4 ᑍᒪᓐᖓᑦ ᑐᒃᓯᐊᓕᕌᖓᒪ ᐃᖅᑲᐅᒪᖃᑦᑕᕐᐸᒋᑦ ᒎᑎᒧᓪᓗ ᖁᔭᓕᑦᔪᑎᒋᖃᑦᑕᕐᐸᒋᑦ.
ᓯᕗᓪᓕᕐᒥᒃ ᒎᑎᒐ ᖁᔭᒋᕙᕋ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᑕᒪᑦᓯ ᐱᑦᔪᑎᒋᓪᓗᓯ, ᐅᒃᐱᕐᓂᓯ ᓇᓂᓕᒫᖅ ᐅᖃᐅᓯᐅᓕᕐᒪᑦ ᓯᓚᕐᔪᐊᕐᒥ.
ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ,
ᑍᒪᓐᖓᑦ ᐃᖅᑲᐅᒪᓕᕌᖓᑦᓯ ᒎᑎᒐ ᖁᔭᒋᖃᑦᑕᕐᐸᕋ,
ᑍᒪᓐᖓᑦ ᒎᑎᒧᑦ ᖁᔭᓕᖃᑦᑕᕐᐳᒍᑦ, ᔩᓱᓯ ᙭ᔅᑑᓯᐅᑉ ᐊᑖᑕᖓᓄᑦ, ᐃᓕᑦᓯᓐᓂᒃ ᑐᒃᓯᐅᑦᔨᓕᕌᖓᑦᑕ.
ᑍᒪᓐᖓᑦ ᒎᑎ ᖁᔭᒋᕙᒃᐸᕗᑦ ᑕᒪᑦᓯ ᐱᑦᔪᑎᒋᓪᓗᓯ, ᑐᒃᓯᐊᓕᕌᖓᑦᑕᓗ ᑍᒪᓐᖓᑦ ᑐᒃᓯᐅᑎᖃᑦᑕᕐᐸᑦᓯ.
ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.
ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.
ᑐᓴᕐᑎᑕᐅᓯᒪᒐᒪ ᐃᑦᔪᕐᓁᑎᑕᐅᓯᒪᔪᓕᒫᓄᑦ ᓇᒡᓕᒍᓱᖕᓂᕐᓂᒃ ᐅᒃᐱᕐᓂᓂᒃᓗ ᐊᑕᓂᕐᒧᑦ ᔩᓱᓯᒧᑦ.
