ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐱᐅᖏᑦᑐᓂᒃ ᐊᑦᔨᒌᓐᖏᑎᑦᓯᓂᖅ ᐱᐅᓐᖏᓚᖅ, ᐃᓱᐊᕐᑐᕐᓗ ᐊᑦᔨᒌᒃᑎᑦᓯᑦᑍᓕᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5 Iomraidhean Croise

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 82:2

ᖃᓄᖅ ᐊᑯᓂᐅᑎᒋᔪᖅ ᓈᒻᒪᓈᖏᑦᑐᒥᒃ ᐋᖅᑭᒃᓱᐃᖃᑦᑕᕐᓂᐊᕐᐲᑦ? ᐱᐅᖏᑦᑐᓪᓗ ᐱᑦᓯᐊᕐᓂᕐᓴᕆᓗᒋᑦ ᐊᓯᖏᓐᓂᑦ? ᓰᓚ

ᒨᓯᓯ ᐂᑉᐸᖏᑦ 23:2

ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᒨᓯᓯ ᐂᑉᐸᖏᑦ 23:3

ᐅᕝᕙᓗ ᐃᓔᓐᓇᕐᓯᐅᕐᓂᕐᒧᑦ ᐃᑲᔪᕐᑐᖏᓐᓂᕐᓴᐅᔪᒃᓴᐅᓐᖏᓚᓯ ᐊᖑᑦ ᐊᔪᕐᓴᕐᑐᖅ ᐃᖅᑲᕐᑐᕐᑕᐅᓕᕐᐸᑦ.

ᒨᓯᓯ ᐂᑉᐸᖏᑦ 23:6

“ᐃᓅᖃᑎᑦᓯᓐᓄᑦ ᓈᒻᒪᓈᖏᓐᓇᓱᐊᕐᑐᒃᓴᐅᓐᖏᓚᓯ ᐊᔪᕐᓴᕐᓂᖓ ᐱᑦᔪᑎᒋᓗᒍ ᐃᖅᑲᕐᑐᐃᕕᖕᒦᑎᑕᐅᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:26

ᐃᓱᐊᕐᑐᒥᒃ ᐃᓕᖅᑯᓯᖃᕐᑐᖅ ᐊᑭᓕᒐᒃᓴᓕᐅᕐᓗᒍ ᐱᐅᓐᖏᓚᖅ, ᑍᒫᒃᑕᐅᖅ ᐊᖓᔪᖅᑳᕐᔪᐊᑉ ᐃᕐᓂᖓ ᐃᓱᐊᕐᑑᓂᖓ ᐱᓪᓗᒍ ᑏᒐᕐᑐᕐᑕᐅᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:23

ᒪᑯᐊᑦᑕᐅᖅ ᓯᓚᑐᔫᑉ ᐱᒋᒋᕔᑦ: ᐃᓔᓐᓇᕐᓯᐅᕐᓂᖅ ᐊᑦᔨᒌᒃᑎᑦᓯᓂᐅᖏᓐᓇᒥ ᐱᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:21

ᐃᓔᓐᓈᕐᑎᑦᓯᓂᕐᒥᒃ ᓴᖅᑭᔮᕐᑎᑦᓯᔪᖅ ᐱᐅᓐᖏᓚᖅ; ᓂᐊᖂᔭᕐᓕ ᐱᑦᔪᑎᒋᓗᒍ ᐃᓄᒃ ᑕᒻᒪᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:5

ᐃᒥᕐᓯᒪᓕᕈᑎᒃ ᐊᖏᕈᑕᐅᓯᒪᔪᒥᒃ ᐳᐃᒍᖁᓇᒋᑦ, ᐃᓄᐃᓪᓗ ᐊᔪᕐᓴᕐᑐᑦ ᐃᒃᐱᒋᔭᐅᑦᓯᐊᕆᐊᖃᕐᓂᖏᓐᓂᒃ ᑲᒪᔪᓐᓃᖁᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 5:23

ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 59:14

ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒤᑲᐅᑉ ᐊᒡᓚᖏᑦ 3:9

ᒫᓐᓇ ᒪᑐᒥᖓ ᑐᓴᓕᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑰᑉ ᑭᖑᕚᖏᓐᓄᑦ ᐃᓴᕆᐊᓕᒥᐅᓄᓪᓗ ᐊᐅᓚᑦᓯᔨᐅᔪᓯ, ᓇᕐᕈᔪᓯ ᐃᖅᑲᕐᑐᐃᑦᓯᐊᕐᓂᕐᒥᒃ ᓱᓕᔪᒥᒡᓗ ᑕᒻᒪᕐᓂᐅᓂᕅᓕᕐᓗᓯ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.