ᐱᓕᐱᒥᐅᓄᑦ 1:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓚᖏᓪᓕ ᙭ᔅᑑᓯᒥᒃ ᐊᔪᕆᕐᑐᐃᑦᔪᑎᖃᕐᐳᑦ ᓵᓐᖓᔭᑐᐊᖑᔪᒪᓂᕐᒧᑦ ᐊᑭᕋᕐᑐᕈᒪᓂᕐᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᕐᑎᑕᐅᑦᓯᐊᕐᓗᑎᒃ.

ᐱᓕᐱᒥᐅᓄᑦ 1:15 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:20

ᐃᓚᖏᑦ ᐃᓄᐃᑦ, ᓮᐳᕋᓯᒥᐅᑦ ᓮᕆᓂᒥᐅᓪᓗ, ᐊᓐᑎᐅᑭᐊᒧᐊᕐᑐᑦ ᐅᖃᓪᓚᓕᕐᐳᑦ ᒍᕇᑭᓄᑦ ᐊᔪᕆᕐᑐᐃᑦᔪᑎᖃᕐᓗᑎᒃ ᐊᑕᓂᕐᒥᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:42

ᖃᐅᑕᒫᑦ ᐊᔪᕆᕐᑐᐃᖏᓐᓇᖃᑦᑕᕐᐳᑦ ᑐᒃᓯᐊᕐᕕᒡᔪᐊᒥ ᐃᓄᐃᓪᓗ ᐊᖏᕐᕋᖏᓐᓂ ᐅᖃᐅᓯᖃᕐᓗᑎᒃ ᐊᔪᕆᕐᑐᐃᓪᓗᑎᒡ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯ ᙭ᔅᑑᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:35

ᑕᕝᕙ ᐱᓕᑉᐴᓯᐅᑉ ᐅᖃᓪᓚᒡᕕᒋᓕᕐᐹ; ᑖᒃᑯᐊ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐱᒋᐊᕈᑎᒋᓪᓗᒋᑦ, ᐊᔪᕆᕐᑐᓕᕐᐹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:5

ᐱᓕᑉᐴᓯ ᓴᒥᐊᕆᐊᒥᐅᑦ ᐃᒡᓗᒐᓴᖏᓐᓄᐊᕋᒥ ᐊᔪᕆᕐᑐᐃᕗᖅ ᑖᒃᑯᓄᖓ ᙭ᔅᑑᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:20

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:3

ᐱᖁᑎᒃᑲᓗ ᑕᒪᕐᒥᒃ ᐊᔪᕐᓴᕐᑐᓄᑦ ᑐᓂᒐᔭᕈᒃᑭᑦ ᑎᒥᒐᓗ ᐃᑯᒪᒧᑦ ᓄᖑᑕᐅᑎᒐᓗᐊᕈᒃᑯ, ᓇᒡᓕᖕᓂᖃᕐᓇᖓᓗ, ᐅᕙᓐᓄᑦ ᓱᕙᓪᓕᕈᑕᐅᒐᔭᓐᖏᓚᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:13

ᑍᒤᓕᐅᕐᑐᑦ ᐋᐴᓯᑕᓕᐅᓐᖑᐊᕐᒪᑕ, ᓱᓕᖏᑦᑐᒥᒃ ᐱᓇᓱᐊᕐᓗᑎᒃ, ᙭ᔅᑑᓯᐅᑉ ᐋᐴᓯᑕᓕᖏᑎᑐᑦ ᐃᒻᒥᖕᓂᒃ ᑕᐅᑦᑐᖃᕋᓱᐊᕐᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.