ᐱᓕᐱᒥᐅᓄᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᐱᓕᐱᒥᐅᓄᑦ 1:6 Iomraidhean Croise

ᐃᓐᖏᕈᑎᑦ 138:8

ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 6:29

ᔩᓱᓯᐅᑉ ᑭᐅᕔᑦ, “ᑕᕝᕙ ᒎᑎᐅᑉ ᐃᒫᒃ ᐱᖁᕚᓯ; ᐅᒃᐱᖁᓪᓗᓯ ᑎᓕᔭᖓᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:8

ᑖᑦᓱᒪ ᓱᖁᓯᔪᐃᑎᓐᓂᐊᕐᐹᓯ ᓯᓚᕐᔫᑉ ᐃᓱᐊᓄᑦ, ᐸᓯᔭᒃᓴᐅᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐅᓪᓗᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:15

ᑕᒪᓐᓇ ᖁᓚᖏᑦᔪᑎᒋᓪᓗᒍ ᐃᓕᑦᓯᓐᓄᑦ ᑎᑭᑦᓱᒪᓚᐅᕋᓗᐊᕐᐳᖓ ᓯᕗᓂᖓᒍᑦ, ᖁᕕᐊᓱᒃᑎᑕᐅᒃᑲᓐᓂᖁᓪᓗᓯ ᓲᕐᓗ ᒪᕐᕈᐃᕐᓱᓪᓗᐊᕐᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:3

ᑍᒫᒃ ᑕᕝᕙ ᐅᑯᓂᖓ ᑎᑎᕋᕈᑎᖃᕐᐳᖓ, ᐃᓕᑦᓯᓐᓄᑦ ᑎᑭᒃᑯᒪ ᖁᕕᐊᓱᓐᖏᑎᑕᐅᔪᒪᓇᖓ ᐅᕙᓐᓂᒃ ᖁᕕᐊᓱᒃᑎᑦᓯᒐᔭᓚᐅᕐᑐᓄᑦ, ᐃᓕᑦᓯᓐᓂᒃ ᖃᐅᔨᒪᑦᓯᐊᕋᒪ, ᖁᕕᐊᓱᒃᑯᒪ ᖁᕕᐊᓱᑦᓯᐊᕐᑐᐃᓐᓇᐅᒐᔭᕋᑦᓯᑦᑕᐅᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:16

ᖁᕕᐊᓲᑎᖃᕐᐳᖓ, ᐱᔪᓐᓇᑦᓯᐊᓕᕐᓂᑦᓯᓐᓂᒃ ᐃᓘᓐᓈᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:4

ᑕᕝᕙᓕ ᒫᓯᑑᓂᐊᒥᐅᒥᒃ ᐃᓚᖃᕐᓗᖓ ᐃᓕᑦᓯᓐᓄᑦ ᑎᑭᒃᑯᒪ ᐅᐸᓗᖕᒊᕐᓯᒪᖏᑦᑐᓯ ᖃᐅᔨᔭᐅᒍᑦᓯ, ᑲᓐᖑᓱᒃᑎᑕᐅᒐᔭᕐᐳᒍᑦ ᐃᓕᑦᓯᓐᓂᒃ ᖁᓚᖏᑦᔪᑎᖃᓗᐊᓚᐅᕐᓂᑦᑎᓐᓄᑦ.

ᒐᓔᑎᐊᒥᐅᓄᑦ 5:10

ᓱᓕ ᐃᓕᑦᓯᓐᓂᒃ ᖁᓚᓐᖏᓚᖓ ᐊᑕᓂᕐᒥ ᐃᓱᒪᒋᔭᒪ ᐊᓯᐊᓂᒃ ᐃᓱᒪᑖᕐᓂᐊᖏᓐᓇᑦᓯ; ᑍᓐᓇᓗ ᐃᓕᑦᓯᓐᓂᒃ ᐊᑲᐅᓐᖏᓕᐅᕐᑎᑦᓯᓚᐅᕐᑐᖅ ᓱᒋᐊᕐᑕᐅᔪᒫᕐᐳᖅ, ᑭᓇᐅᒐᓗᐊᕐᐸᑦ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᐱᓕᐱᒥᐅᓄᑦ 1:10

ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.

ᐱᓕᐱᒥᐅᓄᑦ 1:29

᙭ᔅᑑᓯᒥᒃ ᐱᔨᑦᓯᕈᓐᓇᕐᑎᑕᐅᒐᑦᓯ ᐅᒃᐱᕐᕕᒋᑐᐃᓐᓇᕐᓗᒎᖏᑦᑐᖅ ᐊᒃᓱᕈᕐᑎᑕᐅᑦᔪᑎᒋᓗᒍᓕᑦᑕᐅᖅ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:11

ᑍᒤᒻᒪᑦ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᒍᑦ, ᒎᑎᑦᑎᓐᓄᑦ ᕾᖁᔨᑦᔪᑎᒋᔭᖓᓂᒃ ᑲᔪᓯᑎᑕᐅᔪᓐᓇᖁᓪᓗᓯ, ᑐᓂᓯᕕᐅᖁᓪᓗᓯ ᐱᓇᓱᐊᑦᓯᐊᕈᑎᒃᓴᑦᓯᓐᓂᒃ ᐅᒃᐱᕐᓂᑦᓯ ᐃᓱᓕᑎᑕᐅᑦᓯᐊᑯᓪᓗᒍ ᑖᑦᓱᒪ ᐱᔪᓐᓇᕐᓂᖓᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:4

ᖁᓚᓐᖏᓚᒍᓪᓕ ᑍᒤᑦᑐᓐᓇᕋᑦᓯ ᐊᑕᓂᕐᒥ, ᐱᓇᓱᐊᕐᓂᑦᓯᓐᓂᒃ ᐃᓕᑦᓯᓐᓄᓪᓗ ᐱᓇᓱᐊᒐᒃᓴᓕᐊᕆᔭᑦᑎᓐᓂᒃ ᐱᓇᓱᐊᕐᓂᐊᕋᑦᓯ.

ᐰᓕᒨᓂᒧᑦ 1:21

ᖁᓚᓐᖏᓚᖓ ᐱᓇᓱᐊᕐᑕᐅᖁᔭᓐᓂᒃ ᓈᓚᖕᓂᐊᕋᕕᑦ, ᑖᒃᑯᓂᖓ ᑎᑎᕋᐅᑎᒋᔭᓐᓂᒃ, ᖃᐅᔨᒪᓪᓗᖓ ᐅᖃᐅᓯᕆᔭᒪ ᐊᒡᓛᑦ ᐅᖓᑖᓄᑦ ᐱᓇᓱᐊᑦᓯᐊᕐᓂᐊᕋᕕᑦ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 3:10

ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.