ᐱᓕᐱᒥᐅᓄᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᐱᓕᐱᒥᐅᓄᑦ 3:19 Iomraidhean Croise

ᐃᓐᖏᕈᑎᑦ 17:14

ᐊᒡᒐᖕᓄᑦ ᓴᐳᑎᓚᐅᓐᖓ, ᐊᑕᓃᖅ, ᐃᓄᖕᓂᑦ ᓯᓚᕐᔪᐊᕐᒥᑦ ᐃᓅᓯᕐᒥᒃ ᐱᓯᒪᔭᒥᖕᓂᒃ ᐊᑐᕐᑐᓂᑦ, ᐊᕿᐊᑦᑐᕐᓕᑦ ᐊᑐᐃᓐᓇᕈᕐᓯᒪᔭᓐᓂᒃ ᑖᒃᑯᓄᖓ; ᕿᑐᕐᖓᖏᑦ ᐱᔭᕆᐊᖃᕐᑕᒥ ᐅᖓᑖᓄᑦ ᐱᓕᑦ, ᕿᑐᕐᖓᖏᓪᓗ ᐊᒥᐊᒃᑯᖏᓐᓂᒃ ᐱᒃᑲᓐᓂᕐᓕᑦ.

ᐃᓐᖏᕈᑎᑦ 52:1

ᓱᖕᒪᑦ ᐱᑦᓯᐊᖏᓐᓂᕐᒥᒃ ᐱᐅᔪᕆᑦᔪᑎᖃᕐᐱᑦ, ᐊᔪᖏᑦᑐᐊᓘᔪᑎᑦ ᐊᖑᑦ? ᒎᑎᐅᑉ ᐃᓄᖁᑎᖓᓄᑦ, ᐅᓪᓗᓕᒫᖅ ᓈᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 34:3

ᑐᓐᓄᖏᑦ ᓂᕆᕙᓯ, ᒥᖅᑯᕕᓂᖏᓐᓂᒡᓗ ᐊᓐᓄᕌᖃᕐᓗᓯ, ᖁᐃᒃᓯᑦᓯᐊᖑᓯᒪᔪᓂᒡᓗ ᑐᖁᑦᓯᕙᒃᓗᓯ; ᓰᐱᓂᒡᓕ ᓂᕆᑎᑦᓯᖃᑦᑕᓐᖏᓚᓯ.

ᕼᐆᓯᐊᑉ ᐊᒡᓚᖏᑦ 4:7

“ᑐᓂᕐᕈᓯᕐᑎᓯᔩᑦ ᐅᓄᕐᓂᕐᓴᐅᓕᑐᐊᕐᒪᑕ, ᐊᔪᕐᑐᓕᓂᖏᑦ ᐅᕙᓐᓄᑦ ᐊᖏᓂᕐᓴᐅᕗᑦ; ᑍᒤᒻᒪᑦ ᐅᐱᓐᓇᕐᓂᓯ ᑲᓐᖑᓇᕐᓯᑎᓐᓂᐊᕐᐸᕋ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒪᓚᑬᑉ ᐊᒡᓚᖏᑦ 1:12

ᓇᕐᕈᓇᕐᓯᑎᓚᐅᕐᐸᓯᓕ ᐃᒫᒃ ᐅᖃᕐᑎᓪᓗᓯ, ‘ᐊᑕᓂᐅᑉ ᑐᓂᕐᕈᓯᕐᕕᖓ ᓇᕐᕈᓇᕐᐳᖅ, ᐱᕈᕐᑐᐃᓪᓗ ᓂᖀᓪᓗ ᓇᕐᕈᓇᕆᕗᑦ.’

ᒫᑎᐅᓯᐅᑉ ᐊᒡᓚᖏᑦ 16:23

ᔩᓱᓯᐅᑉ ᐲᑦᑐᕉᓯ ᓵᓪᖢᒍ ᐅᖃᐅᑎᕚ, “ᓵᑖᓇᓰ, ᑐᓄᓐᓅᐊᕆᑦ! ᐊᑐᕆᐊᖃᕐᑕᓐᓂᒃ ᐊᒡᕕᐊᕋᓱᐊᕋᕕᑦ; ᑕᒪᓐᓇ ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᑐᐃᓐᓇᕐᒥᓪᓕ ᐱᕗᖅ!”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᓘᑲᓯᐅᑉ ᐊᒡᓚᖏᑦ 12:19

ᑕᕐᓂᕋᓗ ᐅᖃᐅᑎᓗᒍ, ᑕᕐᓃᒃ, ᐊᕐᕌᒍᓂᒃ ᐊᒥᓱᓂᒃ ᐱᐅᔪᓂᒃ ᐱᒃᓴᖃᓕᕐᐳᑎᑦ; ᐱᓇᓱᐊᕈᓐᓃᕆᑦ ᓂᕆᓗᑎᑦ ᐃᒥᓕᕆᑦ, ᖁᕕᐊᓱᒡᓗᑎᓪᓗ.’

