ᓲᓗᒨᓂᐅᑉ ᐅᖃᓪᓚᖕᓂᖏᑦ 12:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓱᐊᕐᑑᑉ ᐃᓱᒪᒋᔭᖏᑦ ᐊᑦᔨᒌᒃᑎᑦᓯᓂᐅᕗᑦ ᐱᐅᖏᑦᑑᓪᓕ ᐃᓱᒪᒃᓴᕐᓯᐅᖃᑎᒌᖕᓂᕆᔭᖏᑦ ᑕᑎᒋᔭᒃᓴᐅᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:5 Iomraidhean Croise

ᐃᓐᖏᕈᑎᑦ 119:15

ᑐᑭᓯᓇᓱᐊᕐᓂᐊᕐᐸᒃᑲ ᐃᒫᖎᓚᑦᔪᑎᒋᔭᑎᑦ, ᕿᒥᕐᕈᐊᑦᓯᐊᕐᓂᐊᕐᐸᒃᑲᓗ ᐱᓂᐊᕐᑕᐅᖁᔭᑎᑦ.

ᐃᓐᖏᕈᑎᑦ 139:23

ᒎᑏ, ᖃᐅᔨᓴᓚᐅᓐᖓ, ᐆᒻᒪᑎᒐᓗ ᖃᐅᔨᓗᒍ! ᐆᒃᑐᕋᓚᐅᓐᖓ, ᐃᓱᒪᒋᔭᒃᑲᓗ ᖃᐅᔨᓗᒋᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:23

ᐃᓱᐊᕐᑐᑦ ᐱᔪᒪᔭᖃᕐᐳᑦ ᐱᐅᔪᓂᒃ, ᐱᐅᖏᑦᑐᓪᓕ ᓂᕆᐅᒋᔭᒃᓴᑐᐊᖃᕐᐳᑦ ᓂᓐᖓᐅᒪᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:4

ᓄᓕᐊᑦᓯᐊᕙᐅᔪᖅ ᐅᐃᖓᑕ ᓂᐊᖂᑎᒋᕚ, ᓄᓕᐊᕐᓕ ᑲᓐᖑᓇᕐᑐᒦᑎᑦᓯᔪᖅ ᐅᐃᖓᑕ ᓴᐅᓂᖏᓐᓂᒃ ᐊᐅᓂᕈᕐᑎᑦᓯᔪᑎᑐᑦ ᑍᒤᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:6

ᐱᐅᖏᑦᑐᑦ ᐅᖃᐅᓯᖏᑦ ᐅᑕᖅᑭᓂᐅᕗᑦ ᑐᖁᑦᓯᔪᒪᓂᕐᒧᑦ ᐃᓱᐊᕐᑐᓪᓕ ᐅᖃᐅᓯᖏᑦ ᐃᓄᖕᓂᒃ ᓴᐳᑦᔨᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:9

ᐅᐃᕕᕆᒃᓯᓂᖅ ᓯᓔᓐᓂᒃᑯᑦ ᐊᔪᕐᑐᓕᓂᐅᕗᖅ, ᐃᓄᐃᑦ ᓇᕐᕈᒋᕚᑦ ᒥᑕᐅᑎᖃᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᒫᑎᐅᓯᐅᑉ ᐊᒡᓚᖏᑦ 26:4

ᔩᓱᓯᒥᒃ ᑎᒍᓯᔪᒪᓪᓗᑎᒃ ᐃᓱᒪᖃᑎᒌᒃᐳᑦ ᖃᐅᔨᔭᐅᑦᑍᓕᓪᓗᑎᒃ ᑐᖁᑕᐅᑎᑦᓱᒪᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2

ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.