ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6 Iomraidhean Croise

ᐊᑕᓃᑦ ᓯᕗᓪᓖᑦ 10:24

ᓯᓚᕐᔪᐊᕐᒥᐅᓕᒫᓂᑦ ᑕᑯᔭᕐᑐᕈᒪᔭᐅᓚᐅᕐᐳᑦ ᓲᓗᒨᓂᐅᑉ ᓯᓚᑐᓂᖓᓂᒃ ᑐᓴᕈᒪᓪᓗᑎᒃ, ᒎᑎᐅᑉ ᑐᓂᔭᖏᓐᓂᒃ ᑖᑦᓱᒪ ᐃᓱᒪᖓᓄᑦ.

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐊᑕᓃᑦ ᓯᕗᓪᓖᑦ 3:9

ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”

ᐊᑕᓃᑦ ᓯᕗᓪᓖᑦ 4:29

ᒎᑎᐅᑉ ᓲᓗᒨᓂ ᑐᓂᓚᐅᕐᒪᒍ ᓯᓚᑐᓂᕐᒥᒃ ᑐᑭᓯᒪᓂᕐᒥᒡᓗ ᐊᑦᔨᖃᖏᑦᑐᒥᒃ, ᖃᐅᔨᒪᓂᕐᒥᒡᓗ ᓲᕐᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐊᖏᑎᒋᔪᒥᒃ.

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᐄᓱᕋᐅᑉ ᐊᒡᓚᖏᑦ 7:25

ᐃᕝᕕᓪᓗ ᐄᓱᕌ, ᓯᓚᑐᓃᑦ ᐊᑐᕐᓗᒍ ᒎᑎᐅᑉ ᑐᓂᓚᐅᕐᑕᖓ ᐃᓕᖕᓄᑦ, ᑎᓕᓯᔪᒃᓴᐅᕗᑎᑦ ᑲᒪᔨᐅᓂᐊᕐᑐᓂᒃ ᓯᕗᓕᕐᑎᓂᒃ ᐃᖅᑲᕐᑐᐃᔨᓂᒡᓗ ᐊᐅᓚᑦᓯᔪᒃᓴᓂᒃ ᐃᓄᖕᓂᒃ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᐃᓅᔪᓂᒃ ᒎᑎᑦᓯ ᐱᖁᔭᖏᑦ ᒪᓕᒡᓗᒋᑦ ᐃᓕᓐᓂᐊᕐᑎᑦᓯᔪᒃᓴᐅᕗᓯᓗ ᐱᖁᔭᓂᒃ ᖃᐅᔨᒪᖏᑦᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 7:5

ᑕᕝᕙ ᒎᑎᐅᑉ ᐃᒃᐱᒍᓱᒃᑎᓕᓚᐅᕐᐹᖓ ᐃᓄᖕᓂᒃ ᑲᑎᓯᖁᓪᓗᖓ ᓯᕗᓕᕐᑎᖏᓐᓂᒃ, ᐊᖓᔪᖅᑳᖏᓐᓂᒡᓗ, ᐃᓚᒌᑦ ᑎᑎᕋᕐᑕᐅᓯᒪᓂᖏᑦ ᖃᐅᔨᓴᕐᑕᐅᖁᓪᓗᒋᑦ. ᑎᑎᕋᕐᓯᒪᔪᖁᑎᖏᓪᓗ ᓇᓂᓚᐅᕐᐸᒃᑲ ᑍᒃᑯᐊ ᓯᕗᓪᓖᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐅᑎᕐᓂᕕᓂᖏᑕ ᐃᒤᓕᖓᓂᖏᓐᓂᒃ:

ᔫᐱᐅᑉ ᐊᒡᓚᖏᑦ 12:13

ᒎᑎᓕ ᓯᓚᑐᓂᖃᕐᐳᖅ ᐱᔪᓐᓇᕐᓂᖃᕐᓗᓂᓗ; ᑖᑦᓱᒪ ᐃᓕᓯᒪᓂᖅ ᑐᑭᓯᒪᓂᕐᓗ ᐱᒋᖕᒪᒋᑦ.

