ᐱᓕᐱᒥᐅᓄᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓕᑦᓯ ᐱᓕᐱᒥᐅᖑᔪᓯ ᓇᖕᒥᓂᖅ ᖃᐅᔨᒪᑦᓯᐊᕐᐳᓯ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᓵᕐᑎᓪᓗᒋᑦ, ᒫᓯᑑᓂᐊᒥᑦ ᐊᐅᓪᓚᓚᐅᕋᒪ, ᐅᒃᐱᕐᑑᖃᑎᒌᓂᑦ ᐃᑲᔪᕐᑐᑐᐊᖑᓚᐅᕐᐳᓯ ᐅᕙᓐᓂᒃ; ᑐᓂᓯᓂᑦᓯᒍᑦ ᐃᓚᓕᐅᕐᓯᓂᑦᓯᒍᓪᓗ;

ᐱᓕᐱᒥᐅᓄᑦ 4:15 Iomraidhean Croise

ᐊᑕᓃᑦ ᐂᑉᐸᖏᑦ 5:16

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑭᐅᕚ ᐅᖃᕐᓗᓂ, “ᐊᑕᓂᖅ ᐃᓅᖕᒪᑦ ᐱᔨᑦᓯᕐᑕᕋ, ᐱᑖᕐᑎᑕᐅᓇᓱᐊᕈᒪᖏᑦᑐᖓ.” ᓁᒪᓐ ᐊᔪᐃᓐᓈᕆᒐᓗᐊᕐᒪᒍ ᐱᔪᒪᓚᐅᓐᖏᓚᖅ.

ᐊᑕᓃᑦ ᐂᑉᐸᖏᑦ 5:20

ᒋᕼᐋᓯ, ᐃᓔᓴᐅᑉ ᐃᑲᔪᕐᑎᖓ ᒎᑎᐅᑉ ᐃᓄᖁᑎᖓᑕ ᐃᓱᒪᓕᕋᒥ, “ᐊᖓᔪᖅᑳᕅᓐᓇ ᐱᔭᕐᓂᓈᕐᓯᑎᑦᓯᓗᐊᕐᑐᖅ ᓁᒪᓐᒥᒃ ᓯᕆᐊᒥᐅᒥᒃ, ᑐᓂᑦᔪᑎᒋᓇᓱᒃᑕᖏᓐᓂᒃ ᐃᓚᓐᖎᖏᑦᓯᐊᕐᑐᖅ, ᐊᑕᓂᖅ ᐆᒪᔪᖅ ᐱᑦᔪᑎᒋᓪᓗᒍ ᒪᓕᐊᓪᓚᒡᓗᒍ ᐃᓚᖏᓐᓂᒃ ᐱᑖᕆᐊᕐᑐᓚᐅᕐᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:40

ᐸᐅᓗᓯᒃᑯᒡ ᓮᓚᓯᒃᑯᒃ ᑎᒍᔭᐅᓯᒪᕕᖕᒥᑦ ᐊᓂᒐᒥᒃ ᓖᑎᐊᑉ ᐃᒡᓗᖓᓄᐊᕐᐴᒃ; ᐅᒃᐱᕐᑑᖃᑎᒌᓪᓗ ᑕᑯᒐᒥᒋᑦ, ᐱᕙᓪᓕᕐᓇᕐᑐᓂᒃ ᐅᖃᕐᕕᒋᕔᑦ, ᐊᐅᓪᓚᓕᕐᓗᑎᒡᓗ.

ᕉᒪᒥᐅᓄᑦ 15:26

ᒫᓯᑑᓂᐊᒥᐅᑦ ᐊᑬᐊᒥᐅᓪᓗ ᖁᕕᐊᓱᒡᓗᑎᒃ ᑐᓂᓯᔪᒪᓚᐅᕐᒪᑕ ᐊᔪᕐᓴᕐᑐᓄᑦ ᒎᑎᐅᑉ ᐃᓄᖁᑎᖏᓐᓄᑦ ᔨᕉᓴᓕᒻᒦᑦᑐᓄᑦ.

ᐱᓕᐱᒥᐅᓄᑦ 1:12

ᐅᒃᐱᕐᑑᖃᑎᒃᑲ, ᖃᐅᔨᒪᖁᕙᑦᓯ, ᐃᓅᓯᓐᓂ ᖃᓄᐃᓕᐅᕐᑕᐅᓯᒪᓂᕆᔭᒃᑲ ᐱᕙᓪᓕᕐᑎᑦᓯᓯᒪᖕᒪᑕ ᐅᖃᐅᓰᑦ ᑐᓴᕈᒥᓇᕐᑐᑦ ᐱᕙᓪᓕᐊᑦᔪᑎᒃᓴᖏᓐᓄᑦ.

ᐱᓕᐱᒥᐅᓄᑦ 1:16

ᑖᒃᑯᐊᓕ ᑍᒤᓕᐅᕐᐳᑦ ᓇᒡᓕᖕᓂᕐᒧᑦ, ᖃᐅᔨᒪᒐᒥᒃ ᒎᑎᐅᑉ ᑎᓕᓯᒪᖕᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ.

ᐱᓕᐱᒥᐅᓄᑦ 1:5

ᐃᑲᔪᒻᒪᕆᒃᓯᒪᒐᑦᓯᓐᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᖓ ᑍᒪᓐᖓᑦ ᐱᒋᐊᓕᕋᑖᕐᓂᓐᓂᑦ ᒫᓐᓇᒧᑦ ᑎᑭᓪᓗᒍ.

ᐱᓕᐱᒥᐅᓄᑦ 1:7

ᑍᒪᓐᖓᑦ ᐃᓱᒪᒥᐅᑕᕇᓐᓇᕋᑦᓯ ᑍᒤᒻᒪᑦ ᐃᓕᑦᓯᓐᓂᒃ ᑍᒫᒃ ᐃᓱᒪᒋᔭᖃᕐᑐᒃᓴᐅᒐᒪ, ᑍᒪᓐᖓᑦ ᑲᑐᑦᔨᖃᑎᒌᓐᓇᓚᐅᕋᑦᓯᓐᖓ ᐱᕕᒃᓴᖃᕐᑎᑕᐅᓂᕆᔭᓐᓂᒃ ᒎᑎᒧᑦ, ᐅᕙᓂ ᑎᒍᔭᐅᓯᒪᕕᖕᒦᒃᑲᓗᐊᕐᑎᓪᓗᖓ ᑎᒍᔭᐅᓯᒪᑎᓐᓇᖓᓘᓐᓃᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕐᑎᓪᓗᖓ. ᐋᖅᑭᒃᓯᓇᓱᐊᕐᑎᓪᓗᖓᓗ ᐊᐅᓚᖏᑦᓯᐊᕐᑐᒥᒃ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;