34 ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.
ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.
ᓴᓗᒪᑦᓯᐊᕐᑐᓄᑦ, ᓴᓗᒪᑦᓯᐊᕐᓗᑎᑦ ᓴᖅᑭᓐᓂᐊᕐᐳᑎᑦ, ᓯᓔᕐᕆᒃᓯᓇᓱᐊᕐᑐᓄᑦ, ᐃᓕᕋᓇᕐᓗᑎᑦ ᓴᖅᑭᓐᓂᐊᕐᐳᑎᑦ,
ᐅᖁᒤᒃᓴᕐᓇᕐᑐᒦᓕᕈᕕᑦ ᐃᔪᕆᔪᒫᓕᕐᐸᒋᑦ; ᐅᐃᒪᔮᕐᓇᕐᑐᒦᓕᕈᕕᓪᓗ ᒥᑕᐅᑎᒋᔪᒫᓕᕐᐸᒋᑦ.
ᓯᓔᑦᑐᑦ ᒥᑕᐅᑎᖃᕐᐳᑦ ᐊᔪᕐᑐᓕᓂᕐᒧᑦ ᑐᓂᕐᕈᑎᓂᒃ, ᐃᓱᐊᕐᑐᒥᒡᓕ ᐃᓅᔪᑦ ᒎᑎᒧᑦ ᐅᐱᒋᔭᐅᓂᕐᒥᒃ ᖁᕕᐊᓱᒃᐳᑦ.
ᐱᐅᓂᕐᓴᐅᕗᖅ ᒥᑭᒡᓕᑎᕐᓯᒪᓗᓂ ᐊᔪᕐᓴᕐᑐᓂ, ᐅᓇᑕᕐᓂᒃᑯᑦ ᓵᓚᖃᐅᑎᕕᓂᕐᓂᒃ ᑐᓂᐅᖅᑲᕐᑕᐅᓂᕐᒥᑦ ᐱᐅᔪᕆᔪᓄᑦ.
ᓱᒋᐊᕐᑕᐅᓃᑦ ᒥᑕᐅᑎᖃᕐᐸᒃᑐᑦ ᐱᓪᓗᒋᑦ ᐊᑐᐃᓐᓇᐅᕗᑦ, ᐊᓇᐅᓕᕐᑕᐅᓃᓪᓗ ᓯᓔᑦᑐᑦ ᐱᓪᓗᒋᑦ ᐊᑐᐃᓐᓇᐅᒋᕗᑦ.
ᐱᐅᔪᕆᔪᖅ ᐱᔪᓐᓇᕋᓱᒋᓗᐊᕐᑐᕐᓗ ᑍᔭᐅᕗᖅ, “ᒥᑕᐅᑎᒃᓴᕐᑎᒥᒃ” ᐱᓂᐊᕐᓂᖃᕐᒪᑦ ᐊᔪᖏᓐᓇᓱᒋᓂᕐᒥᒃ ᐱᐅᔪᕆᓂᕐᒥᒃ.
ᓯᓚᑐᒍᕕᑦ, ᓯᓚᑐᓃᑦ ᐃᓕᖕᓄᑦ ᐃᑲᔪᕐᓂᐊᕐᐳᖅ, ᒥᑕᐅᑎᖃᕈᕕᓪᓕ ᓇᖕᒥᓂᖅ ᐅᖁᒤᒃᓴᕐᑎᓐᓂᐊᕐᐳᑎᑦ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”
ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”
