ᓲᓗᒨᓂᐅᑉ ᐅᖃᓪᓚᖕᓂᖏᑦ 15:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓯᓔᑦᑑᑉ ᐊᑖᑕᒥ ᐅᖃᐅᑦᔪᐃᓂᖏᑦ ᓇᕐᕈᒋᕔᑦ; ᐅᖃᐅᑦᔫᓯᐊᒥᓂᒡᓕ ᓈᓚᒃᑐᖅ ᓯᓚᑐᔫᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:5 Iomraidhean Croise

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 141:5

ᐃᓱᐊᕐᑐᓕᔪᒧᑦ ᐊᓇᐅᔭᐅᑎᓚᐅᓐᖓ ᐱᑦᓯᐊᕐᓂᐅᒐᔭᕐᒪᑦ ᓱᐊᒃᑕᐅᓗᖓᓘᓐᓃᑦ ᑕᒪᓐᓇ ᐅᕐᓱᑦᓯᐊᕚᓘᖕᒪᑦ; ᐱᐅᖏᑦᑐᓄᓪᓕ ᓂᐊᖁᕋ ᐅᕐᓱᕐᑎᕐᑕᐅᑎᓚᐅᕐᓯᒪᓐᓂᐊᕐᓇᒍ; ᓱᓕ ᑐᒃᓯᐊᕐᐳᖓ ᐱᐅᖏᑦᑐᑦ ᐱᓂᐊᕐᓂᖏᑦ ᐊᑭᕋᕐᑐᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:23

ᓈᓚᒋᑦ ᐃᓂᕐᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:1

ᓲᓗᒨᓂᐅᑉ ᐅᖃᓪᓚᖕᓂᖏᑦ. ᐃᕐᓂᐅᑉ ᓯᓚᑐᔫᑉ ᐊᑖᑕᓂ ᖁᕕᐊᓱᒃᑎᑉᐹ, ᐃᕐᓂᐅᓪᓕ ᓯᓔᑦᑑᑉ ᐊᓈᓇᓂᒃ ᕿᒃᓵᒃᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:1

ᐃᕐᓂᖅ ᓯᓚᑐᔪᖅ ᐊᑖᑕᒥᓄᑦ ᐊᔪᕆᕐᑐᕐᑕᐅᔪᑎᒋᔭᒥᓂᒃ ᓈᓚᒃᐳᖅ, ᒥᑕᐅᑎᖃᑐᐃᓐᓇᕐᐸᒃᑐᕐᓕ ᐃᓂᕐᑎᕐᑕᐅᑦᔪᑎᒥᓂᒃ ᓈᓚᒍᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:18

ᐋᖅᑭᒋᐊᕐᑕᐅᑦᔪᑎᒥᓂᒃ ᑲᒪᖏᑦᑐᖅ ᐊᔪᕐᓴᕐᓇᕐᑐᒧᑦ ᐅᐱᒋᔭᐅᓐᓇᖏᑦᑐᒧᓪᓗ ᑎᑭᑎᓐᓂᐊᕐᐳᖅ, ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᑦᓯᐊᕐᑐᖅ ᐅᐱᒋᔭᐅᓂᖃᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:4

ᓇᒡᓕᒍᓱᒡᓗᓂ ᐅᖃᐅᑦᔨᔫᑉ ᐅᖃᐅᓯᖏᑦ ᓇᐹᕐᑑᕗᖅ ᐃᓅᓯᖃᕐᓇᕐᑐᖅ, ᐅᖃᐅᓯᕐᓗᖕᓂᕐᓕ ᐃᓅᑉ ᐊᓂᕐᓂᖓᓂᒃ ᓯᖁᒥᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:6

ᐃᓱᐊᕐᑐᒥᒃ ᐃᓅᓯᖃᕐᑑᑉ ᐃᒡᓗᖓ ᐅᓄᕐᑐᓂᒃ ᐱᒃᑯᒥᓇᕐᑐᓂᒃ ᐱᑕᖃᕐᐳᑦ, ᐱᐅᖏᑦᑐᓪᓕ ᑮᓇᐅᔭᕐᑖᕆᕙᒃᑕᖏᑦ ᐃᓱᐊᖏᑦᑐᕐᑕᖃᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:20

ᒪᓕᒐᒃᓴᓕᐅᕐᑕᐅᒍᕕᑦ ᓈᓚᑦᓯᐊᕆᑦ ᐃᓕᓴᕐᑕᐅᓃᑦ ᓈᒻᒪᒋᒍᒃ, ᓯᕗᓂᕐᒥ ᓯᓚᑐᓂᕐᑖᕈᑎᒋᓛᕋᕕᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:12

ᓲᕐᓗ ᓯᐅᑎᒥᐅᑕᖅ ᒎᓗ ᐅᕝᕙᓗ ᐱᐅᓴᐅᑎ ᒎᓗᑦᓯᐊᖅ, ᓯᓚᑐᔫᑉ ᐃᓂᕐᑎᕆᓂᖓ ᓯᐅᑎᒧᑦ ᓈᓚᑦᓯᐊᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᑍᑑᓯᒧᑦ 1:13

ᑍᒤᒻᒪᑦ ᐊᒃᓱᕉᑎᓗᒋᑦ ᐃᓂᕐᑎᒻᒪᕆᒋᐊᖃᕐᐸᑎᑦ, ᓱᓕᔪᒥᒃ ᐅᒃᐱᕐᓂᖃᑦᓯᐊᖁᓪᓗᒋᑦ.

ᑍᑑᓯᒧᑦ 2:15

ᑕᒪᒃᑯᓂᖓ ᐊᔪᕆᕐᑐᐃᒋᑦ; ᑲᔪᖏᕐᓮᓗᑎᒃ ᐃᓂᕐᑎᕆᓗᑎᓪᓗ ᐱᔪᓐᓇᕐᑎᑕᐅᓂᕆᔧᑦ ᐊᑐᕐᓗᒍ. ᑭᓇᒧᓪᓘᓐᓃᑦ ᓇᕐᕈᒋᔭᐅᑦᑍᓕᓗᑎᑦ.