ᓲᓗᒨᓂᐅᑉ ᐅᖃᓪᓚᖕᓂᖏᑦ 13:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᕿᐊᑦᑕᐅᑉ ᑕᕐᓂᖓ ᑳᒃᐳᖅ, ᓂᕿᒃᓴᕐᑖᕋᓂᓗ, ᐃᕿᐊᑦᑍᑦᑑᓪᓕ ᐊᒃᓱᕈᕐᓗᓂ ᐱᓇᓱᐊᕐᓂᕐᒥᓄᑦ ᓂᕿᒃᓴᖃᑦᓯᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:4 Iomraidhean Croise

ᒨᓯᓯ ᓯᕗᓪᓖᑦ 26:32

ᐅᓪᓗᒥᓗ ᑖᑦᓱᒪᓂ ᐂᓴᑭᐅᑉ ᐱᔨᖏᑕ ᐅᐸᒡᓗᒍ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕐᑕᒥᖕᓂᒃ ᐅᖃᐅᑎᕚᑦ, “ᐃᒥᕐᒥᒃ ᓇᓂᓯᕗᒍᑦ.”

ᐃᓐᖏᕈᑎᑦ 92:14

ᐃᓄᑐᖃᐅᓕᕋᓗᐊᕈᑎᒃ ᓱᓕ ᐱᕈᕐᑐᖃᕈᒫᕐᐳᑦ, ᓄᑖᖑᐃᓐᓇᕐᓂᐊᕐᐳᑦ ᐱᕈᕐᕕᐅᑦᓯᐊᕐᓗᑎᒡᓗ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:4

ᐃᕿᐊᑦᑍᑦ ᐊᒃᓗᓂᕐᒧᑦ ᐃᒻᒥᖕᓂᒃ ᑎᑭᑎᑉᐸᒃᐳᑦ, ᐃᕿᐊᑦᑍᑦᑐᓪᓕ ᐊᒃᓗᐃᓕᕙᒃᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:25

ᐊᓐᓂᕈᓱᖏᑦᑐᖅ ᐊᒃᓗᐃᓕᓂᐊᕐᐳᖅ, ᐃᒥᕐᑎᑦᓯᔪᕐᓗ ᐃᒥᕐᑎᑕᐅᓂᐊᕆᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:11

ᓄᓇᖁᑎᒥᓂᒃ ᐱᕈᕐᓰᕕᓕᕆᑦᓯᐊᕐᓂᕐᒥᓄᑦ ᐱᕈᕐᑎᑕᒥᓄᑦ ᓂᕿᒃᓴᖃᕐᓂᐊᕐᐳᖅ, ᐊᑑᑎᒃᓴᖃᖏᑦᑐᓂᒡᓕ ᐱᓇᓱᐊᖃᑦᑕᕐᑐᖅ ᐃᓱᒪᒃᓴᕐᓯᐅᕈᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:24

ᐊᔪᐃᓐᓇᕐᓗᓂ ᐱᓇᓱᐊᓪᓚᕆᒃᐸᒃᑐᖅ ᐊᐅᓚᑦᓯᔨᓐᖑᕈᒫᕐᐳᖅ, ᐃᕿᐊᑦᑕᕐᓕ ᐃᓱᒪᕐᓱᕐᕕᖃᖏᓪᓗᓂ ᐃᖅᑲᓁᔭᕐᑎᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:27

ᐃᕿᐊᑦᑍᑦ ᐆᒪᔪᕐᑕᒥᖕᓂᒃ ᓂᕆᔭᒃᓴᓕᐅᕈᓐᓇᓐᖏᓚᑦ, ᐊᔪᐃᓐᓇᕐᑐᓪᓕ ᐊᔪᕐᓴᖏᑦᔪᑎᒃᓴᕐᓯᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:3

ᐅᖃᐅᓯᕆᔭᒥᓂᒃ ᐅᑦᔨᕐᓱᑦᓯᐊᕐᑐᖅ ᐃᓅᓯᕆᔭᒥᓂᒃ ᐱᓯᒪᒃᓯᑦᓯᐊᕐᐳᖅ, ᐅᖃᕐᑍᓕᓐᖏᓗᐊᕐᑐᕐᓕ ᐃᓅᓯᕐᒥᓂᒃ ᐊᓯᕈᐃᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:5

ᐃᓱᐊᕐᑑᑉ ᓱᓕᖏᓐᓂᖅ ᐱᐅᒋᓐᖏᓛ, ᐱᐅᖏᑦᑐᕐᓕ ᐱᓇᓱᐊᕐᐳᖅ ᑲᓐᖑᓲᑎᒃᓴᓂᒃ ᓇᕐᕈᒋᔭᐅᓂᕐᒥᒃᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:4

ᐃᕿᐊᑦᑕᐅᒍᓂ ᐃᓄᒃ ᐅᑭᐊᒃᑯᑦ ᓄᓇᒥᒃ ᐱᕈᕐᓰᕕᖕᒥᒃ ᒪᒃᐱᕐᑎᕆᔪᒪᓐᖏᓚᖅ; ᑲᑎᕐᓱᐃᕕᒃ ᓇᓪᓕᐅᑎᒃᐸᑦ ᐱᕈᕐᑐᕐᓯᐅᕈᒫᕐᐳᖅ ᓇᒡᕚᕋᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:25

ᐃᕿᐊᑦᑕᐅᑉ ᐃᓱᒪᒥᒍᑦ ᐱᔪᒪᓂᖓᑕ ᑐᖁᑎᑉᐹ, ᐊᒡᒐᖕᒥᓄᑦ ᐱᓇᓱᐊᕈᒪᓂᖃᖏᓐᓇᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:5

