ᓲᓗᒨᓂᐅᑉ ᐅᖃᓪᓚᖕᓂᖏᑦ 22:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒥᑭᒡᓕᑎᕐᓯᒪᓂᖅ ᐊᑕᓂᕐᒥᒡᓗ ᓯᕘᕋᒋᔭᖃᕐᓂᖅ ᐊᑭᓕᕐᑕᐅᕘᒃ ᐊᒃᓱᐃᓐᓂᕐᒥᒃ ᐅᐱᒋᔭᐅᓂᕐᒥᒃ ᐃᓅᓯᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:4 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:23

ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᖅ; ᑕᒪᑐᒥᖓᓗ ᐱᖃᕐᑐᖅ ᓈᒻᒪᑦᓯᐊᕐᑐᒦᓐᓂᐊᕐᐳᖅ; ᑲᑉᐱᐊᓇᕐᑐᒧᓪᓗ ᑎᑭᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:20

ᓯᓚᑐᔪᑦ ᐃᒡᓗᖓᓂ ᖃᓄᐃᑦᑐᑐᐃᓐᓇᕐᓂᒃ ᐱᒃᑯᒥᓇᕐᑐᓂᒃ ᐅᕐᓱᒃᓴᓂᒡᓗ ᐱᑕᖃᕐᐳᖅ, ᓯᓔᑦᑐᓪᓕ ᑕᒤᓐᓂᒃ ᓄᖑᕈᑎᑲᐅᑎᒋᕚᒃᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:21

ᐃᓱᐊᕐᓂᕐᒥᒃ ᐱᑦᓯᐊᕐᓂᕐᒥᒡᓗ ᕿᓂᕐᑐᖅ ᐃᓅᓯᕐᒥᒃ ᓇᓂᓯᕗᖅ ᐅᐱᒋᔭᐅᓂᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:3

ᐅᑦᔨᕐᓱᑦᓯᐊᕐᑐᖅ ᖃᐅᔨᒪᔭᕇᓲᖑᕗᖅ ᐱᐅᖏᑦᑐᖅ ᑎᑭᓚᐅᕐᑎᓐᓇᒍ ᓴᐳᑎᓯᒪᓇᓱᐊᕈᑎᒃᓴᒥᓂᒃ ᐱᓇᓱᐊᕐᓯᒪᔪᓐᓇᕐᐳᖅ, ᐅᑦᔨᕐᓱᑦᓯᐊᖏᑦᑐᕐᓕ ᖃᐅᔨᓚᐅᕋᓂ ᐱᐅᖏᑦᑐᒧᑦ ᑎᑭᐅᑎᑐᐃᓐᓇᓲᖑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:5

ᐅᕐᐲᑦ ᑲᑭᓐᓇᕐᑐᓖᑦ ᓂᒊᓪᓗ ᐱᑦᓯᐊᕈᓐᓇᖏᑦᑐᑦ ᐊᖅᑯᑎᖓᓃᑉᐳᑦ, ᐃᒻᒥᓂᒃ ᓴᐳᑎᓯᒪᔫᑉ ᑕᒪᒃᑯᐊ ᐅᖓᓯᒋᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:16

ᐃᓅᑯᑖᒃᑎᑕᐅᓂᖅ ᑕᓕᕐᐱᖕᒥᓄᑦ ᑎᒍᒥᐊᕐᐹ, ᓴᐅᒥᖕᒥᓂᓗ ᐊᒃᓗᐃᓂᕐᒥᒃ ᐅᐱᒋᔭᐅᓂᕐᒥᒡᓗ ᑎᒍᒥᐊᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:30

ᐱᔪᒥᓇᕐᓂᖅ ᐅᐃᕖᕐᕆᒃᓯᔪᓐᓇᕐᐳᖅ, ᑕᐅᑦᑐᑦᓯᐊᕆᖕᓂᖓᓗ ᑍᒤᑦᓮᓐᓇᕈᓐᓇᓐᖏᓚᖅ, ᐊᕐᓇᕐᓕ ᐊᑕᓂᕐᒥᒃ ᓯᕘᕋᔪᖅ ᑖᓐᓇ ᓂᕐᑐᕐᑕᐅᔭᕆᐊᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:36

“ᑍᑦᓱᒪᓂᑦᓮᓐᓇᖅ ᐃᓱᒪᖃᑦᓯᐊᓕᓚᐅᕐᐳᖓ, ᐅᐱᒋᔭᐅᓂᕋᓗ ᐱᐅᒋᔭᐅᓂᕋᓗ ᐅᑎᓚᐅᕆᕗᑦ ᐊᑕᓂᐅᕕᒐ ᖁᕕᐊᒋᔭᐅᒃᑲᓐᓂᓕᕐᓗᓂ; ᐃᓱᒪᓕᐅᕐᑎᒃᑲ ᐊᖓᔪᖅᑳᖁᑎᒃᑲᓗ ᐅᑎᖁᔨᓕᓚᐅᕐᐳᑦ ᐅᕙᓐᓂᒃ, ᐃᒃᓯᕙᐅᑕᕐᔪᐊᓐᓄᓪᓗ ᐅᑎᕐᑎᑕᐅᓪᓗᖓ ᐊᔪᖏᓐᓂᕐᓴᒃᑲᓐᓂᐅᓕᓚᐅᕐᐳᖓ ᓯᕗᓪᓕᕐᒥᑦ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”