ᐱᓕᐱᒥᐅᓄᑦ 2:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓘᓐᓇᑦᓯᓐᓂᒃ ᑕᑯᔪᒪᓕᕐᓯᒪᖕᒪᑦ, ᖁᕕᐊᓱᖏᑦᔪᑎᖃᓚᐅᕐᐳᕐᓗ ᐃᓕᑦᓯᓐᓂᒃ ᑐᓴᐅᒪᓕᕐᓂᑦᓯᓐᓂᒃ ᑐᓴᕋᒥ ᖃᓂᒪᓚᐅᕐᓂᖓᓂᒃ.

ᐱᓕᐱᒥᐅᓄᑦ 2:26 Iomraidhean Croise

ᓴᒧᐃᓕ ᐂᑉᐸᖏᑦ 13:39

ᐊᖓᔪᖅᑳᕐᔪᐊᕐᓕ ᑍᕕᑎ ᒪᓂᒍᕋᒥ ᐋᒻᓇᐅᑉ ᑐᖁᓂᕆᓚᐅᕐᑕᖓᓂᒃ, ᖃᐅᔨᒪᓕᕐᓗᓂᓗ ᑐᖁᖓᓕᕐᒪᑦ, ᐃᕐᓂᕐᒥᓄᑦ ᐋᑉᓴᓚᒻᒧᑦ ᑭᐱᓂᐊᖔᓕᓚᐅᕆᕗᖅ.

ᓴᒧᐃᓕ ᐂᑉᐸᖏᑦ 24:17

ᑍᕕᑎᐅᓪᓕ ᐂᖏᓕ ᐃᓄᖕᓂᒃ ᑐᖁᕅᔪᖅ ᑕᑯᒐᒥᐅᒃ, ᐊᑕᓂᕐᒧᑦ ᐅᖃᕐᐳᖅ, “ᐅᕙᖓ ᐊᔪᕐᑐᓕᓯᒪᕗᖓ, ᐅᕙᖓ ᐱᐅᖏᑦᑐᓕᓚᐅᕐᐳᖓ; ᐅᑯᐊᓕ ᐃᓄᐃᑦ ᖃᓄᐃᓕᐅᓚᐅᕐᐹ? ᑐᒃᓯᐊᕐᕕᒋᕙᒋᑦ ᐅᕙᓐᓂᒃ ᐃᓚᓐᓂᒡᓗ ᓱᒋᐊᕐᓯᖔᕐᑐᒃᓴᐅᕗᑎᑦ.”

ᔫᐱᐅᑉ ᐊᒡᓚᖏᑦ 9:27

ᐃᓱᒪᓕᕅᒐᒪ, ‘ᐋᓐᓂᐊᓂᕋ ᐃᓱᒪᒋᑦᔮᔪᓐᓁᕐᐸᕋ, ᖁᕕᐊᓱᖏᓐᓂᕋ ᐃᓱᒪᒋᔪᓐᓁᕐᓗᒍ, ᖁᕕᐊᓱᖕᓂᐊᓕᕐᐳᖓ.’

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:25

ᐃᓱᒪᔮᕈᑎᖃᓗᐊᕐᑐᖅ ᐆᒻᒪᑎᒥᒍᑦ ᖁᕕᐊᓇᖏᑦᑐᒦᓕᕈᓐᓇᕐᐳᖅ, ᐅᖃᐅᑦᔭᐅᑦᓯᐊᕐᓂᕐᒧᓪᓕ ᖁᕕᐊᑦᓴᒃᑎᑕᐅᔪᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 26:37

ᐅᑯᐊ ᐃᓚᒋᓚᐅᕐᐰᑦ ᐲᑦᑐᕉᓯ ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᑕᕝᕙ ᔩᓱᓯ ᕿᒃᓵᖕᓂᕐᒧᑦ ᐊᖏᔪᕐᔪᐊᒧᑦ ᐅᖁᒤᒃᓴᕐᓂᕐᒧᓪᓗ ᑎᑭᑕᐅᕐᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᕉᒪᒥᐅᓄᑦ 1:11

ᑭᐱᓂᐊᕐᐳᖓ ᑕᑯᔪᒪᓪᓗᓯ, ᐃᓕᑦᓯᓐᓄᑦ ᐱᑎᑦᓯᔪᒪᓪᓗᖓ ᐊᓂᕐᓂᒃᑯᑦ ᑐᓂᕐᕈᓯᐊᓂᒃ ᓴᓐᖏᔪᓐᖑᕐᑎᑕᐅᒃᑲᓐᓂᖁᓪᓗᓯ,

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᕉᒪᒥᐅᓄᑦ 9:2

ᕿᒃᓵᖕᓂᕐᔪᐊᖃᕋᒪ ᐃᓗᒃᑯᓪᓗ ᐋᓐᓂᐊᕈᑎᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:26

