ᐱᓕᐱᒥᐅᓄᑦ 1:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᐱᓕᐱᒥᐅᓄᑦ 1:27 Iomraidhean Croise

ᑯᕉᓂᑲ ᓯᕗᓪᓖᑦ 19:12

ᔪᐊᐱᓗ ᐅᖃᕐᐳᖅ, “ᓯᕆᐊᒥᐅᑦ ᐅᕙᓐᓂᒃ ᓵᓚᖃᓕᕐᐸᑕ, ᐅᕙᓐᓂᒃ ᐃᑲᔪᕆᐊᕐᓂᐊᕐᐳᑎᑦ; ᐊᒧᓁᑎᒥᐅᓪᓗ ᐃᓕᖕᓄᑦ ᓲᖑᓗᐊᓕᕐᐸᑕ, ᐃᑲᔪᕆᐊᕐᓂᐊᕐᐸᒋᑦ.

ᐃᓐᖏᕈᑎᑦ 122:3

ᔨᕉᓴᓕᒻ, ᐃᒡᓗᒐᓴᓕᐅᕐᓯᒪᕗᖅ ᐃᒻᒥᓄᑦ ᑲᑎᓐᖓᑦᓯᐊᕐᑐᒥᒃ ᓴᓇᓯᒪᓪᓗᓂ,

ᐃᓐᖏᕈᑎᑦ 133:1

ᑕᑯᒋᑦ, ᐱᐅᔪᐊᓘᕗᖅ ᖁᕕᐊᓇᕐᑐᐊᓘᓪᓗᓂᓗ ᖃᑕᓐᖑᑎᒌᑦ ᑲᑎᖃᑎᒌᒃᑎᓪᓗᒋᑦ ᐊᑕᐅᓯᐅᖃᑎᒌᒃᓗᑎᒃ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:23

ᐊᑕᓂᐅᑉ ᓯᕐᓈᓕᑐᐃᓐᓇᕆᐊᖃᕐᒪᒋᑦ ᑍᒤᑦᑑᓂᖏᑦ ᐱᓪᓗᒋᑦ, ᑎᒡᓕᒐᕐᕕᒋᑐᐃᓐᓇᕆᐊᖃᕐᒪᒋᑦ ᐃᓅᓯᖏᓐᓂᒃ ᑖᒃᑯᓂᖓ ᑎᒡᓕᒐᕐᕕᖃᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᒫᑎᐅᓯᐅᑉ ᐊᒡᓚᖏᑦ 12:25

ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐃᓱᒪᖃᕐᒪᖔᑕ, ᐅᖃᐅᑎᕔᑦ, “ᓄᓇᓖᑦ ᐊᖓᔪᖅᑳᕐᔪᐊᖃᕐᑐᑦ ᐊᑕᐅᓯᕐᒥᒃ ᐊᒡᒍᕐᓗᑎᒃ ᐃᒻᒥᖕᓄᑦ ᐅᓇᑕᓕᕈᑎᒃ ᐊᖓᔪᖅᑲᐅᕕᒃ ᐊᑯᓂᐅᖏᑦᑐᖅ ᓄᖑᒃᑲᔭᕐᐳᖅ, ᓄᓇᓖᓪᓗ, ᐅᕝᕙᓗ ᐃᓚᒌᑦ ᐃᒡᓗᒥᐅᖃᑎᒌᑦ ᐊᒡᒍᕐᓗᑎᒃ, ᐃᒻᒥᖕᓄᑦ ᐅᓇᑕᓕᕈᑎᒃ ᐊᑕᐅᓯᐅᔪᓐᓃᕋᔭᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 24:24

ᐅᓪᓗᒐᓔᑦ ᐊᓂᒍᕐᑎᓪᓗᒋᑦ ᕖᓕᒃᓯᐅᑉ ᓄᓕᐊᓂ ᑐᕉᓯᓚ ᔫᑎᐅᔪᖅ ᐱᖃᑎᒋᓪᓗᒍ ᑎᑭᑉᐴᒃ; ᐸᐅᓗᓯ ᕾᑕᐅᖁᕚ, ᑐᓵᔪᒪᓪᓗᓂ ᐅᖃᓪᓚᒃᑎᓪᓗᒍ ᐅᒃᐱᕐᕕᖃᕐᓂᕐᒥᒃ ᙭ᔅᑑᓯ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 1:9

