ᓲᓗᒨᓂᐅᑉ ᐅᖃᓪᓚᖕᓂᖏᑦ 15:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑲᑉᐱᐊᓇᕐᑐᕕᒃ ᐊᓯᕈᕐᑕᐅᓇᕐᑐᕐᓗ ᐊᑕᓂᐅᑉ ᓵᖓᓂᑉᐳᑦ, ᐊᖏᓂᕐᓴᒥᒡᓕ ᐃᓄᐃᑦ ᐆᒻᒪᒻᒥᐅᑕᖏᑦ ᐃᔨᕐᓯᒪᔪᓐᓇᓐᖏᓚᑦ ᐊᑕᓂᐅᑉ ᓵᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:11 Iomraidhean Croise

ᑯᕉᓂᑲ ᐂᑉᐸᖏᑦ 6:30

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐃᓱᒪᒋᔪᓐᓁᕐᓗᒋᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ ᐆᒻᒪᑎᖏᑦ ᖃᐅᔨᒪᒐᕕᒋᑦ, ᐱᓂᐊᕐᓂᖏᓪᓗ ᒪᓕᒡᓗᒋᑦ (ᐃᕝᕕᑐᐊᖅ ᑭᓯᕕᑦ, ᐆᒻᒪᑎᖏᑦ ᖃᐅᔨᒪᒐᕕᒋᑦ ᐃᓅᑉ ᕿᑐᕐᖓᖏᑦ);

ᔫᐱᐅᑉ ᐊᒡᓚᖏᑦ 26:6

ᑐᖁᖓᔪᑦ ᐃᓂᖓᑦ ᐊᓐᓄᕌᖃᓐᖏᓚᖅ ᒎᑎᐅᑉ ᓵᖓᓂ, ᐊᓯᕈᕐᑕᐅᓂᕐᓗ ᐅᓕᒃᓯᒪᓇᓂ ᑖᑦᓱᒪᓂ.

ᐃᓐᖏᕈᑎᑦ 139:8

ᕿᓚᖕᒧᑦ ᖁᒻᒧᐊᒐᔭᕈᒪ, ᑕᕝᕙ ᑕᕝᕙᓃᑉᐳᑎᑦ; ᑐᖁᖓᔪᑦ ᐃᓂᖓᓄᑦ ᓇᓪᓚᕋᔭᕈᒪ, ᑕᑯᒋᑦ, ᑕᕝᕙ ᑕᕝᕙᓃᓐᓂᕗᑎᑦ.

ᐃᓐᖏᕈᑎᑦ 44:21

ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:10

ᐊᑦᑕᕆᔭᐅᓇᓂ ᓱᒋᐊᕐᑕᐅᓂᖅ ᐊᑐᕐᑕᐅᕗᖅ ᐊᖅᑯᒻᒥᒃ ᕿᒤᔪᓄᑦ, ᐋᖅᑭᒋᐊᕐᑕᐅᓂᕐᒥᒃ ᐱᐅᒃᓴᖏᑦᑐᖅ ᑐᖁᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:3

ᐊᐅᒃᑎᑦᓯᕕᒃ ᐊᑐᕐᐳᖅ ᓯᐅᓪᕕᕆᒧᑦ, ᐃᑯᐊᓚᑦᓯᕕᒡᓗ ᒎᓗᒧᑦ ᐊᐅᒃᑎᑦᓯᕕᐅᓪᓗᓂ, ᐊᑕᓂᕐᓕ ᐆᒃᑐᕋᕐᑎᐅᕗᖅ ᐆᒻᒪᑎᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:20

ᑐᖁᖓᔪᑦ ᐃᓂᖓᑦ ᐊᓯᕈᕐᑕᐅᓂᕐᓗ ᑕᑕᑦᓱᓐᓇᓐᖏᓛᒃ; ᐊᖑᑎᐅᓪᓗ ᐃᔨᖏᒃ ᓈᒻᒪᒃᓯᓚᐅᕐᓯᒪᓐᖏᓛᒃ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:11

ᑖᒃᑯᐊᓗ ᐊᖓᔪᖅᑳᕐᔪᐊᖃᕐᐳᑦ ᐂᖏᓕᒥᒃ ᐃᑎᕐᓴᕐᔪᐊᕐᒥᑦ ᓇᑎᖃᖏᑦᑐᒥᑦ ᐱᔪᒥᒃ; ᐄᑉᕉᑎᑐᑦ ᐊᑎᖃᕐᐳᖅ ᐊᐸᑖᓐ, ᒍᕇᑭᑎᑐᓪᓗ ᐊᑎᖃᕐᐳᖅ ᐊᐴᓕᐊᓐᒥᒃ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”