ᐰᓕᒨᓂᒧᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒫᓐᓇ ᐱᔨᑐᑦ ᑍᒤᑦᓱᓐᓁᕐᐳᖅ ᐱᔨᒥᓪᓕ ᐱᓪᓚᕆᐅᓂᕐᓴᐅᓕᕐᐳᖅ, ᓇᒡᓕᖕᓇᕐᑑᓪᓗᓂᓕ ᐅᒃᐱᕐᑑᖃᑎᐅᓕᕐᐳᖅ, ᐅᕝᕙᓐᓄᑦ ᐃᓕᖕᓄᓪᓕ ᐊᑐᕐᓇᕐᓂᕐᓴᐅᓕᕐᐳᖅ, ᑎᒥᒃᑯᑦ ᐊᑕᓂᕐᒥᓗ.

ᐰᓕᒨᓂᒧᑦ 1:16 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 23:8

ᕌᑉᐰᒥᒃ ᑍᔭᐅᔭᕆᐊᖃᓐᖏᓚᓯ, ᐃᓘᓐᓇᓯ ᖃᑕᓐᖑᑎᒌᑐᐃᓐᓇᕋᑦᓯ, ᐊᑕᐅᓯᑐᐊᒥᒡᓕ ᕌᑉᐰᖃᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 9:17

ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:22

ᐃᓄᖕᒧᑦ ᓂᐅᕕᐊᖑᓯᒪᑎᓪᓗᒍ ᐊᑕᓂᕐᒧᑦ ᕾᖁᔭᐅᔪᖅ ᐊᑕᓂᐅᑉ ᐱᒋᔭᐅᔪᓐᓃᕐᑎᒻᒪᒍ. ᑍᒫᒃᑕᐅᖅ ᐃᓄᖕᒧᑦ ᓂᐅᕕᐊᖑᓯᒪᑎᓐᓇᒍ ᕾᖁᔭᐅᔪᖅ ᙭ᔅᑑᓯᐅᑉ ᓇᖕᒥᓂᕐᑖᕆᕚ.

ᑯᓘᓯᐊᒥᐅᓄᑦ 3:22

ᓂᐅᕕᕐᑕᐅᓪᓗᓯ ᐱᔨᑖᕆᔭᐅᓯᒪᔪᓯ, ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ ᓱᓇᓕᒫᓄᑦ, ᑕᑯᓐᓇᕐᑎᓪᓗᒋᑦ ᑭᓯᐊᓂᐅᖏᑦᑐᖅ, ᐱᐅᒋᔭᐅᔪᒪᓂᑐᐃᓐᓇᕐᒨᖏᑦᑐᕐᓗ, ᓱᓕᑦᓯᐊᕐᑐᒥᒡᓕ ᐆᒻᒪᑎᑦᓯᓐᓂᑦ ᐱᔪᒧᑦ, ᐊᑕᓂᖅ ᓯᕘᕋᒋᓗᒍ.

ᑎᒧᑎᒧᑦ ᓯᕗᓪᓖᑦ 6:2

ᐱᔨᑲᑖᕆᔭᐅᔪᖅ ᐅᒃᐱᕐᑐᓂᒃ ᐊᖓᔪᖅᑳᓖᑦ ᐊᖓᔪᖅᑳᒥᖕᓂᒃ ᓇᕐᕈᔪᒃᓴᐅᓐᖏᓚᑦ ᐅᒃᐱᕐᑑᖃᑎᒋᖕᒪᒋᑦ; ᐱᔨᑦᓯᑦᓯᐊᖔᕐᓗᒋᓪᓕ ᐱᓇᓱᐊᕐᑐᒃᓴᐅᕗᑦ ᐱᓇᓱᐊᕐᓂᖏᑎᒍᑦ ᐃᑲᔪᕐᑕᐅᔪᑦ ᐅᒃᐱᕐᒪᑕ ᓇᒡᓕᒋᔭᐅᓪᓗᑎᒡᓗ. ᑕᒪᒃᑯᐊ ᐊᔪᕆᕐᑐᐃᑦᔪᑎᒋᔭᒃᓴᕆᕙᑎᑦ ᐃᓕᓮᑦᔪᑎᒋᓗᒋᓪᓗ.

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.