2 “ᐃᓴᕆᐊᓕᐅᑉ ᕿᑐᕐᖓᖏᑦ ᓇᓪᓕᐅᓐᓂᕐᓯᐅᖃᑦᑕᕆᐊᖃᕐᐳᑦ ᓇᓪᓕᐅᑎᔭᕌᖓᑦ.
ᐊᖓᔪᖅᑳᕐᔪᐊᖅ ᔫᓮᐊ ᐃᓄᓕᒫᓂᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖁᔨᕗᖅ, “ᐊᑕᓂᖅ ᒎᑎᒋᔭᓯ ᐱᓪᓗᒍ ᖄᖏᕐᑕᐅᕕᒃ ᓇᓪᓕᐅᓐᓂᕐᓯᐅᕐᓯᐅᒃ, ᐊᒡᓚᖕᓂ ᐅᑯᓇᓂ ᐊᖏᖃᑎᒌᒍᑎᓂ ᑎᑎᕋᕐᓯᒪᓂᖓ ᒪᓕᒡᓗᒍ.”
ᐊᖓᔪᖅᑳᕐᔪᐊᑉ ᔫᓮᐊᐅᑉ ᖄᖏᕐᑕᐅᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓ ᐊᑕᓂᕐᒧᑦ ᑲᔪᓯᑎᑉᐹ ᔨᕉᓴᓕᒥ; ᑐᖁᑦᓯᕗᓪᓗ ᖄᖏᕐᑕᐅᕕᒃᓯᐅᕈᑎᓂᒃ ᓄᕐᕋᐅᔭᕐᓂᒃ ᐅᓪᓘᑉ 14ᖓᓂ ᑕᖅᑭᐅᑉ ᓯᕗᓪᓕᕐᐹᖓᓂ.
ᐃᓄᐃᑦ ᐅᑎᓚᐅᕐᑐᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᓇᓪᓕᐅᓂᕐᓯᐅᖃᑦᑕᓚᐅᕐᐳᑦ ᖄᖏᕐᑕᐅᕕᖕᒥᒃ ᐅᓪᓗᐃᑦ 14ᖓᓂ ᑕᖅᑭᐅᑉ ᓯᕗᓪᓕᕐᐹᖓᓂ.
ᖄᖏᕐᑕᐅᕕᒃ, ᐱᒋᐊᓲᖑᕗᖅ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ ᐅᓪᓗᐃᑦ 14ᖓᓂ ᑕᖅᑮᓪᓗ ᓯᕗᓪᓕᕐᐹᖓᓂ.
“ᐅᓪᓗᐃᑦ 14ᖓᓂ ᑕᖅᑮᑦ ᓯᕗᓪᓕᕐᐹᖓᓂ ᐊᑕᓂᐅᑉ ᐊᐅᓪᓚᕐᕕᒃᓯᐅᕐᕕᖓ ᓇᓪᓕᐅᑎᕗᖅ.
ᐅᓪᓗᐃᑦ 14ᖓᓂ ᑕᖅᑭᒥ ᑕᕝᕙᓂ, ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ, ᓇᓪᓕᐅᓐᓂᕐᓯᐅᓂᐊᕐᐳᓯ, ᐱᐅᓯᓕᒫᖏᑦ ᑐᒃᓯᐊᕐᓂᖏᓪᓗ ᒪᓕᒋᐊᖃᕐᐸᓯ.”
ᓇᓪᓕᐅᓐᓂᕐᓯᐅᕐᕕᐅᑉ ᓂᐊᖂᔭᓂᒃ ᐳᕙᓪᓚᖅᑯᑎᖃᖏᑦᑐᓂᒃ ᓂᕆᕕᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᓰᐱᐅᑉ ᓄᕐᕋᖓᑕ ᑐᖁᑕᐅᕕᐊᓂ ᖄᖏᕐᑕᐅᕕᒃ ᐱᑦᔪᑎᒋᓪᓗᒍ, ᐃᓕᓐᓂᐊᕐᑎᖏᑕ ᐊᐱᕆᕚᑦ, “ᓇᓂ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᒥᒃ ᐋᖅᑭᒃᓱᐃᔭᕐᑐᖁᕕᑎᒎᑦ ᓂᕆᓂᐊᕐᑕᕐᓂᒃ?”
ᐅᓪᓗᖅ ᓇᓪᓕᐅᑎᖕᒪᑦ ᐳᕙᓪᓚᖅᑯᑎᖃᖏᑦᑐᓂᒃ ᓂᐊᖂᔭᕐᑐᕐᕕᒃ, ᓰᐱᐅᓗ ᓄᕐᕋᖓᓂᒃ ᑐᖁᑦᓯᓗᓂ ᑐᓂᕐᕈᓯᕐᕕᐅᓲᖅ.
ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.
