11 ᐃᓱᒪᖃᑦᓯᐊᕐᑐᖅ ᓂᓐᖓᒃᓴᕅᓐᖏᓚᖅ, ᓂᕐᑐᕐᓇᐅᑎᒋᕚᓗ ᑕᒻᒪᕐᓃᑦ ᐃᓱᒪᒋᑐᐃᓐᓇᕐᐸᖏᒻᒪᒋᑦ.
ᐊᐹᓇ ᕙᕌᐸᕆᓗ ᑕᒫᓯᑰᓯᐅᑉ ᑰᖏᑦ, ᐃᒪᑦᓯᐊᕆᖕᓂᕐᓴᐅᓐᖏᓛᑦ ᐃᓴᕆᐊᓕᐅᑉ ᑰᖏᓐᓂᑦ? ᑍᒃᑯᓇᓂ ᐅᐊᓴᕈᒪ ᓴᓗᒻᒪᕐᑕᐅᓂᕐᓴᐅᒐᔭᖏᓐᓇᒫ?” ᐅᖓᒻᒧᐊᓕᓚᐅᕐᐳᖅ ᓂᓐᖓᐅᒻᒪᓪᓗᓂ.
ᐅᖃᐅᓯᕐᓂᒃ ᒥᓇᕋᕐᑎ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ, ᐅᒃᐱᕆᔭᒃᓴᐅᔪᕐᓕ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᑦᓯᓐᖏᓚᖅ.
ᓯᓔᑦᑐᖅ ᓂᓐᖓᑐᐊᕋᒥ ᓇᓗᓇᕈᓐᓁᕇᕐᐳᖅ, ᐅᑦᔨᕐᑐᑦᓯᐊᕐᑐᕐᓕ ᒥᑕᐅᑎᒋᔭᐅᓂᕐᒥᓂᒃ ᑲᒪᓐᖏᓯᕐᑐᕈᓐᓇᕐᐳᖅ.
ᓂᓐᖓᒃᓴᕅᖏᑦᑐᖅ ᐊᖏᔪᒥᒃ ᑐᑭᓯᐅᒪᓂᕐᒥᒃ ᐱᓯᒪᕗᖅ, ᓂᓐᖓᒃᓴᕅᑦᑐᕐᓕ ᓯᓔᓐᓂᕐᒥᒃ ᐊᖏᒡᓕᑎᕆᕗᖅ.
ᓂᓐᖓᒃᓴᕅᑦᑐᖅ ᐊᑭᕋᕐᑑᑎᑦᔪᑎᒃᓴᓂᒃ ᓴᖅᑭᑎᕆᕗᖅ, ᓂᓐᖓᒃᓴᕅᖏᑦᑐᕐᓕ ᐂᕙᑦᔪᑕᐅᒐᔭᕐᑐᓂᒃ ᓂᐸᖏᕐᑎᑦᓯᕗᖅ.
ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.
ᐊᑭᕋᕐᑑᑎᓂᐅᑉ ᐱᒋᐊᕈᑖ ᐃᒪᕐᒥᒃ ᑯᕕᑎᑦᓯᔫᑉ ᐊᑦᔨᒋᕚ; ᑍᒤᒻᒪᑦ ᐂᕙᓂᖅ ᐱᒋᐊᓚᐅᕐᑎᓐᓇᒍ ᓄᖅᑲᕆᑦ.
ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.
ᐅᐱᓐᓇᕐᐳᖅ ᐂᕙᓂᕐᒥᒃ ᐃᓚᐅᑦᑍᓕᔪᖅ, ᓯᓔᑦᑐᖅ ᖃᖓᑐᐃᓐᓇᖅ ᐂᕙᑎᑦᓯᖕᒪᑦ.
ᐊᑭᕋᕐᑐᕐᑏᑦ ᑳᒃᐸᑦ ᓂᐊᖂᔭᒥᒃ ᓂᕆᑎᒍᒃ; ᐃᒥᕈᒃᐸᓪᓗ ᐃᒪᕐᒥᒃ ᐃᒥᕐᑎᒍᒃ;
ᓯᓔᑦᑐᖅ ᓴᖅᑭᑎᑦᓯᕗᖅ ᐃᒃᐱᒋᔭᒥᓂᒃ ᓂᓐᖓᐅᒪᓂᕐᒥᒃ, ᓯᓚᑐᔫᓪᓕ ᓂᐱᖃᕋᓂ ᓄᖅᑲᕐᑎᑉᐹ.
ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.
᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.