ᐰᓕᒨᓂᒧᑦ 1:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒫᒃᑕᐅᖅ, ᓯᓂᒃᑕᕐᕕᒃᓴᓐᓂᒃ ᐋᖅᑭᓯᓯᒪᖁᕙᒋᑦ, ᓂᕆᐅᒃᑲᒪ ᑐᒃᓯᐊᕐᓂᓯ ᑭᐅᔭᐅᓂᐊᕐᒪᑕ ᐃᓕᖕᓄᑦ ᐅᑎᕈᓐᓇᖁᓪᓗᖓ.

ᐰᓕᒨᓂᒧᑦ 1:22 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 27:24

ᐅᖃᕐᓗᓂᓗ, ‘ᐸᐅᓗᓰ ᓯᕘᕋᓇᒃ; ᐊᖓᔪᖅᑳᕐᔪᐊᒻᒪᕆᐅᑉ ᓰᓴᕆᐅᑉ ᓵᖓᓂ ᐃᖅᑲᕐᑐᕐᑕᐅᔭᕆᐊᖃᕋᕕᑦ; ᒎᑎᐅᓪᓗ ᐱᑦᓯᐊᕐᓂᕐᒥᓄᑦ ᐅᒥᐊᕐᑐᖃᑎᕕᑦ ᐃᓅᓯᖏᑦ ᓴᐳᑎᓯᒪᓂᐊᕐᐰᑦ ᐱᓪᓗᑎᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᕉᒪᒥᐅᓄᑦ 15:24

ᓯᐰᓂᒧᐊᓕᕈᒪ ᐃᓕᑦᓯᓐᓄᑦ ᐊᖅᑯᓵᓛᕈᒪᕗᖓ, ᐳᓛᕈᒪᓪᓗᓯ ᐃᑲᔪᕐᑕᐅᔪᒪᓪᓗᖓᓗ ᐃᓕᑦᓯᓐᓄᑦ, ᑲᑎᒪᑬᓐᓇᕐᓂᑦᑎᓐᓄᑦ ᖁᕕᐊᓱᖃᑎᒋᔪᒪᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:11

ᑐᒃᓯᐅᑦᔨᖃᑦᑕᕐᓂᑦᓯᒍᑦ ᐅᕙᑦᑎᓐᓂᒃ ᐃᑲᔪᕐᓯᓚᐅᕐᐳᓯ, ᐅᓄᕐᑐᓪᓗ ᑐᒃᓯᐅᑦᔨᓂᖏᑕ ᑭᐅᔭᐅᓂᖏᓐᓄᑦ, ᒎᑎᐅᑉ ᓮᒻᒪᕐᑎᓐᓂᐊᕐᐹᑎᒍᑦ ᐅᓄᕐᑐᓪᓗ ᒎᑎᒧᑦ ᖁᔭᓕᓕᕐᓂᐊᕐᐳᑦ ᐱᑦᔪᑎᒋᓗᑕ.

ᐱᓕᐱᒥᐅᓄᑦ 1:19

ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ.

ᐱᓕᐱᒥᐅᓄᑦ 2:24

ᖁᓚᓐᖏᓚᖓᓕ ᐊᑕᓂᕐᒥ ᐅᕙᖓᑦᑕᐅᖅ ᐃᓕᑦᓯᓐᓄᐊᕈᓐᓇᕐᓂᐊᕋᒪ ᒫᓐᓇᐸᓗᒃᑯᑦ.

ᐄᑉᕈᐃᓄᑦ 13:19

ᕿᓄᕕᒋᕙᑦᓯ ᐊᒃᓱᕈᕐᓗᖓ ᒎᑎᒧᑦ ᑐᒃᓯᐊᖁᓪᓗᓯ ᐱᑦᔪᑎᒋᓗᖓ ᐃᓕᑦᓯᓐᓄᑦ ᐅᑎᕐᑎᑕᐅᔪᓐᓇᖁᓪᓗᖓ ᐊᑯᓂᐅᓗᐊᕐᑎᓐᓇᒍ.

ᐄᑉᕈᐃᓄᑦ 13:23

ᖃᐅᔨᒪᖁᕙᑦᓯ ᐅᒃᐱᖃᑎᕗᑦ ᑎᒧᑎ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᓯᒪᓕᕐᒪᑦ, ᐊᑯᓂᐅᖏᑦᑐᖅ ᑎᑭᑐᐊᕐᐸᑦ ᐱᖃᑎᒋᓗᒍ ᐃᓕᑦᓯᓐᓄᑦ ᑎᑭᓐᓇᓱᐊᓛᕐᐳᖓ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᔪᐊᓇᓯᐅᑉ ᐂᑉᐸᖏᑦ 1:12

ᓱᓕ ᐊᒥᓱᓂᒃ ᑎᑎᕋᕐᕕᒋᔪᓐᓇᕋᓗᐊᕐᐸᒋᑦ, ᑭᓯᐊᓂᓕ ᐅᖃᕐᕕᒋᔪᒪᓐᖏᓚᒋᑦ ᑎᑎᕋᕐᕕᒃᓴᑐᐃᓐᓇᒃᑯᑦ ᒥᓱᒃᑕᐅᑎᒧᓪᓗ; ᓇᖕᒥᓂᕐᓕ ᐳᓛᕆᐊᓛᕈᒪᕙᒋᑦ ᐅᖃᖃᑎᒋᓗᑎᓪᓗ ᑕᑯᓐᓇᖃᑦᑕᐅᑎᓗᓄᒃ, ᖁᕕᐊᓱᖕᓂᕗᑦ ᓈᒻᒪᒃᓯᑦᓯᐊᖁᓪᓗᒍ.

ᔪᐊᓇᓯᐅᑉ ᐱᖓᔪᖏᑦ 1:14

ᒫᓐᓇᕈᓗᒃᑯᑦ ᑕᑯᔪᒪᒐᒃᑭᑦ, ᑲᑎᒪᓕᕈᓐᓄᒃ ᐅᖃᖃᑎᒌᑦᓯᐊᓛᕐᐳᒍᒃ ᑕᑯᓐᓇᖃᑦᑕᐅᑎᓗᓄᒃ.