ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ? ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ? ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ? ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ? ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ? ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4 Iomraidhean Croise

ᒨᓯᓯ ᓯᕗᓪᓖᑦ 32:29

ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.” ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᔫᐱᐅᑉ ᐊᒡᓚᖏᑦ 11:8

ᕿᓚᖕᒥᑦ ᖁᕝᕙᓯᖕᓂᕐᓴᐅᕗᖅ, ᖃᓄᐃᓕᐅᕈᓐᓇᕐᐱᓪᓕ? ᐃᑎᓂᕐᓴᐅᕗᖅ ᑐᖁᖓᔪᑦ ᐃᓂᖓᓂᑦ, ᖃᓄᕐᓕ ᖃᐅᔨᔪᓐᓇᕐᐱᑦ?

ᔫᐱᐅᑉ ᐊᒡᓚᖏᑦ 26:8

ᑖᑦᓱᒪ ᓄᕗᑦᓴᕆᒃᑐᑦ ᐃᒥᕐᒥᒃ ᐃᒻᒥᕐᐰᑦ, ᐃᒪᖃᕈᓐᓇᕐᑎᑉᐰᓪᓗ ᖄᖁᓇᒋᑦ ᐃᒥᐅᑉ ᐅᖁᒤᓐᓂᖓᓄᑦ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 24:2

ᐃᒪᕐᔪᐃᑦ ᖄᖓᓂ ᑐᓐᖓᕕᒃᑖᕐᑎᓚᐅᕐᒪᒍ ᐃᓂᑖᕐᑎᓚᐅᕐᐹᓗ ᐃᖏᕐᕋᓂᕐᔪᐃᑦ ᖄᖏᓐᓄᑦ.

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᒨᓯᓯ ᐂᑉᐸᖏᑦ 15:10

ᐊᑕᓃᖅ ᓱᐱᕕᒋᑐᐊᕋᕕᒋᑦ, ᐃᒪᕐᒧᑦ ᐅᓕᒃᑕᐅᕗᑦ; ᑭᕕᓪᓗᑎᒡᓗ ᑯᓯᕐᓯᐊᑎᑐᑦ ᐃᒪᕐᒧᑦ ᐃᑎᔪᒧᑦ.

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 45:18

ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.

ᐂᓮᐊᓯᐅᑉ ᐊᒡᓚᖏᑦ 53:8

ᐅᑯᒤᒃᓴᕐᑎᑕᐅᓂᒃᑯᑦ ᐃᖅᑲᕐᑐᕐᑕᐅᓂᒃᑯᓪᓗ ᐊᐅᓪᓚᕈᑦᔭᐅᓚᐅᕐᐳᖅ; ᑭᓇ ᐅᖃᐅᓯᖃᕈᓐᓇᓚᐅᕐᐸ ᑭᖑᕚᒃᓴᖏᓐᓂᒃ? ᓄᓇᒥ ᐃᓅᔪᓂᒃ ᐃᓚᖃᕈᓐᓃᕐᑎᑕᐅᓚᐅᕐᒪᑦ, ᐃᓄᖁᑎᒪ ᓈᓚᒍᒪᖏᓐᓂᖏᓐᓄᑦ ᐋᓐᓂᐊᑎᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᓘᑲᓯᐅᑉ ᐊᒡᓚᖏᑦ 10:22

“ᐊᑖᑕᒪ ᓱᓇᓕᒫᓂᒃ ᑐᓂᓯᕕᒋᕚᖓ, ᓇᓪᓕᐊᑦᑕᓗ ᐃᕐᓂᖅ ᑭᓇᐅᖕᒪᖔᑦ ᖃᐅᔨᒪᓐᖏᓛ, ᐊᑖᑕ ᑭᓯᒥ ᖃᐅᔨᒪᕗᖅ, ᐊᑖᑕᓗ ᑭᓇᐅᖕᒪᖓᑦ ᖃᐅᔨᒪᔪᖃᖏᓐᓂᕗᑦ, ᐃᕐᓂᖅ ᑭᓯᒥ ᖃᐅᔨᒪᕗᖅ, ᐃᕐᓂᐅᓪᓗ ᓂᕈᐊᕐᓗᒋᑦ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.”

ᔪᐊᓇᓯᐅᑉ ᐊᒡᓚᖏᑦ 3:13

ᕿᓚᓕᐊᕐᑐᖃᓚᐅᕐᓯᒪᓐᖏᓚᖅ, ᕿᓚᖕᒥᑦ ᐊᖅᑲᕐᑐᖅ ᑭᓯᒥ, ᑕᕝᕙ ᐃᓅᑉ ᐃᕐᓂᖓ.

ᕉᒪᒥᐅᓄᑦ 10:6

ᐃᓗᐊᕐᓂᕋᕐᑕᐅᓗᓂᓕ ᐅᒃᐱᕐᓂᕐᒥᒃ ᑐᓐᖓᕕᓕᒃ ᐅᖃᕐᐳᖅ, ᐃᓗᒃᑯᑦ ᐃᓱᒪᓂᐊᕐᓇᒃ, “ᑭᓇ ᕿᓚᖕᒧᑦ ᖁᒻᒧᐊᖕᓂᐊᕐᐹ?” (ᐃᒫᒃ, ᙭ᔅᑑᓯ ᐊᖅᑲᕐᑎᑦᓴᕐᑐᕐᓗᒍ.)

ᒨᓯᓯ ᑕᓪᓕᒪᖏᑦ 28:58

“ᒎᑎᐅᑉ ᐊᔪᕆᕐᑐᐃᑦᔪᑎᒋᓯᒪᔭᖏᓐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓕᒫᓂᒃ ᓈᓚᖕᓂᐊᖏᒃᑯᑦᓯ ᓱᖁᓯᔪᐃᑦᑑᓂᐊᖏᒃᑯᑦᓯᓗ ᐊᑕᓂᐅᓪᓗ ᒎᑎᕕᑦ ᐊᑎᖓ ᐅᐱᓐᓇᕐᓯᑎᓐᓂᐊᖏᒃᑯᕕᐅᒃ ᐱᐅᓂᕐᐹᖑᔪᖅ ᑲᒪᓇᕐᓂᕐᐸᐅᔪᕐᓗ,

ᒨᓯᓯ ᑕᓪᓕᒪᖏᑦ 30:12

ᕿᓚᖕᒦᖏᒻᒪᑕ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᕿᓚᖕᒧᑦ ᐂᓂᐊᕐᐸ, ᐅᕙᑦᑎᓐᓄᑦ ᑐᓂᓯᓂᐊᕐᒪᑦ ᑖᒃᑯᓂᖓ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:12

ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ.

ᐃᓗᐊᕐᓮᔩᑦ ᐊᒡᓚᖏᑦ 13:18

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ, “ᖃᓄᐃᒻᒪᑦ ᐊᑎᓐᓂᒃ ᐊᐱᕐᓱᕐᐲᑦ, ᑕᑯᔧᑦ ᐱᐅᔪᐊᓘᑎᓪᓗᒎ?”