ᓲᓗᒨᓂᐅᑉ ᐅᖃᓪᓚᖕᓂᖏᑦ 21:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒥᑕᐅᑎᒃᓴᕐᑐᖅ ᓱᒋᐊᕐᑕᐅᔭᕌᖓᑦ, ᓯᓔᑦᑐᖅ ᓯᓚᑦᑐᕐᐹᓪᓕᓲᖑᕗᖅ; ᓯᓚᑐᔪᕐᓕ ᐅᖃᐅᑦᔪᕐᑕᐅᒍᓂ ᖃᐅᔨᑎᑕᐅᓂᕐᒥᒃ ᐱᑖᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:11 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:5

ᓯᓚᑐᔪᓪᓗ ᑐᓴᕈᓐᓇᖁᓪᓗᒋᑦ ᑐᑭᓯᐅᒪᔭᖏᑦ ᐊᖏᓕᒃᑲᓐᓂᖁᓪᓗᒋᑦ, ᐊᖑᓪᓗ ᑐᑭᓯᐅᒪᔪᖅ ᐱᓇᓱᐊᕈᑎᒃᓴᖃᒃᑲᓐᓂᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:14

ᑐᑭᓯᐅᒪᔪᒥᒃ ᐃᓱᒪᖃᕐᑐᖅ ᕿᓂᕐᐳᖅ ᖃᐅᔨᑎᑕᐅᓂᕐᒥᒃ, ᓯᓔᑦᑑᓪᓕ ᖃᓂᖓ ᓂᕆᕗᖅ ᓯᓔᑦᑑᓇᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:1

ᐱᖃᓐᓂᖏᑦᑐᖅ ᐃᒻᒥᓂᑐᐊᖅ ᐃᓱᒪᒋᕗᑦ, ᐊᖏᖃᑕᐅᔪᓐᓇᓐᖏᓚᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᑐᖃᕋᓗᐊᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:15

ᑐᑭᓯᐊᔫᑉ ᐃᓱᒪᖓ ᖃᐅᔨᒪᓂᕐᒥᒃ ᐱᑖᕐᐳᖅ, ᓯᓚᑐᔫᓪᓗ ᓯᐅᑎᖏᒃ ᖃᐅᔨᑎᑕᐅᓂᕐᒥᒃ ᕿᓂᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:25

ᒥᑕᐅᑎᒃᓴᕐᑎ ᐊᓇᐅᔭᐅᒃᐸᑦ, ᓯᓔᓗᐊᕐᑐᖅ ᑕᕝᕙ ᑐᑭᓯᕚᓪᓕᕐᓂᐊᕐᐳᖅ, ᑐᑭᓯᐊᔪᖅ ᓱᐊᒃᑕᐅᒍᓂ, ᐃᓕᓯᒪᓂᕐᑖᒃᑲᓐᓂᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:7

ᒥᑕᐅᑎᒃᓴᕐᑎᒥᒃ ᐃᓂᕐᑎᕆᔪᖅ ᓵᑕᐅᑦᔪᑎᒋᕚ, ᐱᐅᖏᓐᓂᕐᒦᑦᑐᒥᒃ ᐃᓂᕐᑎᕆᔪᖅ ᐃᒻᒥᓂᒃ ᐋᓐᓂᕐᑕᐅᑎᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:9

ᓯᓚᑐᔪᒥᒃ ᐊᔪᕆᕐᑐᐃᒍᕕᑦ, ᑕᕝᕙ ᓯᓚᑦᑐᒃᑲᓐᓂᕐᓂᐊᕐᐳᖅ, ᐃᓱᐊᕐᑐᒥᒃ ᐃᓕᓮᒍᕕᑦ ᐃᓱᐊᕐᑐᒥᒃ ᐃᓕᑦᓯᒃᑲᓐᓂᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 16:34

ᐃᓴᕆᐊᓕᐅᓪᓕ ᖃᓂᒋᔭᖓᓃᑦᑐᓕᒫᑦ ᕿᒫᕗᑦ ᓂᓪᓕᐊᓂᖏᓐᓂᒃ ᑐᓵᓕᕋᒥᒃ, ᐅᖃᕐᓗᑎᒡᓗ, “ᐅᕙᒍᑦᑕᐅᖅ ᓄᓇᒧᑦ ᐄᔭᐅᑦᑍᓕᑕ!”

ᐋᐴᓯᑕᓖᑦ ᐱᓂᐊᕐᓂᖏᑦ 5:5

ᐊᓇᓁᐊᓯᐅᑉ ᑕᒪᓐᓇ ᑐᓴᕋᒥᐅᒃ ᐅᕐᕈᕗᖅ ᑐᖁᓪᓗᓂ; ᑐᓴᕐᑐᓕᒫᑦ ᑕᒪᑐᒥᖓ ᓯᕘᕋᓂᕐᔪᐊᖃᓕᕐᐳᑦ.

ᒨᓯᓯ ᑕᓪᓕᒪᖏᑦ 13:11

ᑕᕝᕙ ᐃᓴᕆᐊᓕᒥᐅᓕᒫᑦ ᑐᓴᓕᕋᔭᕐᐳᑦ, ᓯᕘᕋᓕᕐᓗᑎᒡᓗ, ᑭᖑᓂᖓᒍᓪᓗ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓕᕆᔪᖃᕈᓐᓃᕋᔭᕐᐳᖅ ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.