ᓲᓗᒨᓂᐅᑉ ᐅᖃᓪᓚᖕᓂᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑖᑕᒪ ᐃᒡᓗᖓᓂ ᓄᑲᑉᐱᐊᖑᑎᓪᓗᖓ, ᓇᒡᓕᒋᔭᐅᓚᐅᕐᐳᖓ ᐊᓈᓇᒪ ᕿᑐᕐᖓᑐᐊᕆᑎᓪᓗᓂᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:3 Iomraidhean Croise

ᑯᕉᓂᑲ ᓯᕗᓪᓖᑦ 22:5

ᑍᕕᑎ ᐅᖃᓚᐅᕐᐳᖅ, “ᐃᕐᓂᕋ ᓲᓗᒨᓂ ᐃᓅᓱᒃᑑᖕᒪᑦ ᖃᐅᔨᒪᓐᖏᓗᐊᕐᓗᓂᓗ, ᐃᒡᓗᓗ ᓴᓇᔭᐅᔪᒃᓴᖅ ᐊᑕᓂᕐᒧᑦ ᑕᑯᒥᓇᑦᓯᐊᕐᑐᒃᓴᐅᓪᓗᓂ, ᖃᐅᔨᒪᔭᐅᑦᓯᐊᕐᓗᓂᓗ ᓂᕐᑐᕐᓇᕐᓗᓂᓗ ᓄᓇᓕᓕᒫᓄᑦ; ᒫᓐᓇᓕ ᑍᒤᒻᒪᑦ ᐊᑐᐃᓐᓇᕈᕐᑎᕆᔪᒪᕗᖓ ᑖᑦᓱᒧᖓ.” ᑍᒤᒻᒪᑦ ᑍᕕᑎ ᐊᑐᐃᓐᓇᕈᕐᑎᕆᓚᐅᕐᐳᖅ ᑐᒃᓯᐊᕐᕕᒡᔪᐊᒃᓴᓂᒃ ᑐᖁᓚᐅᖏᓐᓂᕐᒥᓂ.

ᑯᕉᓂᑲ ᓯᕗᓪᓖᑦ 29:1

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐅᖃᕐᐳᖅ ᑲᑎᒪᔪᓕᒫᓄᑦ: “ᐃᕐᓂᕋ ᓲᓗᒨᓂ, ᒎᑎᐅᑉ ᓇᖕᒥᓂᖅ ᓂᕈᐊᓚᐅᕐᒪᒍ, ᐃᓅᓱᒃᑑᖕᒪᑦ ᐱᓇᓱᐊᓚᐅᕐᓯᒪᓇᓂᓗ, ᑕᒪᓐᓇᓗ ᐱᓇᓱᐊᒐᒃᓴᖅ ᐊᖏᔪᐊᓘᖕᒪᑦ; ᐃᓄᖕᒧᓪᓗ ᐃᒡᓗᒃᓴᕆᔭᐅᑦᔮᓇᓂ ᐊᑕᓂᕐᒧᓪᓕ ᒎᑎᒧᑦ ᐃᒡᓗᕐᔪᐊᒃᓴᐅᓂᐊᕐᐳᖅ.

ᑯᕉᓂᑲ ᓯᕗᓪᓖᑦ 3:5

ᐅᑯᐊ ᔨᕉᓴᓕᒥ ᐃᕐᓂᕐᑖᕆᓯᒪᕔᑦ: ᓯᒥᐊ, ᓲᐸᑉ, ᓁᑕᓂ, ᓲᓗᒨᓂᓗ, ᑖᒃᑯᐊ ᓯᑕᒪᑦ ᐱᐊᕐᓰᐸᒃᑯᑦ ᐃᕐᓂᕐᑖᕆᓚᐅᕐᐰᑦ ᐊᒥᐅᓕᐅᑉ ᐸᓂᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 10:23

ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᕉᒪᒥᐅᓄᑦ 12:16

ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.