ᑎᒥᐅᑉ ᑭᓱᑯᑦᑎᖓ ᐋᓐᓂᐊᓕᕐᐸᑦ, ᑕᕝᕙ ᑎᒥᓕᒫᖅ ᐋᓐᓂᐊᖃᑕᐅᓕᕐᐳᖅ; ᑎᒥᐅᓪᓗ ᑭᓱᑯᑦᑎᖓ ᓂᕐᑐᕐᓇᕐᑎᑕᐅᒃᐸᑦ, ᑕᕝᕙ ᑎᒥᐅᑉ ᑭᓱᑯᑦᑎᓕᒫᖏᑦ ᖁᕕᐊᓱᒃᑎᑕᐅᓕᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:14

ᑍᒃᑯᐊᓗ ᐃᓕᑦᓯᓐᓂᒃ ᑐᒃᓯᐅᑦᔨᓂᐊᕐᐳᑦ, ᑐᓱᓗᑎᒡᓗ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓄᑦ ᐃᑲᔪᕐᓯᒪᖕᒪᓯ ᐊᖏᔪᕐᔪᐊᒥᒃ.

ᒐᓔᑎᐊᒥᐅᓄᑦ 6:2

ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᕐᐳᓯ.

ᐃᐱᓯᒥᐅᓄᑦ 3:13

ᑍᒤᒻᒪᑦ ᓴᐱᓕᑐᐃᓐᓇᖁᖏᒃᑲᓗᐊᕐᐸᑦᓯ ᐊᒃᓱᕈᕐᓇᕐᑐᒃᑰᕐᑎᑕᐅᓂᓐᓄᑦ ᐱᑦᔪᑎᒋᓪᓗᓯ, ᑕᒪᓐᓇ ᓂᕐᑐᕐᓇᐅᑎᒃᓴᑦᓯᓐᓄᑦ ᑍᒤᓕᖓᖕᒪᑦ.

ᐱᓕᐱᒥᐅᓄᑦ 1:3

ᑍᒪᓐᖓᑦ ᐃᖅᑲᐅᒪᓕᕌᖓᑦᓯ ᒎᑎᒐ ᖁᔭᒋᖃᑦᑕᕐᐸᕋ,

ᐱᓕᐱᒥᐅᓄᑦ 1:8

ᒎᑎᐅᑉ ᖃᐅᔨᒪᕚᖓ ᐅᖃᕐᑎᓪᓗᖓ ᓱᓕᑦᓯᐊᕐᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.

ᐱᓕᐱᒥᐅᓄᑦ 2:25

ᐃᓱᒪᖃᕐᓯᒪᒋᕗᖓᓕ ᑎᓕᔭᕆᐊᖃᕋᓱᒋᓪᓗᒍ ᐅᒃᐱᕐᑑᖃᑎᕗᑦ ᐃᐸᐳᕈᑍᑕᓯ ᐱᓇᓱᐊᖃᑎᒐ ᐅᓇᑕᕐᑎᐅᖃᑎᒐᓗ, ᑖᓐᓇ ᐱᓇᓱᐊᕐᓯᒪᖕᒪᑦ ᑎᓕᔭᐅᓯᒪᓪᓗᓂ ᐃᓕᑦᓯᓐᓂᑦ ᐃᑲᔪᕐᑕᐅᖁᓪᓗᖓ.

ᐱᓕᐱᒥᐅᓄᑦ 2:27

ᐃᓛᒃ ᖃᓂᒪᒻᒪᕆᓚᐅᕐᒪᑦ, ᑐᖁᑲᓴᒃᓗᓂ ᐊᒡᓛᑦ. ᒎᑎᐅᓪᓕ ᓂᑲᒋᓚᐅᕐᐹ, ᑖᓐᓇᑑᖏᑦᑐᕐᓕ ᐅᕙᖓᑦᑕᐅᖅ ᓂᑲᒋᓚᐅᕐᒪᖓ, ᕿᒃᓵᖕᓇᕐᑐᒦᓐᓂᕋ ᐃᓚᔭᐅᒋᐊᓪᓚᖁᓇᒍ ᕿᒃᓵᖕᓇᕐᑐᒧᑦ.

ᐱᓕᐱᒥᐅᓄᑦ 4:1

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.

ᐲᑦᑐᕉᓯ ᓯᕗᓪᓖᑦ 1:6

ᑕᒪᓐᓇ ᖁᕕᐊᓲᑎᒋᕙᓯ, ᒫᓐᓇᐅᓂᖓᓂ ᓯᕕᑭᑦᑐᒥᒃ ᐱᔭᕆᐊᖃᕈᑦᓯ, ᖁᕕᐊᓇᖏᑦᑐᒃᑰᖃᑦᑕᕋᓗᐊᕐᑐᓯ ᐊᒃᓱᕈᕐᓇᕐᑐᑦ ᐅᓄᕐᒪᑕ ᐊᑦᔨᒌᖏᑦᑐᑦ.