ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9 Iomraidhean Croise

ᐊᑕᓃᑦ ᓯᕗᓪᓖᑦ 1:12

ᑍᒤᒻᒪᓪᓕ ᒫᓐᓇ ᕾᒋᑦ ᐅᖃᐅᑎᓚᐅᕐᓚᒋᑦ, ᐃᓄᓰᑦ ᓇᖕᒥᓂᖅ ᓴᐳᑎᓂᐊᕋᕕᐅᒃ ᐃᕐᓂᕐᐱᓪᓗ ᓲᓗᒨᓂᐅᑉ ᐃᓅᓯᖓ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 133:2

ᓇᐹᕐᑑᑉ ᐅᕐᓱᖓᑎᑐᑦ ᐱᔪᒥᓇᕐᑐᑐᑦ ᑍᒤᑉᐳᖅ, ᐂᕉᓂᐅᑉ ᓂᐊᖁᐊᓄᑦ ᑯᕕᔭᐅᔪᑎᑐᑦ ᑰᒐᕐᑐᑐᓪᓗ ᐅᒥᖏᑎᒍᑦ, ᐊᓐᓄᕌᖏᑕ ᑭᒡᓕᖓᓄᑦ ᑯᑐᒡᓗᓂ ᑎᑭᐅᑎᔪᑎᑐᑦ!

ᐃᓐᖏᕈᑎᑦ 141:5

ᐃᓱᐊᕐᑐᓕᔪᒧᑦ ᐊᓇᐅᔭᐅᑎᓚᐅᓐᖓ ᐱᑦᓯᐊᕐᓂᐅᒐᔭᕐᒪᑦ ᓱᐊᒃᑕᐅᓗᖓᓘᓐᓃᑦ ᑕᒪᓐᓇ ᐅᕐᓱᑦᓯᐊᕚᓘᖕᒪᑦ; ᐱᐅᖏᑦᑐᓄᓪᓕ ᓂᐊᖁᕋ ᐅᕐᓱᕐᑎᕐᑕᐅᑎᓚᐅᕐᓯᒪᓐᓂᐊᕐᓇᒍ; ᓱᓕ ᑐᒃᓯᐊᕐᐳᖓ ᐱᐅᖏᑦᑐᑦ ᐱᓂᐊᕐᓂᖏᑦ ᐊᑭᕋᕐᑐᕐᓗᒋᑦ.

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:23

ᐊᖑᑦ ᖁᕕᐊᓱᒃᑎᑕᐅᕗᖅ ᑭᐅᑦᔪᑎᒃᓴᖃᑦᓯᐊᕌᖓᒥ, ᐅᖃᐅᓯᖅ ᓈᒻᒪᓈᕐᑎᓪᓗᒍ, ᐱᐅᔪᐊᓘᕗᖅ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:21

ᐆᒻᒪᑎᖃᕐᑐᖅ ᓯᓚᑐᔪᒥᒃ ᐅᑦᔨᕐᓱᑦᓯᐊᕐᑐᒥᒃ ᑍᔭᐅᓂᐊᕐᐳᖅ, ᐅᖃᓪᓚᑦᓯᐊᕐᐸᒃᑐᕐᓗ ᒪᓕᒃᓴᕐᑎᑦᓯᑦᓯᐊᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:17

ᒪᒪᕐᓴᐅᑖᖅᑲᐅᕙᕋᓗ ᐱᖓᓱᐃᓄᑦ ᒫᕐᒧᑦ, ᐋᓘᒧᑦ ᓯᓂᒪᓐᒧᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 1:3

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᑑᖕᒪᑦ, ᐊᑏᓪᓗ ᑍᓪᓗᒍ ᑎᐱᑦᓯᐊᕆᒃᑐᑐᑦ ᑯᕕᔭᐅᔪᑐᑦ ᑍᒤᑉᐳᖅ, ᑍᒤᒻᒪᑦ ᐅᐃᒡᒐᓱᐃᑦ ᐅᖓᕚᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:6

