22 ᑕᕐᓂᕐᓂᒃ ᐃᓅᑎᑦᓯᓂᐊᕐᒪᑕ ᖁᖓᓯᕐᓂᓗ ᑕᑯᒥᓇᐅᑎᒋᓗᒍ.
ᓄᓇᕋᕐᓂᒃ ᑕᑯᒥᓇᕐᑐᓂᒃ ᓂᐊᖂᓯᕐᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᕐᑐᑦ.
ᓯᓚᑐᔪᒧᑦ ᓯᓚᑐᓂᖅ ᐃᓅᓯᕐᑕᖃᕐᐳᖅ ᓄᓇᐅᑉ ᐃᓗᐊᓂᑦ ᑰᒃᑐᑎᑐᑦ, ᓯᓔᑦᑐᓪᓕ ᓯᓔᕐᕈᕐᑐᕐᓂᖅ ᓱᒋᐊᕐᑕᐅᑦᔪᑎᒋᕚᑦ.
ᓯᓚᑐᓂᖃᕐᑐᖅ ᐃᒻᒥᓂᒃ ᓇᒡᓕᒋᕗᖅ, ᑐᑭᓯᐅᒪᓂᕐᒥᒡᓗ ᐱᖃᕐᑑᑉ ᐱᐅᔪᒥᒃ ᓇᒡᕚᕈᑎᒋᕚ.
ᐃᓱᐊᕐᓂᕐᒥᒃ ᐱᑦᓯᐊᕐᓂᕐᒥᒡᓗ ᕿᓂᕐᑐᖅ ᐃᓅᓯᕐᒥᒃ ᓇᓂᓯᕗᖅ ᐅᐱᒋᔭᐅᓂᕐᒥᒡᓗ.
ᐊᔪᕆᕐᑐᕐᑕᐅᑦᔪᑎᒋᔭᑎᑦ ᐱᓯᒪᑦᓯᐊᒃᑭᑦ, ᓴᒃᑯᑦᑍᓕᓗᒋᑦ; ᑎᒍᒥᐊᕈᒃ ᐃᓅᓯᖃᕈᑎᒋᒐᕕᐅᒃ.
ᓇᓂᓯᔪᓄᑦ ᐃᓅᓯᒃᓴᐅᖕᒪᑕ, ᑎᒥᖏᓐᓄᓪᓗ ᐋᖅᑭᒃᑕᐅᑦᔪᑎᒃᓴᐅᓪᓗᑎᒃ.
ᐅᕙᓐᓂᒃ ᓇᓂᓯᔪᖅ ᐃᓅᓯᕐᒥᒃ ᓇᓂᓯᕗᖅ, ᐊᑕᓂᒧᓪᓗ ᖁᕕᐊᒋᔭᐅᓂᕐᒥᒃ ᓇᓂᓯᓪᓗᓂ.
ᐊᑕᓃᖅ, ᑍᒤᑦᑐᒃᑰᕋᓗᐊᕐᓗᑎᒃ ᐃᓄᐃᑦ ᐃᓅᕙᒃᒪᑕ; ᑍᒤᑦᑐᓪᓗ ᑕᒪᕐᒥᒃ ᐊᓂᕐᓂᕐᒪ ᐃᓅᕕᒋᓕᕐᐸᒋᑦ, ᐊᑏ ᐋᖅᑭᒡᓗᖓ ᐃᓅᔪᓐᓇᕐᑎᓚᐅᓐᖓ.
ᐅᑯᐊ ᐊᔪᕆᕐᑑᓰᑦ ᐅᖃᐅᓯᑐᐃᓐᓇᐅᖏᒻᒪᑕ, ᐃᓅᓯᑦᓯᓐᓂᒡᓕ ᐱᑦᔪᑎᖃᕐᐳᑦ, ᐊᑯᓂ ᐃᓅᖁᓪᓗᓯ ᓄᓇᒥ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᔪᒫᓕᕐᑕᑦᓯᓐᓂ.”
