ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6 Iomraidhean Croise

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 2:4

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?” ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ,

ᓂᕼᐃᒤᐊᐅᑉ ᐊᒡᓚᖏᑦ 7:5

ᑕᕝᕙ ᒎᑎᐅᑉ ᐃᒃᐱᒍᓱᒃᑎᓕᓚᐅᕐᐹᖓ ᐃᓄᖕᓂᒃ ᑲᑎᓯᖁᓪᓗᖓ ᓯᕗᓕᕐᑎᖏᓐᓂᒃ, ᐊᖓᔪᖅᑳᖏᓐᓂᒡᓗ, ᐃᓚᒌᑦ ᑎᑎᕋᕐᑕᐅᓯᒪᓂᖏᑦ ᖃᐅᔨᓴᕐᑕᐅᖁᓪᓗᒋᑦ. ᑎᑎᕋᕐᓯᒪᔪᖁᑎᖏᓪᓗ ᓇᓂᓚᐅᕐᐸᒃᑲ ᑍᒃᑯᐊ ᓯᕗᓪᓖᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐅᑎᕐᓂᕕᓂᖏᑕ ᐃᒤᓕᖓᓂᖏᓐᓂᒃ:

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:5

ᐃᓱᐊᕐᑐᒥ ᐃᓅᔪᖅ ᐸᓯᔭᒃᓴᐅᖏᓐᓂᕐᒥᓄᑦ ᐃᓱᐊᕐᑐᒦᑎᑕᐅᕗᖅ, ᐱᐅᖏᑦᑐᕐᓕ ᐱᐅᖏᑦᑐᓕᓂᕐᒥᓄᑦ ᑲᑕᒃᑎᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:3

ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᕝᕙ ᐃᓱᒪᕕᑦ ᐱᓇᓱᐊᕈᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:9

ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:17

ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.

ᐂᓮᐊᓯᐅᑉ ᐊᒡᓚᖏᑦ 26:7

ᐃᓱᐊᕐᑐᑦ ᐊᖅᑯᑎᖏᑦ ᒪᓂᕋᕈᕐᑎᑉᐸᑎᑦ; ᐃᓱᐊᕐᑐᑦ ᐱᓱᒡᕕᒃᓴᖏᑦ ᕾᕋᑦᑑᑎᑉᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 45:13

ᓮᕋᓯ ᒪᑭᑎᓯᒪᕙᕋ ᓇᓛᒎᕐᓂᓐᓄᑦ, ᐊᖅᑯᑎᒋᓂᐊᕐᑕᓕᒫᖏᓪᓗ ᑐᑭᓕᐊᕐᓯᑎᓐᓂᐊᕐᐸᒃᑲ; ᐃᒡᓗᒐᓴᒡᔪᐊᖁᑎᒃᑲ ᓴᓇᔪᒫᕐᐰᑦ ᐊᐅᓪᓚᕈᑦᔭᐅᓯᒪᔪᖁᑎᒃᑲᓗ ᑎᒍᔭᐅᓯᒪᔪᓐᓃᕐᑎᓪᓗᒋᑦ, ᐊᑭᓕᕐᑕᐅᓂᕐᒨᖏᑦᑐᖅ ᐊᑭᓕᕐᑕᐅᔪᒪᓂᕐᒨᖏᑦᑐᕐᓗ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 10:23

ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 42:3

ᐊᑕᓂᕐᒧᑦ ᑐᒃᓯᐅᑦᔭᐅᔪᒪᕗᒍᑦ ᒎᑎᑦᑎᓐᓄᑦ ᖃᐅᔨᔪᒪᓪᓗᑕ ᓇᒧᓐᖓᐅᔪᒃᓴᐅᖕᒪᖔᑦᑕ ᖃᓄᕐᓗ ᐱᔪᒃᓴᐅᖕᒪᖔᑦᑕ.”

ᒨᓯᓯ ᓯᑕᒪᖏᑦ 9:20

ᐃᒤᓚᐅᕐᐳᖅ, ᐅᓪᓗᓂᒃ ᐅᓄᕐᑐᓂᒃ ᓄᕗᔭ ᑐᐱᕐᔪᐊᑉ ᖁᓛᓃᑦᓴᕌᖓᑦ; ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᑕᖕᒫᕐᓯᒪᖃᑦᑕᓚᐅᕐᐳᑦ, ᐊᑕᓂᐅᓪᓗ ᐱᖁᔨᓂᖓ ᒪᓕᒡᓗᒍ ᐃᖏᕐᕋᖃᑦᑕᓚᐅᕆᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16

ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᑯᓘᓯᐊᒥᐅᓄᑦ 3:23

ᓱᓇᑐᐃᓐᓇᕐᒥᒃ ᐱᓇᓱᐊᕈᕕᑦ, ᐊᒃᓱᕈᕐᓗᑎᑦ ᐱᓇᓱᐊᖃᑦᑕᕆᑦ, ᐊᑕᓂᕐᒧᑦ ᐱᓇᓱᐊᕐᑐᑎᑐᑦ ᐃᓄᖕᓅᖏᑦᑐᖅ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”