ᒎᑎᐅᑉ ᐱᔨᑦᓯᕐᑕᒪ ᐱᔪᓐᓇᕐᓂᓕᒫᓐᓄᑦ ᐊᔪᕆᕐᑐᐃᓂᕐᒥᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᕐᓂᖓᓂᒃ, ᖃᐅᔨᒪᑦᓯᐊᕐᐹᖓ ᐃᖅᑲᐅᒤᓐᓇᕋᑦᓯ ᑐᒃᓯᐊᓕᕌᖓᒪ ᑐᒃᓯᐅᑎᖃᑦᑕᕋᑦᓯ,

ᕉᒪᒥᐅᓄᑦ 10:8

ᖃᓄᕐᓕ ᐅᖃᕐᐹ? ᐅᖃᐅᓯᐅᑉ ᖃᓂᒋᕚᑎᑦ, ᖃᓂᕐᓃᑉᐳᖅ ᐃᓗᖕᓃᓪᓗᓂᓗ (ᐃᒫᒃ, ᐅᖃᐅᓯᖅ ᐅᒃᐱᕐᓂᖅ ᐅᖃᐅᓯᕆᔭᕗᑦ);

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᕉᒪᒥᐅᓄᑦ 15:29

ᖃᐅᔨᒪᒐᒪ ᐃᓕᑦᓯᓐᓄᐊᕈᒪ ᙭ᔅᑑᓯᐅᑉ ᓮᒻᒪᕐᑎᑦᓯᓂᖓ ᓈᒻᒪᑦᓯᐊᕐᓗᒍ ᓮᒻᒪᕐᑎᑕᐅᑦᔪᑎᒋᒐᔭᕋᒃᑯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:13

ᑕᒪᑐᒨᓇ ᐃᑲᔪᕐᓂᑦᓯᓐᓂᒃ ᓇᓗᓁᕐᓯᒐᑦᓯ, ᐅᓄᕐᑐᓪᓗ ᒎᑎᒥᒃ ᓂᕐᑐᐃᓂᐊᕐᐳᑦ ᓈᓚᑦᓯᐊᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐋᓐᓂᕈᓱᒐᓯᓗ ᑐᓂᓯᓂᑦᓯᒍᑦ ᐊᓯᓯ ᐱᓇᓱᐊᖃᑎᒋᒐᑦᓯᐅᒃ.

ᒐᓔᑎᐊᒥᐅᓄᑦ 1:7

ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᖃᓐᖏᒃᑲᓗᐊᕐᑎᓪᓗᒋᑦ, ᐃᓄᖃᑎᑦᓯᓕ ᐃᓚᖏᓐᓄᑦ ᐃᓱᒪᔮᕐᑎᑕᐅᕗᓯ ᙭ᔅᑑᓯᒥ ᑐᓴᕈᒥᓇᕐᑐᑦ ᓇᕐᕈᓇᕐᓯᑎᓐᓇᓱᐊᕐᓗᒋᑦ.

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᐃᐱᓯᒥᐅᓄᑦ 1:15

ᑕᒪᓐᓇ ᐱᑦᔪᑎᒋᓪᓗᒍ, ᑐᓴᕐᓯᒪᓂᓐᓂᑦ ᐅᒃᐱᕐᓂᑦᓯᓐᓂᒃ ᐊᑕᓂᑦᑎᓐᓄᑦ ᔩᓱᓯᒧᑦ ᒎᑎᐅᓪᓗ ᐃᓄᖁᑎᖏᓐᓂᒃ ᓇᒡᓕᒍᓱᖕᓂᑦᓯᓐᓂᒃ,

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐱᓕᐱᒥᐅᓄᑦ 1:5

ᐃᑲᔪᒻᒪᕆᒃᓯᒪᒐᑦᓯᓐᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᖓ ᑍᒪᓐᖓᑦ ᐱᒋᐊᓕᕋᑖᕐᓂᓐᓂᑦ ᒫᓐᓇᒧᑦ ᑎᑭᓪᓗᒍ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᐱᓕᐱᒥᐅᓄᑦ 2:24

ᖁᓚᓐᖏᓚᖓᓕ ᐊᑕᓂᕐᒥ ᐅᕙᖓᑦᑕᐅᖅ ᐃᓕᑦᓯᓐᓄᐊᕈᓐᓇᕐᓂᐊᕋᒪ ᒫᓐᓇᐸᓗᒃᑯᑦ.

ᐱᓕᐱᒥᐅᓄᑦ 3:18

ᑕᒪᑐᒥᖓ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᒫᓐᓇᓕ ᐅᖃᐅᓯᕆᒃᑲᓐᓂᕐᐸᕋ ᖁᕝᕕᐅᕐᓗᖓ, ᐅᓄᕐᒪᑕ ᐃᓅᓯᕐᒥᒍᑦ ᐊᑭᕋᕐᑐᕐᑐᑦ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᖓᓂᒃ.

