ᐱᓕᐱᒥᐅᓄᑦ 4:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑐᓂᓯᕕᐅᔪᒪᓗᖓ ᐱᓐᖏᓚᖓ; ᐊᑭᓕᕐᑕᐅᓂᒃᓴᓯᓕ ᐱᓂᐊᕐᓂᕕᓂᑦᓯᓐᓄᑦ ᑕᒪᓐᓇ ᐱᔪᒪᕙᕋ.

ᐱᓕᐱᒥᐅᓄᑦ 4:17 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᒤᑲᐅᑉ ᐊᒡᓚᖏᑦ 7:1

ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᕉᒪᒥᐅᓄᑦ 15:28

ᑍᒤᒻᒪᑦ ᑕᒪᓐᓇ ᐱᔭᕇᕈᒃᑯ, ᑍᒃᑯᐊᓗ ᐱᔭᕆᐊᖃᕐᑕᒥᖕᓂ ᑐᓂᕐᕈᑎᓂᒃ ᑲᑎᑕᐅᓯᒪᔪᓂᒃ ᐱᒃᐸᑕ, ᓯᐰᓂᒧᐊᓕᕈᒪ ᐊᖅᑯᓵᓛᕈᒪᕙᑦᓯ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:16

ᐅᖃᒃᑲᓐᓂᕐᐳᖓ, ᓯᓔᑦᑑᓇᓱᒋᔭᐅᓂᐊᕐᓇᖓ; ᓯᓔᑦᑑᓇᓱᒋᒍᑦᓯᓐᖓᓕ, ᓯᓔᑦᑐᑎᑐᑦ ᐃᓚᓕᐅᕐᓯᓐᖓ, ᐅᕙᓐᓂᒃ ᓂᕐᑑᑎᔪᓐᓇᖁᓪᓗᖓ ᒥᑭᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:5

ᑍᒤᒻᒪᑦ ᐱᔭᕆᐊᖃᕋᓱᒋᓚᐅᕋᒃᑯ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᐊᖁᓪᓗᒋᑦ ᓯᕗᓂᑦᑎᓐᓂ, ᐱᔭᕇᕐᓯᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑲᔫᑎᒃᓴᓂᒃ ᑐᓂᓂᐊᕐᓂᕋᓚᐅᕐᑕᑦᓯᓐᓂᒃ, ᐊᑐᐃᓐᓇᐅᑦᓯᐊᕐᑐᒧᑦ ᑎᑭᖁᓪᓗᖓ ᑐᓂᓯᔭᕆᐊᖃᕐᓂᕐᒨᖏᑦᑐᖅ ᐃᑲᔪᕈᒪᓂᕐᒧᓪᓕ ᑐᓂᔭᑦᓯᓐᓄᑦ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 4:11

ᑕᒪᑐᒥᖓ ᐅᖃᓐᖏᓚᖓ ᖁᔭᓈᕐᑕᐅᓇᓱᒋᓂᕐᒧᑦ; ᑐᑭᓯᓯᒪᒐᒪ ᖃᖓᓕᒫᖅ ᖃᓄᐃᑦᑐᒦᒃᑲᓗᐊᕈᒪ ᐱᒋᔭᓐᓂᒃ ᓈᒻᒪᒃᓴᕆᐊᖃᕐᓂᓐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 6:10

ᑮᓇᐅᔭᖃᕈᒪᓗᐊᕐᓂᖅ ᐱᐅᖏᑦᑐᓄᑦ ᖃᓄᐃᑦᑐᑐᐃᓇᕐᓄᑦ ᐱᒋᐊᕐᕕᐅᖕᒪᑦ; ᑕᒪᓐᓇ ᐱᔪᒪᓗᐊᕐᓂᖅ ᐃᓚᖏᑕ ᐊᑐᓚᐅᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᓯᒪᕗᑦ ᕿᒃᓵᖕᓇᕐᑐᓄᓪᓗ ᐅᓄᕐᑐᓄᑦ ᐃᒻᒥᖕᓂᒃ ᑎᑭᑎᓯᒪᓕᕐᓗᑎᒃ.

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.