ᓲᓗᒨᓂᐅᑉ ᐅᖃᓪᓚᖕᓂᖏᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᖃᐅᓯᕐᒥᒃ ᓇᕐᕈᔪᖅ ᐊᓯᕈᕐᑕᐅᓂᐊᕐᐳᖅ, ᐱᖁᔭᓐᓂᒡᓕ ᓯᕘᕋᒋᔭᖃᕐᑐᖅ ᐊᑭᓕᕐᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:13 Iomraidhean Croise

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᐃᓐᖏᕈᑎᑦ 115:13

ᐊᑕᓂᕐᒥᒃ ᓯᕘᕋᔪᑦ ᓮᒻᒪᕐᑎᓐᓂᐊᕐᐰᑦ, ᒥᑭᔪᑦ ᐊᖏᔪᓪᓗ.

ᐃᓐᖏᕈᑎᑦ 119:165

ᐊᖏᔪᒥᒃ ᓮᒪᓂᖃᕐᐳᑦ ᐱᖁᔭᕐᓂᒃ ᐅᖓᒋᔭᖃᕐᑐᑦ; ᓱᓇᒧᓪᓘᓐᓃᑦ ᐹᓪᓚᒃᑎᑕᐅᓂᐊᕋᑎᒃ.

ᐃᓐᖏᕈᑎᑦ 19:11

ᑖᒃᑯᓄᖓ ᐱᔩᑦ ᐃᓂᕐᑎᕐᑕᐅᕗᖅ, ᑖᒃᑯᓂᖓᓗ ᒪᓕᑦᓯᐊᕐᑐᖅ ᐊᖏᔪᒥᒃ ᐊᑭᓕᕐᑕᐅᓪᓗᓂ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᒨᓯᓯ ᐂᑉᐸᖏᑦ 9:20

ᑕᕝᕙ ᐊᑕᓂᐅᑉ ᐅᖃᐅᓯᕆᔭᖏᓐᓂᒃ ᓯᕘᕋᓕᕐᑐᑦ ᐰᕉᑉ ᐱᔨᖏᑕ ᐃᓚᖏᑦ ᐆᒪᔪᖁᑎᒥᖕᓂᒃ ᓯᐊᓛᒥᖕᓂᒡᓗ ᐃᒡᓗᒧᑦ ᕿᒫᑎᑦᓯᕗᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:25

ᐅᖃᐅᑦᔪᐃᑦᔪᑎᒋᔭᓕᒫᒃᑲ ᑲᒪᒋᓇᓱᐊᓚᐅᓐᖏᓚᑎᑦ ᐃᓂᕐᑎᕆᑦᔪᑎᒃᑲ ᐊᑐᕈᒪᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:12

ᓂᕆᐅᖕᓂᕐᒥᒃ ᑭᖑᕙᕆᐊᕐᑎᑦᓯᓂᖅ ᐆᒻᒪᑎᒧᑦ ᖃᓂᒪᓇᕐᑐᒥᒃ ᐱᑎᑦᓯᕗᖅ, ᓂᕆᐅᒋᔭᒥᓄᓪᓕ ᑎᑭᐅᑎᓂᖅ ᓇᐹᕐᑑᕗᖅ ᐃᓅᓯᕐᑕᓕᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:21

ᐱᓂᕐᓗᖕᓃᑦ ᐊᔪᕐᑐᓕᔪᓂᒃ ᒪᓕᒃᐳᑦ, ᐃᓱᐊᕐᑐᓪᓕ ᐱᐅᔪᒥᒃ ᐊᑭᓕᕐᑕᐅᑦᔪᑎᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:20

ᐅᖃᐅᓯᕐᒥᒃ ᓈᓚᒃᑐᖅ ᐱᐅᔪᒥᒃ ᐊᔪᕈᓐᓃᕐᓂᐊᕐᐳᖅ, ᖁᕕᐊᓇᕐᑐᒦᑉᐳᖅ ᓇᓪᓕᐊᑦ ᐊᑕᓂᕐᒥᒃ ᑕᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:16

ᐱᖁᔭᓂᒃ ᒪᓕᒃᑐᖅ ᐃᓅᓯᕐᒥᓂᒃ ᐱᓯᒪᑦᓯᐊᕐᐳᖅ; ᐅᖃᐅᓯᕐᒥᒃᓕ ᑲᒪᓇᓱᐊᑦᓯᐊᖏᑦᑐᖅ ᑐᖁᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:16

ᐱᓂᐊᕐᑕᐅᖁᔭᓐᓂᒃ ᐊᑭᕋᕐᑐᓚᐅᕐᒪᑕ ᐊᑐᕐᑕᐅᖁᔭᒃᑲᓗ ᒪᓕᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ; ᐆᒻᒪᑎᒥᒃᑎᒍᑦ ᒎᑎᓐᖑᐊᒥᖕᓂᒃ ᐱᔭᑐᐊᖃᓕᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:24

ᑍᒤᓕᐅᓚᐅᕐᐸᒃᑲ ᐱᓂᐊᕐᑕᐅᖁᔭᒃᑲ ᒪᓕᓚᐅᖏᒻᒪᒋᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ, ᓯᕗᓕᕕᓂᖏᑕᓗ ᒎᑎᓐᖑᐊᖏᓐᓂᒃ ᐃᓱᒪᑐᐊᖃᓚᐅᕐᒪᑕ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒨᓯᓯ ᓯᑕᒪᖏᑦ 15:31

ᐊᑕᓂᐅᑉ ᐅᖃᐅᓯᖓᓂᒃ ᓇᕐᕈᖕᒪᑦ, ᐱᖁᔭᖓᓂᒡᓗ ᓯᖁᒥᑦᓯᓪᓗᓂ, ᑖᓐᓇ ᐊᕕᑕᐅᒻᒪᕆᒋᐊᖃᕐᐳᖅ; ᐸᓯᔭᒃᓴᐅᓐᓚᕆᖕᒪᑦ.”

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᓘᑲᓯᐅᑉ ᐊᒡᓚᖏᑦ 16:31

ᐂᑉᕋᕼᐋᒻ ᑭᐅᕚ, ‘ᒨᓯᓯᐅᑉ ᓇᓚᐅᑦᑍᔪᓪᓗ ᐊᒡᓚᖏᓐᓂᒃ ᓈᓚᖏᒃᑯᑎᒃ, ᐅᒃᐱᕈᓱᒃᑲᔭᖏᓐᓂᕗᑦ ᑐᖁᖓᔪᒥᒃ ᒪᑭᑦᑐᖃᕋᓗᐊᕐᐸᑦ.’”

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.