ᒨᓯᓯ ᓯᑕᒪᖏᑦ 9:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓪᓗᒥ ᑐᐱᕐᔪᐊᑉ ᓇᑉᐸᕐᑕᐅᕕᖓᓂ, ᓄᕗᔭᐅᑉ ᑐᐱᕐᔪᐊᖅ ᐅᓕᓚᐅᕐᐹ, ᑐᐱᖅ ᐊᖏᕈᑎᑕᓕᒃ; ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑐᐱᕐᔪᐊᑉ ᖁᓛᓃᓚᐅᕐᐳᖅ ᑕᐅᑦᑐᖃᕐᓗᓂ ᐃᑯᒪᑎᑐᑦ.

ᒨᓯᓯ ᓯᑕᒪᖏᑦ 9:15 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:12

ᓄᕗᔭᒧᓪᓗ ᖁᒻᒧᖓᔪᒧᑦ ᑕᓯᐅᓚᐅᕐᐸᑎᑦ ᐅᓪᓘᑎᓪᓗᒍ, ᐅᓐᓄᒃᑯᓪᓗ ᖃᐅᒪᑎᓚᐅᕐᐸᑎᑦ ᐃᑯᒪᒧᑦ ᖁᒻᒧᖓᔪᒧᑦ ᐊᖅᑯᑎᖏᓐᓂ ᖃᐅᒻᒥᔮᖁᓪᓗᒋᑦ ᐃᖏᕐᕋᕕᒋᔭᒥᒃᑎᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 9:19

ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.

ᐃᓐᖏᕈᑎᑦ 105:39

ᑖᑦᓱᒪ ᓄᕗᔭ ᐃᓯᕕᓚᐅᕐᐹ ᐅᓕᒋᔭᐅᖁᓪᓗᒍ, ᐃᑯᒪᓗ ᖃᐅᒪᑎᑦᓯᖁᓪᓗᒍ ᐅᓐᓄᒃᑯᑦ.

ᐃᓐᖏᕈᑎᑦ 78:14

ᐅᓪᓘᑎᓪᓗᒍ ᑕᓯᐅᓚᐅᕐᐰᑦ ᓄᕗᔭᒃᑯᑦ, ᐅᓐᓄᐊᕐᓗ ᓈᓪᓗᒍ ᐃᑯᒪᒧᑦ ᐃᑯᐊᓚᔪᒧᑦ.

ᒨᓯᓯ ᐂᑉᐸᖏᑦ 13:21

ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ.

ᒨᓯᓯ ᐂᑉᐸᖏᑦ 13:22

ᓄᕗᔮᓗᒡᓗ ᑕᑭᑦᑐᑯᑖᒃ ᖁᒻᒧᑦ ᐃᓄᐃᑦ ᓯᕗᓂᖏᓐᓃᖏᓐᓇᕐᐸᓚᐅᕐᐳᖅ ᐅᓪᓗᒃᑯᑦ, ᐅᓐᓄᒃᑯᓪᓗ ᐃᑯᒫᓘᓕᕐᐸᒃᓗᓂ ᑕᑭᑦᑐᑯᑖᖑᓪᓗᓂ ᖁᒻᒧᑦ.

ᒨᓯᓯ ᐂᑉᐸᖏᑦ 14:24

ᐅᓪᓗᕐᑖᕐᐸᓪᓕᐊᓕᕐᑎᓪᓗᒍᓗ ᐊᑕᓂᐅᑉ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᑕᐅᑐᒃᐰᑦ ᓄᕗᔮᓗᖕᒥᑦ ᐃᑯᐊᓚᔪᒥᑦ ᐅᐃᒻᒪᒃᑎᑉᐰᓪᓗ.

ᒨᓯᓯ ᐂᑉᐸᖏᑦ 40:2

“ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖏᑕ ᓯᕗᓪᓕᕐᐹᖓᓐᓂ ᑐᐱᖅ ᐊᑕᓂᐅᑉ ᓇᔪᒐᒃᓴᖓ ᓇᑉᐸᕐᑕᒃᓴᕆᕙᑦ.

ᒨᓯᓯ ᐂᑉᐸᖏᑦ 40:34

ᑕᕝᕙ ᑐᐱᖅ ᓄᕗᔭᐅᑉ ᐅᓕᒃᐹ ᐊᑕᓂᐅᓪᓗ ᓇᔫᑎᓂᖓᑕ ᖃᐅᒪᓂᖓᓄᑦ ᑐᐱᐅᑉ ᐃᓗᐊ ᓇᔪᕐᑕᐅᓕᕐᐳᖅ.

ᒨᓯᓯ ᐂᑉᐸᖏᑦ 40:35

ᒨᓯᓯᓗ ᑐᐱᐅᑉ ᐃᓗᐊᓄᐊᕆᐊᒃᓴᖅ ᐊᔪᓕᕐᐳᖅ, ᓄᕗᔭᒧᑦ ᓇᔪᕐᑕᐅᓕᕐᒪᑦ, ᐊᑕᓂᐅᓪᓗ ᓂᕐᑐᕐᓇᕐᓂᕐᔪᐊᖓᑕ ᑐᐱᖅ ᓇᔪᓕᕐᒪᒍ.