ᑲᔪᖏᕐᓂᖃᑦᓯᐊᕐᓗᑎᒃ ᐱᓂᐊᕈᒪᔭᒥᓂᒃ ᐋᖅᑭᒃᓱᐃᕙᒃᑐᑦ ᐊᔪᕐᓴᕐᓂᐊᓐᖏᓚᑦ, ᑐᐊᕕᕐᓗᑎᒃ ᐱᓂᐊᕈᒪᔭᒥᓂᒃ ᐋᖅᑭᒃᓱᐃᔪᑦ ᐊᔪᕐᓴᓕᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:30

ᐊᖑᑎᐅᑉ ᐃᕿᐊᑦᑕᐅᒃ ᐱᕈᕐᓰᕕᖓᒍᑦ ᐱᓱᓚᐅᕐᐳᖓ, ᕔᓂᓕᐅᕐᕕᖓᒍᓪᓗ ᐊᖑᑎᐅᑉ ᓯᓔᑦᑑᑉ ᐱᕈᕐᓰᕕᖓᒍᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:31

ᐃᒤᓕᖓᓚᐅᕐᐳᑦ, ᐅᕐᐲᑦ ᑲᑭᓪᓚᕐᓇᕐᑐᓖᑦ ᓇᓂᑐᐃᓐᓇᖅ ᐱᕈᕐᐳᑦ; ᓄᓇ ᖄᐹᕐᓯᒪᕗᖅ ᐱᕈᕐᓂᕐᓗᒃᑐᓂᒃ ᑕᑭᔫᑎᓂᒃ, ᐊᕙᓗᐊᓗ ᐅᔭᕋᒃ ᓯᖁᒥᓯᒪᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:13

ᐊᖑᑦ ᐃᕿᐊᓱᒃᑐᖅ ᐅᖃᕐᒪᑦ, “ᐊᖅᑯᑎᕐᒥ ᓛᔭᑕᖃᕐᑐᖅ! ᓛᔭ ᐃᕐᓯᓇᕐᑐᖅ ᐊᖅᑯᑎᑦᑎᓐᓃᒻᒪᑦ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:25

ᐱᔪᒪᑐᓛᕐᑐᖅ ᐊᑭᕋᕐᑐᓕᕐᑎᑦᓯᕗᖅ, ᐊᑕᓂᕐᒥᒡᓕ ᑕᑎᖃᕐᑐᖅ ᐱᕙᓪᓕᐊᑦᓯᐊᕈᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:6

ᖁᐱᕐᕈᒧᑦ ᐋᓐᑎᒧᑦ ᐃᓕᓴᕐᑎᑕᐅᓕᕆᑦ ᐃᕿᐊᓱᒃᑎᐅᔪᑎᑦ; ᐱᐅᓯᖏᑦ ᐃᓱᒪᒃᓴᕐᓯᐅᕈᑎᒋᓗᒋᑦ, ᓯᓚᑦᑐᓕᕆᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:34

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ; ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ, ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 5:3

ᐅᓕᒐ ᐲᕐᓯᒪᓕᕋᒃᑯ, ᓱᖕᒪᑦ ᐊᑎᒃᑲᓐᓂᕆᐊᖃᕐᐸᕌ? ᐃᑎᒐᒃᑲ ᐅᐊᓴᓚᐅᕋᒃᑭᑦ; ᓱᖕᒪᑦ ᐃᑉᐸᓕᕐᑎᒃᑲᓐᓂᕆᐊᖃᕐᐸᒃᑳ?

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᒨᓯᓯ ᓯᑕᒪᖏᑦ 23:10

ᔧᑰᑉ ᐳᔪᕐᓗᒃᑎᑐᑦ ᐅᓄᕐᓂᖏᑦ ᑭᐊ ᓈᓴᕈᓐᓇᕐᐰᑦ, ᐃᓴᕆᐊᓕᒥᐅᑦ ᐊᕝᕙᖏᑕ ᐊᕝᕙᖏᑦ ᑭᐊ ᓈᓴᕈᓐᓇᕐᐰᑦ? ᑐᖁᓛᕐᐳᖓ ᐃᓗᐊᕐᑐᑦ ᑐᖁᑦᔪᓯᖏᑎᑐᑦ, ᑍᒃᑯᐊᑎᑐᑦ ᐃᓱᓕᓐᓂᕋ ᑍᒤᑦᓱᒫᕐᓕ!”

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᔮᓱᐊᑉ ᐊᒡᓚᖏᑦ 7:3

ᐅᑎᕋᒥᒃ ᔮᓱᐊᒧᑦ ᐅᖃᕐᐳᑦ, “ᐃᓄᓕᒫᑦ ᐂᔭᕆᐊᖃᓐᖏᓚᑦ ᐅᓇᑕᕆᐊᕐᓗᑎᒃ ᐂᒧᑦ, ᑎᓕᓯᓕᕆᑦ ᐃᒻᒪᖄ 2,000ᓂᒃ ᐅᕝᕙᓗ 3,000ᓂᒃ ᐊᖑᑎᓂᒃ ᐅᓇᑕᕆᐊᖁᓪᓗᒋᑦ ᐂᒥᒃ; ᐅᓇᑕᕐᑐᒃᓴᓕᒫᑦ ᑎᓕᔭᕆᐊᖃᓐᖏᑕᑎᑦ, ᐅᓇᑕᕐᑐᒃᓴᖏᑦ ᐅᓄᖏᒻᒪᑕ.”