ᓲᓗᒨᓂᐅᑉ ᐅᖃᓪᓚᖕᓂᖏᑦ 24:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:12 Iomraidhean Croise

ᔫᐱᐅᑉ ᐊᒡᓚᖏᑦ 34:11

ᑖᑦᓱᒪ ᐃᓄᒃ ᐱᓂᐊᕐᓂᖓ ᒪᓕᒡᓗᒍ ᐊᑭᓕᖃᑦᑕᕐᐹ, ᐱᓇᓱᐊᕐᕕᒋᖃᑦᑕᕐᐹᓗ ᐃᓅᓯᖓ ᒪᓕᒡᓗᒍ.

ᐃᓐᖏᕈᑎᑦ 121:3

ᑖᑦᓱᒪ ᐃᑎᒐᑎᑦ ᖁᐂᔭᕿᑎᓐᓂᐊᓐᖏᓔᑦ, ᑖᓐᓇᓗ ᓴᐳᑦᔨᔩᑦ ᓇᔭᖓᕐᓂᐊᓐᖏᓚᖅ.

ᐃᓐᖏᕈᑎᑦ 121:8

ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐃᑎᕐᑎᓪᓗᑎᑦ ᐊᓂᑎᓪᓗᑎᓪᓗ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᐃᓐᖏᕈᑎᑦ 17:3

ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.

ᐃᓐᖏᕈᑎᑦ 44:21

ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 66:9

ᑕᕐᓂᕗᑦ ᐃᓅᔪᑦ ᐃᓂᖓᓃᑎᒻᒪᒋᑦ, ᐃᑎᒐᕗᓪᓗ ᖁᐃᔭᕿᑎᓚᐅᖏᒻᒪᒋᑦ.

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᐃᓐᖏᕈᑎᑦ 94:9

ᓯᐅᑎᒥᒃ ᐃᓕᓯᓚᐅᕐᑐᖅ, ᑐᓵᖏᑦᑑᔪᓐᓇᕐᐹ? ᐃᔨᒥᒃ ᓴᓇᓚᐅᕐᑐᖅ, ᑕᑯᓐᓇᖏᑦᑑᔪᓐᓇᕐᐹ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:14

ᐊᖑᑦ ᐱᐅᔪᓂᒃ ᐅᖃᐅᓯᕐᒥᓄᑦ ᓈᒻᒪᒃᓯᑎᑕᐅᓯᒪᓂᐊᕐᐳᖅ ᐱᐅᔪᒥᒃ, ᐊᒡᒐᖏᑕᓗ ᐱᓇᓱᐊᕐᓂᖏᑦ ᐊᑭᓕᕐᑕᐅᑦᔪᑎᒋᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:2

ᐃᓅᑉ ᐊᖅᑯᑎᒋᔭᖏᑦ ᐃᔨᖏᒃᑕ ᓵᖓᓂ ᐱᐅᖏᑦᑐᕐᑕᖃᓐᖏᓚᑦ, ᐊᑕᓂᐅᓪᓕ ᐊᓂᕐᓃᑦ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:2

ᐃᓅᑉ ᐊᑐᕐᑕᓕᒫᓂ ᓈᒻᒪᒐᓱᒋᕔᑦ ᑕᐅᑐᒃᑕᒥᒍᑦ, ᐊᑕᓂᐅᓪᓕ ᐆᒻᒪᑎᖏᑎᒍᑦ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22

ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:36

ᖃᐅᔨᒪᕗᕐᓗ ᓇᓛᒎᕐᑐᒥᒃ ᐃᖅᑲᕐᑐᕐᑕᐅᖏᑦᑕᕌᖓᑦᑕ, ᐊᑕᓂᐅᑉ ᐊᖏᕐᓯᒪᖏᑕᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:28

ᐅᖃᐅᓯᐅᓯᒪᖕᒪᑦ, ‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’; ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ, ‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’

ᕉᒪᒥᐅᓄᑦ 2:16

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᕐᐳᖅ ᒎᑎ ᐃᖅᑲᕐᑐᐃᓕᕐᐸᑦ ᐃᓄᐃᑦ ᐃᔨᕐᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.

ᕉᒪᒥᐅᓄᑦ 2:6

ᑖᑦᓱᒪ ᐊᑭᓕᕈᒫᕐᒪᒋᑦ ᐃᓄᓕᒫᑦ ᐊᑐᓂᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.

ᓴᒧᐃᓕ ᓯᕗᓪᓖᑦ 2:6

ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ; ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.

ᓴᒧᐃᓕ ᓯᕗᓪᓖᑦ 25:29

ᐅᓇᑕᕆᐊᕐᑕᐅᒍᕕᑦ ᑐᖁᑕᐅᓇᓱᐊᕐᓗᑎᑦ, ᐊᑕᓂᐅᑉ ᒎᑎᕕᑦ ᓴᐳᑎᔪᒫᕐᐹᑎᑦ, ᐊᖑᑎᑐᑦ ᐱᓐᓇᕆᔭᒥᓂᒃ ᓴᐳᓐᓂᐊᕐᑐᑎᑐᑦ, ᐊᑭᕋᑎᓪᓕ ᐃᒋᑕᐅᔪᒫᕐᐳᑦ, ᐊᖑᑎᑐᑦ ᐃᓪᓘᒥᓄᑦ ᐃᓪᓘᕆᐊᕐᑐᑎᑐᑦ.