ᒨᓯᓯ ᐂᑉᐸᖏᑦ 40:38

ᑍᒫᓐᖓᓪᓕ ᐃᖏᕐᕋᓂᓕᒫᖏᓐᓂ ᐊᑕᓂᐅᑉ ᓄᕗᔭᖁᑎᖓ ᐅᓪᓗᒃᑯᑦ ᑐᐱᐅᑉ ᖁᓛᓃᑉᐸᓚᐅᕐᐳᖅ, ᐅᓐᓄᒃᑯᓪᓕ ᐃᑯᒪᐅᓕᖃᑦᑕᕐᓗᓂ, ᐃᓴᕆᐊᓕᒥᐅᓕᒫᓂᑦ ᑕᑯᔭᐅᖃᑦᑕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 4:5

ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ.

ᒨᓯᓯ ᓯᑕᒪᖏᑦ 10:34

ᐊᑕᓂᐅᑉ ᓄᕗᔭᖓ ᐅᓪᓗᒃᑯᑦ ᖁᓛᓃᓚᐅᕐᐳᖅ ᑕᖕᒫᕐᓯᒪᕕᖕᒥᑦ ᐃᖏᕐᕋᑎᓪᓗᒋᑦ.

ᒨᓯᓯ ᓯᑕᒪᖏᑦ 14:14

ᐅᖃᐅᓯᕆᓂᐊᕐᐹᓪᓗ ᓄᓇᐅᑉ ᐅᐸᒐᓱᐊᕐᑕᑦᑕ ᐃᓄᖏᓐᓄᑦ. ᑐᓴᕐᓯᒪᖕᒪᑕ, ᐃᕝᕕᑦ ᐊᑕᓃᖅ, ᐃᓄᐃᑦ ᑖᒃᑯᐊ ᐃᓚᒋᒐᕕᒋᑦ; ᐃᕝᕕᓪᓗ ᐊᑕᓃᖅ ᑕᑯᕙᒃᑲᕕᒋᑦ ᑮᓇᕐᒥᑦ ᑮᓇᕐᒧᑦ ᓄᕗᔭᒧᓪᓗ ᖁᓚᖏᐊᖃᑦᑕᕋᕕᒋᑦ, ᓄᕗᔭᒧᓪᓗ ᓯᕗᓕᖃᑦᑕᕋᕕᒋᑦ ᐅᓪᓗᒃᑯᑦ ᐃᑯᐊᓚᔪᒧᓪᓗ ᐅᓐᓄᐊᒃᑯᑦ.

ᒨᓯᓯ ᓯᑕᒪᖏᑦ 17:7

ᒨᓯᓯᐅᑉ ᐊᔭᐅᑉᐱᐊᑦ ᐃᓕᕔᑦ ᐊᑕᓂᐅᑉ ᓵᖓᓂ ᑐᐱᕐᔪᐊᒥ ᓇᓗᓁᕐᓯᕕᖕᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:1

ᐃᖅᑬᑎᑦᓱᒪᕙᑦᓯᓕ ᐃᓅᖃᑎᒃᑲ, ᓯᕗᓕᕕᓂᕗᑦ ᓄᕗᔭᒥᒃ ᖁᓕᒥᐅᑕᖃᕐᓗᑎᒃ ᓴᐳᑎᔭᐅᓯᒪᓚᐅᕐᒪᑕ ᑕᒪᕐᒥᒡᓗ ᐃᒪᕐᒥᒃ ᐃᑳᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 1:33

ᓯᕗᓂᑦᓯᓐᓂ ᑕᖕᒫᕐᓯᒪᕕᒃᓴᑦᓯᓐᓂ ᐋᖅᑭᒃᓱᐃᔭᕇᕐᓯᒪᖃᑦᑕᕋᓗᐊᕐᑎᓪᓗᒍ, ᓴᖅᑭᑎᑦᓯᔪᒪᓪᓗᓂ ᐃᓕᑦᓯᓐᓂᒃ ᑕᓯᐅᕐᓯᓂᕐᒥᓂᒃ, ᓯᕗᓂᑦᓯᓐᓂ ᐅᓐᓄᒃᑯᑦ ᐃᑯᒪᒥᒃ ᑕᑭᔪᑯᑖᒥᒃ ᓴᖅᑭᔮᕐᑎᑦᓯᖃᑦᑕᕐᐳᖅ ᐅᓪᓗᒃᑯᓪᓕ ᓄᕗᔭᒥᒃ ᑕᑭᔪᑯᑖᒥᒃ ᓯᕗᓂᑦᓯᓐᓃᑎᑦᓯᖃᑦᑕᕐᓗᓂ.”