ᓯᑕᒪᖓᓪᓕ ᓈᖓ ᐊᒃᑐᐊᓇᓂ ᐱᓱᓪᓚᕆᓲᖑᕗᖅ:

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:15

ᐊᓯᕈᕐᑕᐅᓇᕐᑐᒧᑦ ᑎᑭᐅᑎᑲᓪᓚᒍᒫᕐᐳᖅ ᓂᕆᐅᕕᒋᓐᖏᑕᒥᒍᑦ, ᐋᓐᓂᕐᓇᕐᑐᒧᑦ ᓯᖁᑦᑎᕈᒫᕐᐳᖅ ᐋᖅᑭᒃᑕᐅᕕᒃᓴᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 26:15

ᖃᐅᔨᒪᒋᑦᓯᓕ, ᑐᖁᒃᑯᑦᓯᓐᖓ ᐸᓯᔭᒃᓴᑑᓂᐊᕐᐳᓯ ᑐᖁᑦᑎᓯᒪᓂᑦᓯᓐᓂᒃ ᐸᓯᔭᒃᓴᐅᖏᑦᑐᒥᒃ, ᐊᑕᓂᐅᑉ ᐅᖃᖁᓚᐅᕐᒪᖓ ᑕᒪᒃᑯᓂᖓ ᐅᖃᐅᓯᕐᓂᒃ ᑐᓵᑎᓪᓗᓯ.”

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 1:3

ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.

ᐂᒨᓯᐅᑉ ᐊᒡᓚᖏᑦ 1:9

ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᐂᒨᓯᐅᑉ ᐊᒡᓚᖏᑦ 2:1

ᐊᑕᓂᖅ ᐃᒫᒃ ᐅᖃᕐᐳᖅ, “ᒧᐊᐱᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐄᑐᒥᐅᑉ ᐊᖓᔪᖅᑳᕐᔪᐊᖓᑕ ᓴᐅᓂᖏᑦ ᐃᑭᑕᐅᓚᐅᕐᒪᑕ ᐊᕐᔭᓕᓂᓐᖑᕐᓗᒋᑦ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᓴᑲᕅᐊᐅᑉ ᐊᒡᓚᖏᑦ 8:17

ᐃᓅᖃᑎᑦᓯᓐᓄᑦ ᐱᐅᖏᑦᑐᒥᒃ ᐱᓂᐊᕐᕕᖃᕈᒪᓗᓯ ᐃᓱᒪᒃᓴᕐᓯᐅᕐᓂᐊᕐᓇᓯ, ᐊᖏᕐᑎᑕᐅᓯᒪᓗᓯᓗ ᓴᒡᓗᑎᖃᕐᓂᐊᕋᓯ. ᑕᒪᒃᑯᐊ ᑍᒤᓕᐅᕐᓃᑦ ᐆᒥᒋᕙᒃᑲ,” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᒨᓯᓯ ᑕᓪᓕᒪᖏᑦ 24:4

ᓯᕗᓪᓕᕐᒥᒃ ᐅᐃᒋᓚᐅᕐᑕᖓᑕ ᓄᓕᐊᕐᑖᕆᒃᑲᓐᓂᕆᐊᖃᓐᖏᓛ; ᑖᑦᓱᒪ ᐱᓇᓱᐊᕇᕐᓯᒪᖕᒪᒍ; ᑍᒫᒃ ᐊᑕᓂᕐᒧᑦ ᓇᕐᕈᓇᕐᒪᑦ, ᑕᒪᑐᒧᖓᓗ ᓄᓇ ᐸᓯᔭᒃᓴᕈᕐᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ.”

ᒨᓯᓯ ᑕᓪᓕᒪᖏᑦ 25:16

ᑕᒪᕐᒥᑦᓯᐊᖅ ᓱᓕᖏᑦᑐᒥᒃ ᐱᓕᕆᔪᑦ ᐊᑕᓂᐅᑉ ᒎᑎᑦᓯ ᖁᕕᐊᒋᖏᒻᒪᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.