ᑭᓇᐅᓇ ᐃᓄᖃᖏᑦᑐᒥᑦ ᑎᑭᑉᐸ? ᐳᔫᕐᑐᑎᑐᑦ ᖁᒻᒧᐊᒃᑐᑎᑐᑦ ᓲᕐᓗ, ᑎᐱᑦᓯᐊᕆᒃᓴᕐᓯᒪᓪᓗᓂ ᒧᕆᒥᒃ, ᕗᕌᑭᓐᓯᓐᓯᒥᒃᓗ, ᓂᐅᕕᕐᑎᑦᓯᔨᐅᕙᒃᑐᑦ ᑎᐱᑦᓯᐊᕆᒃᓴᐅᑎᖁᑎᓕᒫᖏᓐᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:10

ᓇᒡᓕᖕᓃᑦ ᒪᒪᕐᑐᐊᓘᖕᒪᑦ, ᓇᔮᒃ, ᓄᓕᐊᒃᓵᒃ! ᓇᒡᓕᖕᓃᑦ ᒪᒪᕐᓂᕐᓴᐅᕗᖅ ᕔᓂᒥᑦ, ᐅᕐᓱᕐᑎᕈᑎᕕᓪᓗ ᑎᐱᖓ ᒪᒪᕐᓂᕐᓴᐅᕗᖅ ᑎᐱᑦᓯᐊᕆᒃᑐᓂᑦ ᑕᒤᓐᓂᑦ!

ᔪᐊᓇᓯᐅᑉ ᐊᒡᓚᖏᑦ 12:3

ᑕᕝᕙ ᒥᐊᕆ ᑎᐱᑦᓯᐊᕆᒃᓴᐅᒻᒥᒃ ᐊᑭᑐᔪᒥᒃ ᑎᒍᓯᓪᓗᓂ ᐊᑕᐅᓯᕐᒥᒃ ᐅᖁᒤᓐᓂᖃᕐᑐᒥᒃ, ᐱᕈᕐᑐᕕᓂᕐᓂᑦ ᐱᓯᒪᔪᒥᒃ ᐃᓚᓯᒪᖏᑦᑐᒥᒃ, ᔩᓱᓯᐅᑉ ᐃᑎᒐᖏᓐᓄᑦ ᑯᕕᓯᓪᓗᓂ ᓄᔭᕐᒥᓄᑦ ᐊᓪᓚᕐᑎᕐᐰᑦ; ᑎᐱᑦᓯᐊᕆᒃᓴᐅᑎᐅᑉ ᑎᐱᑦᓯᐊᕆᖕᓂᖓᓄᑦ ᐃᒡᓗᓕᒫᖅ ᑎᑉᐸᒃᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 28:15

ᐅᒃᐱᕐᑑᖃᑎᒌᓪᓕ ᑕᕝᕙᓃᑦᑐᑦ ᑐᓴᕋᒥᒃ ᐅᕙᑦᑎᓐᓂᒃ, ᐸᕐᕆᐊᕐᐹᑎᒍᑦ ᑲᑎᓪᓗᑕ ᑕᑯᕋᓐᓈᕐᕕᖕᒥ ᐊᐱᐅᓯᒥᒃ ᐊᑎᓕᖕᒥ, ᐊᓯᖏᓪᓗ ᑐᔪᕐᒥᕕᖕᓂᑦ ᐱᖓᓱᓂᒃ ᐊᑎᓕᖕᒥ ᑲᑎᒋᕙᕗᑦ. ᐸᐅᓗᓯᐅᑉ ᑕᑯᒐᒥᒋᑦ ᒎᑎ ᐊᖏᔪᒥᒃ ᖁᔭᒋᕚ, ᐊᖏᔪᒥᒃ ᐱᕙᓪᓕᕐᑎᑕᐅᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 9:9

ᓇᐹᕐᑐᖅ ᐅᕐᓱᒃᓴᓕᒃ ᑭᐅᕗᖅ, ‘ᐅᕐᓱᖅ ᐅᕙᓐᓂᑦ ᐱᔪᖅ ᓴᒃᑯᑕᒃᓴᕆᕙᕌ, ᑕᒪᑐᒨᓇ ᒎᑏᑦ ᐃᓄᐃᓪᓗ ᐅᐱᒋᔭᐅᑦᔪᑎᒃᓴᕆᕚᑦ, ᓇᐹᕐᑐᐃᑦ ᖁᓛᑦᑎᒍᑦ ᑕᑯᒃᓴᐅᖁᓪᓗᒍ ᐊᓄᕆᒧᑦ ᐊᐅᓚᔪᖅ?’