ᐱᓕᐱᒥᐅᓄᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᒪᑦᑕ ᐊᓂᕐᓂᒃᑯᑦ ᐱᕈᕇᕐᓯᒪᔪᒍᑦ ᑍᒫᒃ ᐊᑦᔨᒌᒃᑐᒥᒃ ᐃᓱᒪᖃᕆᐊᖃᕐᐳᒍᑦ; ᐊᑦᔨᒋᓐᖏᑕᖓᓂᒡᓕ ᐃᓱᒪᖃᕈᑦᓯ, ᑕᒪᓐᓇ ᒎᑎᐅᑉ ᓴᖅᑭᑎᓐᓂᐊᕐᐹ ᐃᓕᑦᓯᓐᓄᑦ.

ᐱᓕᐱᒥᐅᓄᑦ 3:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 5:48

ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᕉᒪᒥᐅᓄᑦ 15:1

ᐅᕙᒍᑦ ᐅᒃᐱᕐᓂᕐᒥ ᓴᓐᖏᓂᕐᓴᐅᔪᒍᑦ ᕿᓄᐃᓵᕐᑐᒃᓴᐅᕗᒍᑦ ᓴᓐᖐᓐᓂᕐᓴᐅᔪᑦ ᐊᔪᓕᕐᓯᒪᑦᔪᑎᖃᕐᐸᑕ, ᐅᕙᑦᑎᓐᓂᑐᐊᖅ ᐃᓱᒪᒋᓇᓱᐊᖏᓪᓗᑕ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:6

ᓯᓚᑐᔪᓂᒡᓕᑦᑕᐅᖅ ᐅᖃᐅᓯᖃᕋᓗᐊᕆᕗᖓ ᐅᒃᐱᕐᓂᕐᒥ ᐱᕈᕇᕐᓯᒪᔪᓄᑦ, ᓯᓚᑐᓂᖅ ᓯᓚᕐᔪᐊᕐᒥᑦ ᐱᔪᖅ ᐊᑐᕐᓇᒍ ᓯᓚᕐᔪᐊᕐᒥᐅᓪᓗ ᐊᐅᓚᑦᓯᔨᖏᓐᓂᑦ ᐱᔪᖅ ᐊᑐᕐᒥᓇᒍ, ᑕᒪᒃᑯᐊ ᓱᓇᐅᔪᓐᓃᕐᓂᐊᕐᒪᑕ.

ᒐᓔᑎᐊᒥᐅᓄᑦ 5:10

ᓱᓕ ᐃᓕᑦᓯᓐᓂᒃ ᖁᓚᓐᖏᓚᖓ ᐊᑕᓂᕐᒥ ᐃᓱᒪᒋᔭᒪ ᐊᓯᐊᓂᒃ ᐃᓱᒪᑖᕐᓂᐊᖏᓐᓇᑦᓯ; ᑍᓐᓇᓗ ᐃᓕᑦᓯᓐᓂᒃ ᐊᑲᐅᓐᖏᓕᐅᕐᑎᑦᓯᓚᐅᕐᑐᖅ ᓱᒋᐊᕐᑕᐅᔪᒫᕐᐳᖅ, ᑭᓇᐅᒐᓗᐊᕐᐸᑦ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᐄᑉᕈᐃᓄᑦ 5:14

ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.

ᔪᐊᓇᓯ ᓯᕗᓪᓖᑦ 2:5

ᐅᖃᐅᓯᖓᓂᒡᓕ ᒪᓕᒃᑐᖅ, ᑖᓐᓇᐅᕗᖅ ᒎᑎᒧᑦ ᓇᒡᓕᒍᓱᖕᓂᖓ ᓈᒻᒪᑦᓯᐊᕐᓂᐊᕐᐳᖅ. ᑍᒫᒃ ᑕᑉᕙ ᖃᐅᔨᒪᑦᔪᑎᒋᕙᕗᑦ ᑖᑦᓱᒪᓃᓂᑦᑎᓐᓂᒃ: