ᐱᓕᐱᒥᐅᓄᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓱᒪᕐᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᕐᐳᖅ, ᐱᔨᑐᐃᓐᓇᕐᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᕐᑐᓪᓗ ᑍᒤᓕᓚᐅᕐᐳᖅ ᐃᓄᑐᐃᓐᓇᕐᑎᑐᓪᓗ ᑕᑯᒃᓴᐅᓂᖃᓕᕐᓗᓂ.

ᐱᓕᐱᒥᐅᓄᑦ 2:7 Iomraidhean Croise

ᐃᓐᖏᕈᑎᑦ 22:6

ᐅᕙᖓᓕ ᖁᐱᕐᕉᕗᖓ, ᐃᓅᓇᖓᓗ; ᐃᓄᖕᓄᑦ ᓇᕐᕈᓇᕐᐳᖓ, ᐃᓄᒋᐊᒃᑐᓂᑦ ᐃᓚᒋᔭᐅᔪᒪᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 49:3

ᐅᖃᐅᑎᓪᓗᖓᓗ, ‘ᐃᓴᕆᐊᓪ ᐱᔨᒋᕙᒋᑦ, ᐊᖅᑯᑎᒋᓗᑎᑦ ᓂᕐᑐᕐᑕᐅᔪᒫᕐᐳᖓ.’

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 9:26

ᓇᓪᓕᐅᓐᓃᑦ 62 7ᐃᕐᑐᕐᓯᒪᔪᑦ ᐊᓂᒍᕐᐸᑕ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᑐᖁᑕᐅᔪᒫᕐᐳᖅ ᐃᒻᒥᓂᒃ ᐱᑦᔪᑎᒋᓇᓂ: ᐊᖓᔪᖅᑳᕐᓗ ᑎᑭᑦᓱᒫᕐᐳᖅ ᐃᒡᓗᒐᓮᑦ ᓱᕋᒃᑎᕐᓗᒋᑦ ᐃᑦᔪᕐᓁᑦᑐᕕᒡᓗ. ᐃᓱᐊ ᑕᕝᕙ ᓇᓪᓕᐅᑎᔪᒫᕐᐳᖅ ᓄᓇᑐᑦ ᖄᒥᑦᑐᒥᑦ ᑎᑭᑕᐅᔪᑐᑦ; ᐅᓇᑕᕐᓂᕐᓗ ᑲᔪᓰᓐᓇᕈᒫᕐᐳᖅ ᐃᓱᐊᓄᑦ, ᑲᑉᐱᐊᓇᕐᑐᑦ ᐊᑐᕈᒫᕐᓂᖏᑦ ᐋᖅᑭᒃᑕᐅᔭᕇᕐᒪᑕ.

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑯᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ?

ᓘᑲᓯᐅᑉ ᐊᒡᓚᖏᑦ 22:27

ᓇᓪᓕᐊᒃ ᐊᖏᓂᕐᓴᐅᕚ, ᓂᕆᕕᖕᒥ ᐃᒃᓯᕙᔪᖅ ᐅᕝᕙᓗ ᓂᕆᓂᐊᕐᑕᖏᓐᓂᒃ ᕾᑦᓯᔪᖅ? ᐃᓛᒃ ᑖᓐᓇᐅᕗᖅ ᐃᒃᓯᕚᕐᑐᖅ ᓂᕆᓂᐊᕐᓗᓂ ᑖᓐᓇ ᐊᖏᓂᕐᓴᐅᕗᖅ; ᐅᕙᖓᓕ ᐃᓕᑦᓯᓐᓂᒃ ᓂᕆᑎᑦᓯᔪᖅ ᐊᑦᔨᒋᕙᕋ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᕉᒪᒥᐅᓄᑦ 1:3

ᑐᓴᕈᒥᓇᕐᑐᑦ ᐅᖃᐅᓯᖃᕐᒪᑕ ᐃᕐᓂᖓᓂᒃ, ᐃᓄᒃᑐᑦ ᑎᒥᖃᕐᓂᕐᒥᒍᑦ ᑍᕕᑎᐅᑉ ᑭᖑᕚᕆᓚᐅᕐᐹ,

ᕉᒪᒥᐅᓄᑦ 15:3

᙭ᔅᑑᓯᑦᑕᐅᖅ ᓇᖕᒥᓂᖅ ᓈᒻᒪᒋᔭᑐᐃᓐᓇᕐᒥᓂᒃ ᐊᑐᓚᐅᖏᒻᒪᑦ, ᐊᒡᓚᓂ ᑎᑎᕋᕐᓯᒪᖕᒪᑦ, “ᐃᓕᖕᓂᒃ ᐅᖃᕐᓂᕐᓘᑎᓖᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.”

ᕉᒪᒥᐅᓄᑦ 15:8

ᐅᖃᐅᑎᕙᑦᓯ ᙭ᔅᑑᓯ ᐱᔨᓐᖑᓚᐅᕐᒪᑦ ᔫᑎᓄᑦ ᑭᐱᓯᒪᔪᓄᑦ ᒎᑎᐅᑉ ᓱᓕᑦᓯᐊᕐᓂᖓ ᓴᖅᑭᑎᑕᐅᖁᓪᓗᒍ, ᓯᕗᓕᕕᓂᖏᓐᓄᑦ ᐊᖏᕈᑎᒋᓯᒪᔭᖓᑕ ᑲᔪᓯᑎᑕᐅᓂᖓᒍᑦ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:4

ᓴᓐᖐᓐᓂᕐᒥ ᑭᑭᐊᒃᑐᕐᑕᐅᓚᐅᕐᐳᖅ, ᐆᒪᕗᕐᓕ ᒎᑎᐅᑉ ᐱᔪᓐᓇᕐᓂᖓᒍᑦ. ᑍᒫᒃᑕᐅᖅ ᑖᑦᓱᒪᓂ ᓴᓐᖐᑦᑑᕗᒍᑦ, ᒎᑎᐅᓪᓕ ᐱᔪᓐᓇᕐᓂᖓᒍᑦ ᑖᓐᓇ ᐃᓅᖃᑎᒋᓂᐊᕐᐸᕗᑦ ᐱᓇᓱᐊᓕᕈᑦᑕ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᒐᓔᑎᐊᒥᐅᓄᑦ 4:4

ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ,

ᐱᓕᐱᒥᐅᓄᑦ 2:6

ᑖᓐᓇ ᒎᑎᑐᑦ ᑍᒤᒃᑲᓗᐊᕋᒥ, ᒎᑎᒥᒃ ᐊᑦᔨᖃᕋᓱᓚᐅᓐᖏᓚᖅ ᓂᕐᑐᕐᓇᐅᑎᖃᕋᓱᐊᕋᓂᓘᓐᓃᑦ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 13:3

ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.