5 ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ.
“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ?
ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᖃᐅᒃᐸᐅᓂᐊᕐᑐᒥᒃ; ᐅᓪᓘᓂᐊᕐᑐᖅ ᓇᖕᒥᓂᖅ ᐃᓱᒪᔮᕈᑎᖃᓛᕐᒥᖕᒪᑦ. ᐅᓪᓘᑉ ᐊᑕᐅᓯᐅᑉ ᖁᕕᐊᓇᖏᑦᑐᕐᑕᖃᕐᓂᖏᑦ ᐃᓚᒃᑲᓐᓂᕆᐊᖃᖏᒻᒪᑕ.”
“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.
ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!
ᑍᒤᓕᐅᖃᑦᑕᕐᓂᑦᓯᓐᓄᑦ ᓇᓗᓁᕐᐳᖅ ᑕᒻᒪᕐᓯᒪᓂᑦᓯᓐᓂᒃ. ᓈᒻᒪᖏᑦᑐᓕᕕᐅᑐᐃᓐᓇᕈᑦᓯ ᐊᑲᐅᓂᕐᓴᐅᓐᖏᓛᖅ? ᑎᒡᓕᒡᒐᕐᕕᐅᑐᐃᓐᓇᕈᑦᓯᓘᓐᓃᑦ ᖃᓄᐃᖏᓐᓂᕐᓴᐅᕚ?
ᑍᒤᒻᒪᑦ, ᓂᕆᔭᓐᓄᑦ ᐅᒃᐱᕐᑑᖃᑎᒐ ᐊᔪᕐᑐᓕᑎᑕᐅᒃᐸᑦ, ᓂᕿᒥᒃ ᑕᕝᕙ ᓂᕆᒃᑲᓐᓂᕐᓂᐊᓐᖏᓚᖓ, ᖃᑕᓐᖑᑎᒐ ᑲᑕᒃᑎᑕᐅᖁᓇᒍ ᐊᔪᕐᓂᕐᒧᑦ.
ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᕙᒃᑐᑦ ᐃᒻᒥᖕᓂᒃ ᐊᒃᓱᕈᕐᑎᓪᓗᑎᒃ ᐃᕾᓕᓴᕋᓱᐊᕐᐸᖕᒪᑕ; ᓂᐊᖂᓯᕐᑕᐅᓂᕐᒥᒃ ᓄᖑᓐᓂᐊᕐᑐᒥᒃ ᐱᔪᒪᓪᓗᑎᒃ, ᐅᕙᒍᓪᓕ ᓂᐊᖂᓯᕐᑕᐅᓂᖅ ᓄᖑᓐᓂᐊᖏᑦᑐᖅ ᐱᓇᓱᐊᕐᐸᕗᑦ.
ᐅᕙᖓ ᐸᐅᓗᓯ, ᐃᓇᑉᐸᑦᓯ ᙭ᔅᑑᓯᐅᑉ ᐱᐅᔪᕆᖏᓐᓂᖓᒍᑦ ᐱᖃᓐᓂᕐᓂᖓᓄᓪᓗ ᑕᐅᑦᑐᑦᓯᓐᓂ ᓂᑲᓇᕐᑑᒐᓗᐊᕐᑐᖓ, ᓯᕘᕋᔪᐃᑦᑑᕗᖓᓕ ᑲᑎᒪᒃᓯᓇᖓ ᐃᓕᑦᓯᓐᓂᒃ!
ᐅᐃᒪᔮᕐᑎᑕᐅᖁᓇᓯ ᑲᑉᐱᐊᓱᖁᓇᓯᓗ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔭᕇᕐᓯᒪᓂᕋᕐᑕᐅᑎᓪᓗᒍ, ᐅᕙᒍᓪᓗ ᐅᖃᕐᓯᒪᓂᕋᕐᑕᐅᒍᑦᑕ ᒎᑎᒧᑦ ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖕᓂᑦᑎᒍᓪᓘᓐᓃᑦ ᐊᔪᕆᕐᑐᐃᓂᑦᑎᒍᓪᓘᓐᓃᑦ, ᑎᑎᖅᑲᑎᒍᓪᓘᓐᓃᑦ.
ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.
ᑲᑎᒪᖃᑦᑕᕐᓂᕗᑦ ᓄᖅᑲᐅᑎᓂᐊᕐᓇᒋᑦ, ᓄᖅᑲᐅᑦᔨᕙᒃᑐᑎᑐᑦ, ᐅᕙᑦᑎᓐᓄᓪᓕ ᑲᔪᖏᕐᓴᕐᑎᒌᓕᕐᑕ, ᑍᒫᒡᓗ ᐱᔭᕆᐊᖃᓗᐊᓕᕐᐳᒍᑦ ᖃᐅᔨᒪᒐᑦᓯ ᐅᓪᓗᕐᔪᐊᖅ ᖃᒡᓕᓕᕐᒪᑦ.
ᐊᒡᓔᑦ ᐅᖃᕐᒪᑕ, “ᐊᑯᓂᐅᖏᑦᑐᖅ, ᑎᑭᑦᑐᒃᓴᖅ ᑎᑭᓐᓂᐊᕐᒪᑦ ᑭᖑᕙᕐᓂᐊᕋᓂᓗ;
ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.
ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.
ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!
ᔩᓱᓯᓗ ᐅᖃᕐᐳᖅ, “ᑕᑯᒋᑦ ᐊᑯᓂᐅᖏᑦᑐᖅ ᕾᓂᐊᓕᕐᐳᖓ. ᓮᒪᓇᕐᑐᒦᐳᖅ ᑖᓐᓇ ᓇᓚᐅᑦᑍᓂᕐᓂᒃ ᑎᑎᕋᕐᓯᒪᔪᓂᒃ ᐅᑯᓇᓂ ᓈᓚᒃᑐᖅ.”
