ᓲᓗᒨᓂᐅᑉ ᐅᖃᓪᓚᖕᓂᖏᑦ 11:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᖃᐅᓯᕐᓂᒃ ᒥᓇᕋᕐᑎ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ, ᐅᒃᐱᕆᔭᒃᓴᐅᔪᕐᓕ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᑦᓯᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:13 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:19

ᐅᓄᓗᐊᕐᑐᓂᒃ ᐅᖃᓪᓚᒃᑐᑦ ᐊᔪᕐᓂᕐᒧᑦ ᑎᑭᓴᕅᓐᓂᕐᓴᐅᕗᑦ, ᓂᓪᓕᑦᓴᐅᑎᒋᑦᑍᓕᔪᓐᓇᕐᑐᕐᓕ ᑖᓐᓇ ᓯᓚᑐᔫᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:12

ᐃᓅᖃᑎᒥᓂᒃ ᒥᑭᒡᓕᑎᕆᔪᖅ ᑐᑭᓯᐅᒪᓂᖃᓐᖏᓚᖅ, ᓯᓚᑐᓂᖃᕐᑐᕐᓕ ᓂᓪᓕᐊᑦᔪᑎᖃᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:23

ᓯᕗᓂᒃᓴᒥᒃ ᐃᓱᒪᑦᓯᐊᕈᓐᓇᕐᑑᑉ ᖃᐅᔨᒪᑎᑕᐅᓂᓂ ᐃᔨᕐᓯᒪᕚ, ᓯᓔᑦᑐᕐᓕ ᓇᓗᓁᕐᓯᕙᒃᐳᖅ ᓯᓔᕐᕆᔭᐅᓂᕐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:5

ᓱᓕᔪᒥᒃ ᖃᐅᔨᓯᒪᔪᖅ ᓴᒡᓗᓗᓂ ᐅᖃᕐᓂᐊᓐᖏᓚᖅ, ᖃᐅᔨᒪᔫᓐᖑᐊᕐᑐᕐᓕ ᓱᓕᓗᓂ ᐅᖃᓪᓚᒍᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:11

ᐃᓱᒪᖃᑦᓯᐊᕐᑐᖅ ᓂᓐᖓᒃᓴᕅᓐᖏᓚᖅ, ᓂᕐᑐᕐᓇᐅᑎᒋᕚᓗ ᑕᒻᒪᕐᓃᑦ ᐃᓱᒪᒋᑐᐃᓐᓇᕐᐸᖏᒻᒪᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:19

ᑎᕝᕕᐊᕐᑍᓂᕐᓂᒃ ᐅᖃᐅᓯᖃᕐᐸᒃᑐᑦ ᖃᐅᔨᔭᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ; ᑍᒤᒻᒪᑦ ᓯᓔᑦᑐᓂᒃ ᐅᖃᐅᑎᒃᓴᕋᔪᒃᑐᑦ ᐃᓚᒋᑦᑍᓕᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:9

ᐸᓯᒃᓕᕈᑎᒋᔧᑦ ᐃᓅᖃᑎᖕᓄᑦ ᐂᕙᑦᔪᑎᒋᒍᕕᐅᒃ, ᓴᖅᑭᑎᑦᓯᓂᐊᕐᓇᒃ ᐊᓯᕕᑦ ᐃᔨᕐᓯᒪᔭᖓᓂᒃ,

ᔨᕆᒤᐊᐅᑉ ᐊᒡᓚᖏᑦ 38:27

ᐊᖓᔪᖅᑳᖑᔪᓪᓕ ᐊᓱᐃᓛᒃ ᔨᕆᒤᐊᒧᐊᓚᐅᕐᐳᑦ ᐊᐱᕐᓱᕐᓗᒍᓗ ᐊᖓᔪᖅᑳᕐᔪᐊᓪᓗ ᑭᐅᑦᔪᑎᒋᖁᓚᐅᕐᑕᖏᓐᓂᒃ ᐅᖃᐅᑎᖕᒪᒋᑦ, ᐊᐱᕐᓱᒃᑲᓐᓂᕈᓐᓃᕐᐳᑦ, ᖃᐅᔨᒪᔪᖃᓚᐅᖏᒻᒪᑦ ᐊᖓᔪᖅᑳᕐᔪᐊᕐᒥᒃ ᐅᖃᖃᑎᖃᓚᐅᕐᓂᖓᓂᒃ.

ᒨᓯᓯ ᐱᖓᔪᖏᑦ 19:16

ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.

ᑎᒧᑎᒧᑦ ᓯᕗᓪᓖᑦ 5:13

ᓱᓕᒃᑲᓐᓂᖅ, ᓱᓇᓕᕆᔪᒪᔪᓐᓃᕐᐸᒃᑭᕗᑦ, ᐳᓚᕋᑐᐃᓐᓇᓕᕐᓗᑎᒃ, ᐳᓚᕋᑐᐃᓐᓇᕋᑎᒡᓗ ᐃᓅᖃᓐᓂᐊᕐᐸᒃᐳᑦ ᑲᒪᒋᔭᒃᓴᕆᓐᖏᑕᒥᖕᓂᒡᓗ ᐅᖃᐅᓯᖃᕐᐸᓕᕐᓗᑎᒃ.

ᔮᓱᐊᑉ ᐊᒡᓚᖏᑦ 2:14

ᐊᖑᑏᒡᓗ ᐅᖃᕐᐴᒃ ᑖᑦᓱᒧᖓ, “ᒎᑎᐅᑉ ᑐᖁᓪᓕᑎᒍᒃ ᐅᖃᐅᓯᑦᑎᓐᓂᒃ ᐊᑐᖏᒃᑯᓐᓄᒃ! ᐅᖃᐅᓯᖃᕐᓂᐊᓐᖏᑐᐊᕈᕕᑦ ᐱᓇᓱᐊᕐᓂᕆᔭᑦᑎᓐᓂᒃ, ᑕᕝᕙ ᐃᓕᖕᓄᑦ ᐱᑦᓯᐊᕐᓂᐊᕐᐳᒍᒃ ᑲᔪᓯᑦᓯᐊᕐᓗᓄᒡᓗ ᐊᖏᕈᑎᒋᔭᑦᑎᓐᓂᒃ ᐊᑕᓂᐅᑉ ᑐᓂᒃᐸᑎᒍᑦ ᓄᓇᒥᒃ ᑕᒪᑐᒥᖓ.”

ᔮᓱᐊᑉ ᐊᒡᓚᖏᑦ 2:20

ᐅᖃᑐᐊᕈᕕᓪᓕ ᑭᓇᑐᐃᓐᓇᕐᒧᑦ ᐱᓇᓱᐊᕐᓂᕆᓚᐅᕐᑕᑦᑎᓐᓂᒃ, ᑕᕝᕙ ᐸᓯᔭᒃᓴᐅᓂᐊᓐᖏᓚᒍᒃ ᐊᖏᖃᑎᒌᒍᑎᒋᓯᒪᔭᕗᑦ ᑲᔪᓯᑎᖏᒃᑲᓗᐊᕈᑦᑎᒍᒃ.”