ᔫᐱᐅᑉ ᐊᒡᓚᖏᑦ 12:16

ᑖᑦᓱᒪᓂ ᐱᔪᓐᓇᕐᓂᕐᑕᖃᕐᐳᖅ ᓯᓚᑐᓂᕐᑕᖃᕐᓗᓂᓗ; ᑕᒻᒪᕐᑎᑕᐅᔪᑦ ᑕᒻᒪᕐᑎᑦᓯᔪᓪᓗ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᔫᐱᐅᑉ ᐊᒡᓚᖏᑦ 22:22

ᑖᑦᓱᒪ ᓇᖕᒥᓂᖅ ᐊᔪᕆᕐᑑᓯᖏᑦ ᐃᓚᓕᐅᓕᒃᑭᑦ, ᐅᖃᐅᓯᖏᓪᓗ ᑐᖅᑯᕐᓗᒋᑦ ᐆᒻᒪᑎᖕᓄᑦ.

ᔫᐱᐅᑉ ᐊᒡᓚᖏᑦ 32:8

ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᐃᓐᖏᕈᑎᑦ 119:104

ᐱᓇᓱᐊᕐᑕᐅᖁᔭᕐᓄᑦ ᖃᐅᔨᒪᑎᑕᐅᓕᕐᐳᖓ; ᑍᒤᒻᒪᑦ ᓱᓕᖏᑦᑐᓕᒫᓂᒃ ᐱᐅᒃᓴᓐᖏᓚᖓ.

ᐃᓐᖏᕈᑎᑦ 119:34

ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:98

ᐱᖁᔭᕕᑦ ᓯᓚᑐᓂᕐᓴᐅᑎᑉᐹᖓ ᐊᑭᕋᕐᑐᕐᑎᒋᔭᓐᓂᑦ, ᑖᒃᑯᐊᓗ ᐱᓯᒤᓐᓇᕐᓂᐊᕐᐸᒃᑲ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 19:8

ᐊᑕᓂᐅᑉ ᒪᓕᒐᒃᓴᐅᖁᔭᖏᑦ ᑕᒻᒪᓐᖏᓚᑦ, ᐆᒻᒪᑎᒥᒃ ᖁᕕᐊᓱᒃᑎᑦᓯᔪᑦ; ᐊᑕᓂᐅᓪᓗ ᐱᖁᔭᖏᑦ ᐃᓚᒃᑲᓐᓂᖃᓐᖏᓚᑦ, ᐃᔩᖕᓂᒃ ᖃᐅᒻᒪᒃᑎᑦᓯᔪᑦ;

ᐃᓐᖏᕈᑎᑦ 51:6

ᓱᓕᑦᓯᐊᕐᑐᒥᒃ ᐱᔪᒪᕗᑎᑦ ᐃᓗᒥᑦ ᐱᔪᒥᒃ, ᐃᓗᒃᑯᓪᓗ ᐃᔨᕐᓯᒪᔪᒃᑯᑦ ᓯᓚᑐᓂᕐᒥᒃ ᖃᐅᔨᑎᓐᓂᐊᕐᐸᕐᒪ.

ᐃᓐᖏᕈᑎᑦ 94:10

ᐃᓅᖃᑎᒌᒡᔪᐊᓂᒃ ᓱᒋᐊᕐᓯᓚᐅᕐᑐᖅ, ᐋᖅᑭᒋᐊᕐᓯᔪᓐᓇᓐᖏᓛᖅ? ᐃᓄᖕᓂᒃ ᖃᐅᔨᒪᓂᕐᒥᒃ ᐊᔪᕆᕐᑐᐃᓯᒪᔪᖅ ᖃᐅᔨᒪᓐᖏᓛᖅ?

ᒨᓯᓯ ᐂᑉᐸᖏᑦ 31:3

ᐃᓗᒻᒥᕐᑎᑉᐸᕋᓗ ᐊᓂᕐᓂᓐᓂᒃ, ᖃᐅᔨᒪᓂᕐᒥᒃ ᑐᓂᓯᕕᒋᓯᒪᕙᕋ, ᓴᓇᔪᓐᓇᕐᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᓐᖑᐊᕈᓐᓇᕐᓂᕐᒥᒃ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.