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᓘᑲᓯᐅᑉ ᐊᒡᓚᖏᑦ 18:4

ᐃᖅᑲᕐᑐᐃᔨ ᐊᑯᓂ ᐅᐸᓚᐅᓐᖏᓚᖅ; ᑭᖑᓂᖓᒍᓪᓕ ᐃᓱᒪᓕᕐᐳᖅ, ‘ᒎᑎᒥᒃ ᓯᕘᕋᖏᒃᑲᓗᐊᕐᐳᖓ ᐃᓄᖕᓂᒡᓗ ᐃᓕᕋᓱᖕᓇᖓ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:3

ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:2

ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:12

ᑍᒫᒡᓗ ᐱᐅᓯᕾᓐᓇᕐᓂᐊᕐᐳᖓ, ᑍᒃᑯᐊ ᐅᕙᑦᑎᓐᓄᑦ ᐊᑦᔨᐅᑎᓐᓇᓱᐊᕐᑐᑦ ᐃᒻᒥᖕᓂᒃ ᓂᕐᑐᕈᑎᒃᓴᖃᕈᒪᓪᓗᑎᒃ; ᓂᕐᑑᑎᕕᒃᓴᖃᖁᓇᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:15

ᑍᒤᒻᒪᑦ ᑲᒪᓇᖏᓐᓂᕗᖅ ᓵᑖᓇᓯᐅᑉ ᐱᔨᖏᑦ ᐃᓗᐊᕐᑐᑎᑐᑦ ᐱᔨᒋᔭᐅᓐᖑᐊᕈᓐᓇᕆᐊᖏᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐃᓱᐊᓂ ᐱᓇᓱᐊᕐᕕᐅᔪᒫᕐᐳᑦ.

ᒐᓔᑎᐊᒥᐅᓄᑦ 6:13

ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᕐᑐᕐᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᕐᑕᐅᔭᕆᐊᖃᕐᓂᖓᓂᒃ ᐊᑐᕐᑎᑦᓯᓂᕐᒥᖕᓂᒃ ᐃᓕᑦᓯᓐᓂᒃ.

ᐱᓕᐱᒥᐅᓄᑦ 2:21

ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᕐᑕᒥᖕᓂᒃ ᑭᓯᐊᓂ ᐃᓱᒪᖃᕐᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ.

ᑯᓘᓯᐊᒥᐅᓄᑦ 3:2

ᐹᓃᑦᑐᑦ ᐱᓇᓱᐊᕐᓯᒋᑦ, ᓄᓇᒦᑦᑐᑦ ᐱᓇᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:9

ᑍᒃᑯᐊ ᐋᓐᓂᐊᔪᒫᕐᐳᑦ ᓱᒋᐊᕐᑕᐅᓕᕈᑎᒃ ᐱᕖᕈᑦᔭᐅᓇᕐᑐᒧᑦ ᐃᓱᖃᖏᑦᑐᒧᑦ ᐊᑕᓂᐅᓪᓗ ᓇᔪᒐᖓᓂᑦ ᐲᕐᑕᐅᓪᓚᕆᒃᓗᑎᒃ ᐱᓐᓇᕐᓇᕐᓂᕐᔪᐊᖓᓂᑦ ᐱᔪᓐᓇᕐᓂᖓᓂᓪᓗ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:12

ᑕᒪᓐᓇ ᑍᒤᑦᓱᒫᕐᐳᖅ ᑕᒤᓐᓄᑦ ᓱᓕᓂᕐᒥᒃ ᐅᒃᐱᖏᑦᑐᓄᑦ, ᐱᐅᖏᑦᑐᓕᓂᕐᒥᒡᓕ ᖁᕕᐊᒋᔭᖃᕐᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᑎᒧᑎᒧᑦ ᐂᑉᐸᖏᑦ 3:4

ᐱᔭᐅᒃᑬᔨᓂᒃ, ᐃᓕᕋᒃᑯᑎᔪᓐᓇᖏᑦᑐᓂᒃ, ᐱᓯᑎᐅᔪᕆᓂᕐᒧᑦ ᐱᐅᔪᕆᓗᐊᕐᑐᓂᒃ, ᖁᕕᐊᒋᔭᒥᖕᓂᒃ ᐅᖓᓂᕐᓴᐅᔪᓂᒃ ᒎᑎᒥᑦ;

ᔧᒥᓯᐅᑉ ᐊᒡᓚᖏᑦ 4:16

ᑍᒤᒻᒪᑦ, ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓕᕐᐸᒃᑲᑦᓯ. ᐱᐅᔪᕆᓃᑦ ᑍᒤᑦᑐᑦ ᐱᐅᖏᑦᑑᖕᒪᑕ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:13

ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔫᑎᐅᑉ ᐊᒡᓚᖏᑦ 1:10

ᐃᓄᐃᓪᓕ ᑖᒃᑯᐊ ᓱᓇᓕᒫᓂᒃ ᐅᖃᕐᓂᕐᓘᑎᖃᖃᑦᑕᕐᐳᑦ ᑐᑭᓯᓯᒪᓐᖏᑕᒥᖕᓂᒃ, ᐃᒃᐱᒋᓕᕐᑕᑐᐃᓐᓇᒥᖕᓂᒃᓗ ᖃᐅᔨᓯᒪᔭᒥᖕᓄᑦ ᐆᒪᔪᑎᑐᑦ ᓄᔪᐊᕐᑐᑎᑐᑦ ᐱᓇᓱᐊᕐᐸᒃᐳᑦ, ᑕᒪᒃᑯᓄᖓ ᑕᕝᕙ ᓱᒋᐊᕐᑕᐅᑦᔪᑎᖃᕐᐳᑦ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:7

ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ, ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ. ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᓴᒧᐃᓕ ᓯᕗᓪᓖᑦ 2:29

ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’