1 ᐱᐅᖏᑦᑐᒥᒃ ᐱᐅᓯᓖᑦ ᑐᓱᒋᓂᐊᕐᓇᒋᑦ, ᐃᓚᒋᔪᒪᓂᐊᕐᓇᒋᓪᓘᓐᓃᑦ;
ᖁᕕᐊᓱᑦᓯᐊᕐᐳᖅ ᐊᖑᑦ, ᒎᑎᖃᖏᑦᑐᑦ ᐱᖁᔨᓂᖏᓐᓂᒃ ᒪᓕᖏᑦᑐᖅ, ᐊᔪᕐᑐᓕᔪᓪᓗ ᐊᖅᑯᑎᖏᓐᓃᖏᑦᑐᖅ. ᒥᑕᐅᑎᖃᕐᑐᓪᓗ ᐃᒃᓯᕙᕝᕕᖏᓐᓂ ᐃᒃᓯᕙᖏᑦᑐᖅ.
ᑕᕐᓂᕋ ᐊᖑᐊᖃᓯᐅᑎᓂᐊᕐᓇᒍ ᐱᐅᖏᑦᑐᓕᔪᓄᑦ, ᐃᓅᓯᕋᓘᓐᓃᑦ ᐊᐅᖕᒥᒃ ᑯᕕᓯᔪᒪᔪᑦ ᐃᓚᒋᓗᒋᑦ.
ᐊᔪᕐᑐᓕᔪᑦ ᐃᓱᒫᓘᑎᒋᓂᐊᕐᓇᒋᑦ, ᑐᓱᒋᓂᐊᕐᓇᒋᓪᓗ ᐱᐅᖏᑦᑐᒥᒃ ᐱᓇᓱᐊᕐᐸᒃᑐᑦ.
ᐊᑕᓂᕐᒥ ᐃᓂᓪᓚᖓᓕᕆᑦ, ᕿᓄᐃᓵᕐᓗᑎᓪᓗ ᐅᑕᖅᑭᑦᓯᐊᕆᑦ ᑖᑦᓱᒥᖓ; ᐱᓂᐊᕐᓗᖕᓂᕐᒥᖕᓂᒃ ᑲᔪᓯᑎᑦᓯᔪᑦ ᐃᓱᒫᓗᓕᕈᑎᒋᑦᑍᓕᒃᑭᑦ ᐅᕝᕙᓗ ᐱᐅᖏᑦᑐᒥᒃ ᐱᓇᓱᐊᕐᑐᑦ ᑲᔪᓯᓂᕆᔭᖏᑦ.
ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.
ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.
ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.
ᑲᑉᐱᐊᓱᖕᓂᐊᕐᓇᒃ ᐱᐅᖏᑦᑐᓕᔪᓂᒃ, ᐊᔪᕐᑐᓕᔪᓪᓗ ᑐᓱᒋᓂᐊᕐᓇᒋᑦ;
ᐃᓄᒃ ᑲᑉᐱᐊᓱᒃᑎᑦᓯᕙᒃᑐᖅ ᑐᓱᒋᓕᕐᑍᓕᒍᒃ ᐱᓂᐊᕐᓂᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑐᕐᑍᓕᒋᑦ.
ᐱᐅᖏᑦᑐᑦ ᐊᖅᑯᓯᓂᖓᓄᑦ ᐃᑎᕐᑍᓕᒋᑦ, ᐱᐅᖏᑦᑐᓪᓗ ᐊᑐᕐᑕᖓᑦᑎᒍᑦ ᐃᓅᑦᑍᓕᓗᑎᑦ.
ᐃᓕᖅᑯᓯᖏᑦ ᐊᑐᕐᑍᓕᓗᒋᑦ, ᐊᖅᑯᑎᒋᔭᖓᒎᕐᑍᓕᒋᑦ, ᐊᑐᕐᑕᖓᑦ ᑐᓄᓪᓗᒍ, ᑲᔪᓯᑐᐃᓐᓇᕆᑦ.
