ᓲᓗᒨᓂᐅᑉ ᐅᖃᓪᓚᖕᓂᖏᑦ 3:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑍᒤᓕᐅᕈᕕᑦ ᖁᕕᐊᒋᔭᐅᓂᐊᕐᐳᑎᑦ ᐅᖃᐅᓯᐅᑦᓯᐊᕐᐸᒡᓗᑎᓪᓗ ᒎᑎᐅᑉ ᓵᖓᓂ ᐃᓄᖕᓄᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:4 Iomraidhean Croise

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:2

ᐃᓄᑦᓯᐊᕙᐅᔪᖅ ᐊᑕᓂᕐᒧᑦ ᖁᕕᐊᒋᔭᐅᓂᖃᕐᐳᖅ, ᐱᐅᖏᑦᑐᓂᒡᓗ ᐱᓇᓱᐊᕈᒪᓂᕾᓐᓇᕐᑐᖅ ᐊᑕᓂᐅᑉ ᑐᖁᔪᒃᓴᖁᑎᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:15

ᐃᓱᒪᒃᓴᕐᓯᐅᑦᓯᐊᕐᓂᖅ ᓈᒻᒪᒋᔭᐅᓂᖃᕐᑎᑦᓯᕗᖅ, ᑐᑭᓯᒪᓂᖃᕋᓱᐊᖏᑦᑐᕐᓕ ᐊᑐᒐᒃᓴᖃᕐᐳᖅ ᐊᓯᕈᕐᑕᐅᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:35

ᐅᕙᓐᓂᒃ ᓇᓂᓯᔪᖅ ᐃᓅᓯᕐᒥᒃ ᓇᓂᓯᕗᖅ, ᐊᑕᓂᒧᓪᓗ ᖁᕕᐊᒋᔭᐅᓂᕐᒥᒃ ᓇᓂᓯᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 1:9

ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ.

ᓘᑲᓯᐅᑉ ᐊᒡᓚᖏᑦ 2:52

ᔩᓱᓯ ᐱᕈᕐᐸᓪᓕᐊᓚᐅᕐᐳᖅ ᑎᒥᒥᒍᑦ ᓯᓚᑐᓕᕐᐸᓪᓕᐊᓪᓗᓂ, ᖁᕕᐊᒋᔭᐅᓪᓗᓂᓗ ᒎᑎᒧᑦ ᐃᓄᖕᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:47

ᒎᑎᒥᒃ ᓂᕐᑐᐃᖃᑦᑕᓚᐅᕐᐳᑦ, ᐃᓄᓕᒫᓄᓪᓗ ᖁᕕᐊᒋᔭᐅᓪᓗᑎᒃ. ᖃᐅᑕᒫᓪᓗ ᐊᑕᓂᖅ ᐱᐅᓕᔭᐅᕙᓪᓕᐊᔪᓂᒃ ᐃᓚᑖᕐᑎᑉᐸᓪᓕᐊᓚᐅᕐᐰᑦ.

ᕉᒪᒥᐅᓄᑦ 14:18

ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:21

ᐊᒃᓱᕈᒻᒪᕆᒃᑲᑦᑕ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ ᐊᑕᓂᐅᑉ ᓵᖓᓂᑐᐃᓐᓇᐅᖏᑦᑐᖅ ᐃᓄᐃᓪᓗᑦᑕᐅᖅ ᓵᖏᓐᓂ.

ᓴᒧᐃᓕ ᓯᕗᓪᓖᑦ 2:21

ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.

ᓴᒧᐃᓕ ᓯᕗᓪᓖᑦ 2:26

ᓱᕈᓯᕐᓕ ᓴᒧᐃᓕ ᑲᔪᓯᓪᓗᓂ ᐱᕈᕐᐸᓪᓕᐊᓚᐅᕐᐳᖅ ᐱᐅᒋᔭᐅᓕᕐᐸᓪᓕᐊᓪᓗᓂᓗ ᐊᑕᓂᕐᒧᑦ ᐃᓄᖕᓄᓪᓗ.