ᓲᓗᒨᓂᐅᑉ ᐅᖃᓪᓚᖕᓂᖏᑦ 20:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᐱᓐᓇᕐᐳᖅ ᐂᕙᓂᕐᒥᒃ ᐃᓚᐅᑦᑍᓕᔪᖅ, ᓯᓔᑦᑐᖅ ᖃᖓᑐᐃᓐᓇᖅ ᐂᕙᑎᑦᓯᖕᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:3 Iomraidhean Croise

ᒨᓯᓯ ᓯᕗᓪᓖᑦ 13:7

ᑍᑦᓱᒪᓂ ᐂᑉᕋᐅᑉ ᐆᒪᔪᓂᒃ ᑲᒪᔨᖏᑦ ᓘᑎᐅᓪᓗ ᐆᒪᔪᖁᑎᖏᑕ ᑲᒪᔨᖏᑦ ᐃᒻᒥᖕᓄᑦ ᐊᑭᕋᕐᑑᑎᓕᓚᐅᕐᐳᑦ. ᑍᑦᓱᒪᓂᐅᑎᓪᓗᒍ ᑖᒃᑯᐊ ᑬᓇᓂᒥᐅᑦ ᐱᕆᔧᑎᒥᐅᓪᓗ ᓱᓕ ᓄᓇᖃᓚᐅᕐᒪᑕ ᑕᒫᓂ.

ᒨᓯᓯ ᓯᕗᓪᓖᑦ 13:8

ᑕᕝᕙ ᐂᑉᕋᒻ ᐅᖃᓕᕐᐳᖅ ᓘᑎᒧᑦ, “ᐃᓄᖁᑎᑎᑦ ᐃᓄᖁᑎᒃᑲᓗ ᐃᒻᒥᖕᓄᑦ ᐊᑭᕋᕐᑐᕐᑎᒌᒃᑐᒃᓴᐅᓐᖏᓚᑦ, ᐆᒪᔪᓕᕆᔨᖁᑎᑎᑦ ᐆᒪᔪᓕᕆᔨᖁᑎᒃᑲᓗ; ᐃᓚᒌᒃᑲᓐᓄᒃ.

ᐊᑕᓃᑦ ᐂᑉᐸᖏᑦ 14:9

ᔨᕼᐅᐊᓯ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᒪᔧᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ ᑭᐅᑦᔪᑎᒥᓂᒃ ᑎᑭᑎᑦᓯᕗᖅ ᐅᖃᕐᓯᒪᔪᓂᒃ, “ᐅᕐᐱᒊᑦ ᑲᑭᓐᓇᕐᑐᓖᑦ ᓕᐸᓇᓂᐅᑉ ᖃᖅᑲᖏᓐᓂ ᐅᖃᐅᓯᒃᓴᒥᓂᒃ ᑎᑭᑎᑦᓯᓚᐅᕐᐳᖅ ᓕᐸᓈᓂᐅᑉ ᓇᐹᕐᑐᖓᓄᑦ ᓰᑕᕆᒧᑦ ᐅᖃᕐᓗᓂ, ‘ᐸᓃᑦ ᓄᓕᐊᕐᑖᕆᔭᐅᑎᓚᐅᕈᖅ ᐃᕐᓂᓐᓄᑦ.’ ᐆᒪᔪᓪᓕ ᓄᔪᐊᕐᑐᑦ ᐊᖅᑯᓵᕋᒥ ᐅᕐᐱᒐᖅ ᑲᑭᓐᓇᕐᑐᓕᒃ ᑐᓪᓕᕋᕐᓗᒍ ᓂᓚᒥᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:17

ᓂᓐᖓᒃᓴᕅᑦᑐᖅ ᓯᓔᕐᕈᕐᑐᕐᓗᓂ ᐱᓇᓱᐊᕐᓴᕅᑉᐳᖅ, ᓯᓚᑐᔪᕐᓕ ᐅᐃᒪᔮᕋᓂ ᕿᓄᐃᓵᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:29

ᓂᓐᖓᒃᓴᕅᖏᑦᑐᖅ ᐊᖏᔪᒥᒃ ᑐᑭᓯᐅᒪᓂᕐᒥᒃ ᐱᓯᒪᕗᖅ, ᓂᓐᖓᒃᓴᕅᑦᑐᕐᓕ ᓯᓔᓐᓂᕐᒥᒃ ᐊᖏᒡᓕᑎᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:32

ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:14

ᐊᑭᕋᕐᑑᑎᓂᐅᑉ ᐱᒋᐊᕈᑖ ᐃᒪᕐᒥᒃ ᑯᕕᑎᑦᓯᔫᑉ ᐊᑦᔨᒋᕚ; ᑍᒤᒻᒪᑦ ᐂᕙᓂᖅ ᐱᒋᐊᓚᐅᕐᑎᓐᓇᒍ ᓄᖅᑲᕆᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:6

ᓯᓔᑦᑐᖅ ᐂᕙᓂᕐᒥᒃ ᐱᒋᐊᕐᑎᑦᓯᕗᖅ, ᖃᓂᖓ ᑏᒐᕐᑐᕐᑕᐅᓂᕐᒥᒃ ᑲᔪᖏᕐᓮᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:11

ᐃᓱᒪᖃᑦᓯᐊᕐᑐᖅ ᓂᓐᖓᒃᓴᕅᓐᖏᓚᖅ, ᓂᕐᑐᕐᓇᐅᑎᒋᕚᓗ ᑕᒻᒪᕐᓃᑦ ᐃᓱᒪᒋᑐᐃᓐᓇᕐᐸᖏᒻᒪᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:24

ᐱᐅᔪᕆᔪᖅ ᐱᔪᓐᓇᕋᓱᒋᓗᐊᕐᑐᕐᓗ ᑍᔭᐅᕗᖅ, “ᒥᑕᐅᑎᒃᓴᕐᑎᒥᒃ” ᐱᓂᐊᕐᓂᖃᕐᒪᑦ ᐊᔪᖏᓐᓇᓱᒋᓂᕐᒥᒃ ᐱᐅᔪᕆᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:17

ᓇᓪᓕᐊᑦ ᐊᖅᑯᓵᕐᑐᖅ ᐂᕙᓕᕐᓗᓂ ᓇᖕᒥᓂᖅ ᐱᒋᐊᕐᑎᓐᖏᑕᒥᓂᒃ, ᐊᑦᔨᖃᕐᐳᖅ ᑎᒍᓯᔪᒥᒃ ᕿᒻᒥᒥᒃ ᓴᓂᖅᑯᑦᑐᒥᒃ ᓯᐅᑎᖏᒃᑎᒍᑦ.

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᔧᒥᓯᐅᑉ ᐊᒡᓚᖏᑦ 4:1

ᐂᕙᓃᑦ ᓱᓇᒧᑦ ᐱᒋᐊᕐᐸᑦ ᓱᓇᒧᓪᓗ ᐊᑭᕋᕐᑑᑎᓂᖅ ᐱᒋᐊᕐᐸ ᐊᑯᓐᓇᑦᓯᓐᓂ?. ᐱᔪᒪᕕᒃᔪᐊᕐᓂᑦᓯᓐᓂᑦ ᐃᒃᖠᒍᖕᓂᑦᒥᓪᓗ ᐱᕗᑦ, ᑕᒪᒃᑯᐊ ᐃᓗᑦᓯᓐᓂ ᐅᓇᑕᕐᑐᑎᑑᕐᒪᑕ.