ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᔪᓐᓇᕋᓱᒋᓂᖅ ᐆᒻᒪᑎᒃᑯᓪᓗ ᐱᐅᔪᕆᓂᖅ, ᐱᐅᖏᑦᑐᓕᔪᑦ ᐱᓇᓱᐊᒐᒃᓴᓕᐊᖏᑦ, ᐊᔪᕐᑐᓕᓂᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4 Iomraidhean Croise

ᔫᐱᐅᑉ ᐊᒡᓚᖏᑦ 18:5

ᐱᐅᖏᑦᑑᑉ ᖃᐅᒻᒪᖅᑯᑎᖓ ᖃᒥᑕᐅᓂᐊᕐᐳᖅ, ᐃᑯᒪᑎᑕᖓᓗ ᐊᐅᒤᕈᑎᓗᓂ ᐃᑭᒃᑲᓐᓂᕐᓂᐊᕈᓐᓃᕐᐳᖅ.

ᔫᐱᐅᑉ ᐊᒡᓚᖏᑦ 18:6

ᑐᐱᖓᓂ ᖃᐅᒻᒪᖅᑯᑎᖓ ᑖᕐᓯᓂᐊᕐᐳᖅ, ᓇᓂᕈᐊᖓᓗ ᖁᓛᓃᑦᑐᖅ ᖃᒥᑕᐅᓂᐊᕐᐳᖅ.

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 131:1

ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:20

ᓯᕗᓂᕐᒥ ᓂᕆᐅᒋᔭᒃᓴᖃᕐᓂᐊᓐᖏᓚᖅ ᐊᔪᕐᑐᓕᔪᖅ; ᐱᐅᖏᑦᑐᓕᔫᑉ ᓇᓂᕈᐊᖓ ᖃᒥᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:13

ᐃᓄᖃᕆᕗᖅ ᐃᒻᒥᖕᓂᒃ ᐱᐅᓇᓱᒋᔪᓂᒃ! ᖁᓚᐅᑦᓯᖓᓪᓗᑎᒃ ᐊᓯᒥᖕᓂᒃ ᑕᑯᓐᓇᒻᒪᕆᒃᐸᒃᑐᓂᒃ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:16

ᐅᑯᐊ ᐱᖓᓲᔪᕐᑐᑦ ᐊᑕᓂᐅᑉ ᐆᒥᒋᕔᑦ, 7ᖓᓪᓗ ᓇᕐᕈᓇᕐᓂᕋᕐᑕᖓᓃᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 3:16

ᐊᑕᓂᖅ ᐅᖃᕐᐳᖅ: “ᓮᐅᓂᐅᑉ ᐸᓂᖏᑦ ᐱᐅᔪᕆᓗᐊᕐᒪᑕ ᐱᓱᓕᕌᖓᒥᒡᓗ ᐋᕐᓗᖓᔮᕐᓗᑎᒃ ᐱᓱᖃᑦᑕᕐᐳᑦ, ᕿᒃᓯᒥᒑᖃᑦᑕᕐᓗᑎᒃ ᐱᓱᖃᑦᑕᕐᐳᑦ, ᐱᔪᒥᓇᕋᓱᐊᕐᓗᑎᒃ, ᐊᑯᓔᑦᑐᒥᒃ ᐊᓪᓗᕋᕐᓗᑎᒃ, ᓯᖏᕐᓂᕐᒥᐅᑕᒥᖕᓂᒡᓗ ᓯᕙᓂᕋᕐᑎᑦᓯᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 11:34

ᐃᔨᓯ ᑎᒥᑦᓯᓐᓄᑦ ᓇᓂᕈᐊᑎᑐᑦ ᑍᒤᑉᐳᑦ; ᐃᔩᒃᑭᒃ ᑕᑯᓐᓇᑦᓯᐊᕐᐸᑎᒃ ᑎᒦᑦ ᐃᓘᓐᓈᑦ ᖃᐅᒪᔪᒦᑉᐳᖅ; ᐃᔩᒃᑭᒡᓕ ᑕᑯᓐᓇᖏᑉᐸᑎᒃ ᑎᒦᑦ ᐃᓘᓐᓈᑦ ᑖᕐᑐᒦᑉᐳᖅ.

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᕉᒪᒥᐅᓄᑦ 14:23

ᐃᓄᒡᓕ ᖁᓚᕐᑐᖅ ᑖᓐᓇ ᐸᓯᔭᒃᓴᓐᖑᕐᐳᖅ ᒎᑎᒧᑦ, ᓂᕆᓂᖓ ᐅᒃᐱᕐᓂᕐᒥᑦ ᐱᖏᒻᒪᑦ; ᓱᓇᑐᐃᓐᓁᑦ ᐅᒃᐱᕐᓂᕐᒥᑦ ᐱᖏᑦᑐᑦ ᐊᔪᕐᓂᐅᕗᑦ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”