ᓲᓗᒨᓂᐅᑉ ᐅᖃᓪᓚᖕᓂᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᕿᑐᕐᖓᒃᑳ, ᐊᑖᑕᑦᓯ ᐊᔪᕆᕐᑐᐃᑦᔪᑎᒋᔭᖏᑦ ᓈᓚᒃᓯᐅᒃ, ᑐᓵᓇᓱᐊᑦᓯᐊᕐᓗᒋᓪᓗ ᖃᐅᔨᓂᐊᕋᕕᑦ ᑐᑭᓯᑎᑕᐅᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:1 Iomraidhean Croise

ᒨᓯᓯ ᓯᕗᓪᓖᑦ 49:2

ᑲᑎᓗᓯ ᓈᓚᓚᐅᕐᓯᓐᖓ, ᔧᑯᒧᑦ ᐃᕐᓂᐅᔪᓯ, ᓈᓚᑦᓯᐊᕐᓗᒍᓗ ᐃᓴᕆᐊᓕ ᐊᑖᑕᓯ.

ᐃᓐᖏᕈᑎᑦ 34:11

ᕾᒋᑦᓯ, ᕿᑐᕐᖓᐅᔪᓯ, ᓈᓚᓚᐅᕐᓯᓐᖓ; ᓯᕘᕋᓂᕐᒥᒃ ᐊᑕᓂᕐᒥᒃ ᐊᔪᕆᕐᑐᕐᓂᐊᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:2

ᐃᓄᐃᑦ ᖃᐅᔨᖁᓪᓗᒋᑦ ᓯᓚᑐᓂᕐᒥᒃ ᐃᓕᓐᓂᐊᕐᑎᑕᐅᓂᕐᒥᒡᓗ ᑐᑭᓯᑎᑦᓯᓗᑎᒃ ᐅᖃᓪᓚᖕᓃᑦ ᑐᑭᖏᓐᓂᒃ ᐃᑎᔪᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:8

ᐃᕐᓃᒃ ᓈᓚᑦᓯᐊᕆᑦ ᐊᑖᑕᕕ ᐃᓕᓮᓂᖏᓐᓂᒃ, ᐊᓈᓇᕕᓪᓗ ᐊᔪᕆᕐᑐᐃᑦᔪᑎᖏᓐᓂᒃ ᓇᕐᕈᓂᐊᕐᓇᒃ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:1

ᐃᕐᓂᖅ ᓯᓚᑐᔪᖅ ᐊᑖᑕᒥᓄᑦ ᐊᔪᕆᕐᑐᕐᑕᐅᔪᑎᒋᔭᒥᓂᒃ ᓈᓚᒃᐳᖅ, ᒥᑕᐅᑎᖃᑐᐃᓐᓇᕐᐸᒃᑐᕐᓕ ᐃᓂᕐᑎᕐᑕᐅᑦᔪᑎᒥᓂᒃ ᓈᓚᒍᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:20

ᒪᓕᒐᒃᓴᓕᐅᕐᑕᐅᒍᕕᑦ ᓈᓚᑦᓯᐊᕆᑦ ᐃᓕᓴᕐᑕᐅᓃᑦ ᓈᒻᒪᒋᒍᒃ, ᓯᕗᓂᕐᒥ ᓯᓚᑐᓂᕐᑖᕈᑎᒋᓛᕋᕕᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:17

ᓯᐅᑏᒃᑭᒃ ᓈᓚᒃᓕᒃ, ᑐᓵᒋᑦ ᓯᓚᑐᔫᑉ ᐅᖃᐅᓯᖏᓐᓂᒃ, ᐃᓱᒤᑦ ᐊᑐᓕᕈᒃ ᖃᐅᔨᒪᓂᓐᓄᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:1

ᐃᕐᓃᒃ, ᑐᓵᑦᓯᐊᕋᓱᐊᕈᒃ ᓯᓚᑐᓂᒃᑯᑦ ᐅᖃᓪᓚᖕᓂᕋ, ᓯᐅᑏᒃᑭᒃ ᒪᓂᓕᒃᑭᒃ ᑐᑭᓯᑎᑕᐅᓯᒪᓂᕆᔭᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:4

ᓯᓚᑐᓂᖅ ᐅᖃᐅᑎᒍᒃ, “ᓇᔭᒋᕙᒋᑦ,” ᑐᑭᓯᑎᑕᐅᓂᕐᓗ ᑍᓗᒍ ᐃᓚᓐᓇᕆᔭᕐᓂᒃ.

ᔨᕆᒤᐊᐅᑉ ᐊᒡᓚᖏᑦ 35:8

ᑕᒪᒃᑯᐊᓕᒫᑦ ᓈᓔᓐᓇᓚᐅᕐᐸᕗᑦ ᓯᕗᓕᑦᑕ ᔨᕼᐅᓇᑕᐅᑉ ᕆᑳᐱᐅᑉ ᐃᕐᓂᖓᑕ ᒪᓕᒐᒃᓴᓕᐊᕆᓚᐅᕐᑕᖏᑦ ᐅᕙᑦᑎᓐᓄᑦ, ᐅᕙᒍᓪᓗ ᓄᓕᐊᕗᓪᓗ ᐃᕐᓂᕗᓪᓗ ᐸᓂᕗᓪᓗ ᐃᒥᓚᐅᕐᓯᒪᓐᖏᓚᑦ ᕔᓂᒥᒃ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.