ᓲᓗᒨᓂᐅᑉ ᐅᖃᓪᓚᖕᓂᖏᑦ 3:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑲᑉᐱᐊᓱᖕᓂᐊᕐᓇᒃ ᑲᑉᐱᐊᓇᕐᑐᒧᑦ ᐅᐃᒻᒪᒃᑎᑕᐅᑲᓪᓚᖕᓂᕐᒥᒃ, ᐱᐅᖏᑦᑐᒥᒃᓗ ᐃᓅᓯᖃᕐᑐᑦ ᑎᑭᑕᐅᒐᓗᐊᕐᐸᑕ ᐊᓄᕆᕐᔪᐊᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:25 Iomraidhean Croise

ᐃᓐᖏᕈᑎᑦ 112:7

ᐱᐅᖏᑦᑐᓂᒃ ᑐᓴᕐᑎᑕᐅᒐᓗᐊᕈᓂ ᓯᕘᕋᓂᐊᓐᖏᓚᖅ; ᑖᑦᓱᒪ ᐆᒻᒪᑎᖓ ᐊᐅᓚᖏᑦᑐᒦᒻᒪᑦ, ᐊᑕᓂᕐᒥᒃ ᑕᑎᖃᕐᓗᓂ.

ᐃᓐᖏᕈᑎᑦ 73:19

ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

ᐃᓐᖏᕈᑎᑦ 91:5

ᐅᓐᓄᐊᑉ ᑲᑉᐱᐊᓇᕐᓂᖓᓂᒃ ᓯᕘᕋᒋᔭᖃᖁᓇᒃ, ᐅᕝᕙᓗ ᖃᕐᔪᓂᒃ ᖃᖓᑕᔪᓂᒃ ᐅᓪᓘᑎᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:27

ᐅᐃᒪᔮᕐᓇᕐᑐᒧᑦ ᑎᑭᑕᐅᒍᕕᑦ ᓯᓚᕐᓂᕐᓗᖕᒧᑦ ᑎᑭᑕᐅᔪᑎᑐᑦ, ᐅᖁᒤᒃᓴᕐᓂᕐᓗ ᐅᓚᔪᔭᕐᑎᑐᑦ ᑎᑭᐅᑎᒃᐸᑦ, ᐱᕖᓱᐊᓂᖅ ᐃᓱᒪᔮᕐᓂᕐᓗ ᐃᓕᖕᓄᑦ ᑎᑭᑉᐸᑦ.

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 9:8

ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.

ᒫᑎᐅᓯᐅᑉ ᐊᒡᓚᖏᑦ 24:15

“ᑕᑯᒍᑦᓯ ᑐᒃᓯᐊᕐᕕᒡᔪᐊᕐᒥ ᑕᑯᒥᓁᑦᑐᕐᔪᐊᒥᒃ ᐃᓕᓯᕕᐅᓂᖓᓂᒃ ᓇᓚᐅᑦᑍᔫᑉ ᑖᓂᐊᓕᐅᑉ ᐅᖃᐅᓯᕆᓯᒪᔭᖓᓂᒃ, ᐃᑦᔪᕐᓁᑦᑐᕕᖕᒦᑦᑐᒥᒃ (ᐊᑐᐊᕐᓯᔫᑉ ᑐᑭᓯᔭᕆᐊᖃᕐᑕᖓ),

ᒫᑎᐅᓯᐅᑉ ᐊᒡᓚᖏᑦ 24:6

ᐅᓇᑕᕐᑐᓂᒃ ᖃᓂᒋᔭᑦᓯᓐᓂ ᑐᓵᔪᒫᕐᐳᓯ, ᐅᖓᓯᒋᔭᑦᓯᓐᓂᓗ ᐅᓇᑕᕐᑐᑦ ᐅᖃᐅᓯᐅᓂᖏᓐᓂᒃ ᑐᓴᔪᒫᕐᐳᓯ; ᑲᑉᐱᐊᓱᒃᑍᓕᒋᑦᓯ; ᑍᒤᑦᑐᖃᕆᐊᖃᕐᒪᑦ, ᑭᓯᐊᓂ ᑕᒪᒃᑯᐊ ᓇᓗᓁᕐᓯᓐᖏᓚᑦ ᓯᓚᕐᔪᐊᑉ ᓇᒡᒐᑎᒃᓴᖓᓂᒃ.

ᒫᑯᓯᐅᑉ ᐊᒡᓚᖏᑦ 4:40

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓱᖕᒪᑦ ᑲᑉᐱᐊᓱᒃᐱᓯ? ᓱᓕ ᐅᒃᐱᕐᓂᖃᓐᖏᓚᓰ?”

ᓘᑲᓯᐅᑉ ᐊᒡᓚᖏᑦ 21:9

ᐅᓇᑕᕐᑐᓂᒃ ᑐᓴᕈᑦᓯ ᓵᓚᒋᖃᑦᑕᐅᑎᓇᓱᒃᑐᓂᒃ, ᓯᕘᕋᓂᐊᕋᓯ; ᑕᒪᒃᑯᐊ ᓯᕗᓪᓕᐅᔭᕆᐊᖃᕐᒪᑕ, ᓯᓚᕐᔫᓪᓕ ᐃᓱᐊ ᓱᓕ ᓇᓪᓕᐅᑎᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 14:1

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᐲᑦᑐᕉᓯ ᓯᕗᓪᓖᑦ 3:14

ᐊᒃᓱᕈᕐᑎᑕᐅᒐᓗᐊᕈᑦᓯ ᐃᓗᐊᕐᑐᓕᓂᖅ ᐱᑦᔪᑎᒋᓗᒍ, ᓮᒻᒪᕐᑎᑕᐅᓂᐊᕐᐳᓯ. ᓇᓪᓕᐊᓐᓂᒡᓘᓐᓃᑦ ᓯᕘᕋᓂᐊᕋᓯ, ᐃᓱᒪᔮᕐᓂᐊᕋᓯᓗ.