ᐱᓕᐱᒥᐅᓄᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᐱᓕᐱᒥᐅᓄᑦ 1:9 Iomraidhean Croise

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᐃᓐᖏᕈᑎᑦ 119:66

ᐊᔪᕆᕐᑐᓚᐅᓐᖓ ᐃᓅᖃᑎᓐᓄᑦ ᓈᒻᒪᓈᕐᓯᒪᔪᒥᒃ ᑕᑯᓐᓇᕐᓂᕐᒥᒃ ᖃᐅᔨᒪᑦᓯᐊᕐᓂᕐᒥᒡᓗ, ᐱᖁᔭᑎᑦ ᐅᒃᐱᕆᒐᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:7

ᑕᒤᓐᓂᒡᓕ ᐊᔪᕐᓴᓐᖏᓚᓯ, ᐅᒃᐱᕐᓂᒃᑯᑦ, ᐅᖃᓪᓚᖕᓂᕐᒥᒃ, ᖃᐅᔨᑎᑕᐅᓂᕐᒥᒃ, ᐃᑲᔪᕈᒪᑦᓯᐊᕐᓂᕐᒥᒃ, ᐅᕙᑦᑎᓐᓂᒡᓗ ᓇᒡᓕᒍᓱᖕᓂᕐᒥᒃ; ᑍᒫᒃᑕᐅᖅ ᑕᒪᓐᓇ ᐱᓇᓱᐊᑦᓯᐊᕐᓂᖅ ᐃᓕᑦᓯᓐᓄᑦ ᑲᔪᓯᑎᑕᐅᖁᕙᕋ.

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:12

ᐊᑕᓂᐅᓪᓗ ᐱᕈᕐᐸᓪᓕᐊᑎᓪᓕᓯ ᓇᒡᓕᒃᑎᒌᖕᓂᕐᒥ ᐃᓕᑦᓯᓐᓄᑦ ᐃᓄᓕᒫᓄᓪᓗ, ᐃᓕᑦᓯᓐᓄᑦ ᓇᒡᓕᖕᓂᑦᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᐰᓕᒨᓂᒧᑦ 1:6

ᑐᒃᓯᐊᕐᐳᖓᓗ ᐅᒃᐱᕐᓂᕐᓂᒃ ᐅᖃᐅᓯᖃᖃᑦᑕᖁᓪᓗᑎᑦ ᐃᓅᖃᑎᖕᓄᑦ ᖃᐅᔨᑦᔪᑕᐅᖁᓪᓗᒍ ᓮᒻᒪᕐᑎᑕᐅᓂᕆᔭᑦᑎᓐᓂᒃ ᙭ᔅᑑᓯᒥ.

ᐄᑉᕈᐃᓄᑦ 5:14

ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.