ᐱᓕᐱᒥᐅᓄᑦ 3:20

ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᐱᓕᐱᒥᐅᓄᑦ 4:1

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 1:4

ᑐᓴᕐᑎᑕᐅᓯᒪᓕᕋᑦᑕ ᐅᒃᐱᕐᓂᑦᓯᓐᓂᒃ ᙭ᔅᑑᓯ ᔩᓱᓯᒥ, ᓇᒡᓕᒍᓱᖕᓂᑦᓯᓐᓂᒡᓗ ᐃᑦᔪᕐᓁᑎᑕᐅᓯᒪᔪᓕᒫᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:6

ᒫᓐᓇᓕ ᑎᒧᑎ ᐅᑎᕐᓯᒪᓕᕐᒪᑦ ᐃᓕᑦᓯᓐᓂᖔᕐᓗᓂ, ᑐᓴᕈᒥᓇᕐᑐᒥᒡᓗ ᐅᓂᒃᑲᐅᑎᖕᒪᑎᒍᑦ ᐅᒃᐱᕐᓂᖃᕐᓂᑦᓯᓐᓂᒃ ᓇᒡᓕᖕᓂᖃᕐᓂᑦᓯᓐᓂᒡᓗ ᐅᖃᐅᑎᓚᐅᕐᒪᑎᒍᑦ ᐅᕙᑦᑎᓐᓂᒎᖅ ᓱᓕ ᐃᓱᒪᕾᓐᓇᕐᐸᒃᑲᑦᓯ ᕿᓚᓈᕐᓗᓯᓗ ᑕᑯᔪᒪᓪᓗᓯ, ᑍᒫᒃᑕᐅᖅ ᐅᕙᒍᑦ ᕿᓚᓈᕐᒥᒐᑦᑕ ᐃᓕᑦᓯᓐᓂᒃ ᑕᑯᔪᒪᓪᓗᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᒧᑎᒧᑦ ᓯᕗᓪᓖᑦ 1:11

ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.

ᑎᒧᑎᒧᑦ ᓯᕗᓪᓖᑦ 1:19

ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᑎᒧᑎᒧᑦ ᐂᑉᐸᖏᑦ 4:7

ᐅᓇᑕᓚᐅᕐᐳᖓ ᐱᐅᔪᒥᒃ ᐅᓇᑕᐅᑎᖃᕐᓗᖓ, ᐱᔭᕇᕐᐸᕋ ᐅᓪᓚᐅᑎᔭᕆᐊᖃᓚᐅᕐᓂᕋ, ᐅᒃᐱᕐᓂᖅ ᐱᓯᒤᓐᓇᕐᓗᒍ.

ᑍᑑᓯᒧᑦ 2:10

ᑎᒡᓕᒐᕐᕕᖃᖏᓪᓗᑎᒡᓗ, ᓴᖅᑭᑎᑦᓯᖔᕐᑐᒃᓴᐅᕗᓪᓕ ᐱᓂᐊᑦᓯᐊᕐᓂᕐᒥᒃ ᑲᔪᓯᑦᓯᐊᕐᓂᕐᒥᒡᓗ, ᒎᑎᐅᑉ ᐱᐅᓕᔨᑦᑕ ᐊᔪᕆᕐᑑᑖᓂᒃ ᓂᕐᑐᕐᓇᕐᑎᑦᓯᖁᓪᓗᒋᑦ ᖃᓄᓕᒫᖅ ᐱᓂᐊᕐᓂᕐᒥᒃᑎᒍᑦ.

ᐰᓕᒨᓂᒧᑦ 1:5

ᑐᓴᕐᑎᑕᐅᓯᒪᒐᒪ ᐃᑦᔪᕐᓁᑎᑕᐅᓯᒪᔪᓕᒫᓄᑦ ᓇᒡᓕᒍᓱᖕᓂᕐᓂᒃ ᐅᒃᐱᕐᓂᓂᒃᓗ ᐊᑕᓂᕐᒧᑦ ᔩᓱᓯᒧᑦ.

ᔧᒥᓯᐅᑉ ᐊᒡᓚᖏᑦ 3:18

ᐃᓅᖃᑎᒌᑦᓯᐊᕈᑎᒃᓴᒥᒡᓗ ᑲᓐᖓᕐᓱᐃᕗᑦ ᓮᓕᓇᕐᑐᒥᒃ ᑖᒃᑯᐊ ᓮᓕᑎᑦᓯᔪᑦ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.