ᒨᓯᓯ ᓯᑕᒪᖏᑦ 9:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᖑᓪᓕ ᓴᓗᒤᓕᓯᒪᖏᑦᑐᖅ ᐊᐅᓪᓚᕐᓯᒪᓇᓂᓗ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖏᑦᑐᖅ, ᑖᓐᓇ ᐃᓅᖃᑎᒌᒡᔪᐊᓂᑦ ᐃᓅᖃᑎᒥᓂᑦ ᐃᓚᒋᔭᐅᔪᓐᓃᕆᐊᖃᕐᐳᖅ, ᐊᑕᓂᕐᒧᑦ ᑐᓂᕐᕈᓯᕆᐊᕐᑐᓚᐅᖏᒻᒪᑦ ᑐᓂᕐᕈᓯᕆᐊᕐᑐᕐᕕᒃ ᓇᓪᓕᐅᑎᓯᒪᑎᓪᓗᒍ; ᑖᓐᓇ ᐊᖑᑦ ᐊᔪᕐᓂᕐᒥᓂᒃ ᐊᒡᔭᕐᓯᓂᐊᕐᐳᖅ.

ᒨᓯᓯ ᓯᑕᒪᖏᑦ 9:13 Iomraidhean Croise

ᒨᓯᓯ ᓯᕗᓪᓖᑦ 17:14

ᓇᓪᓕᐊᓪᓗ ᐊᖑᑦ ᐅᕕᓂᒃᑯᑦ ᐅᓕᕝᕙᖓ ᑭᐱᔭᐅᓯᒪᖏᑉᐸᑦ ᑖᓐᓇ ᐃᓅᖃᑎᒥᓂᑦ ᐃᓚᒋᔭᐅᑎᑕᐅᔭᕆᐊᖃᓐᖏᓚᖅ; ᐊᖏᖃᑎᒌᒍᑎᓐᓂᒃ ᒪᓕᖏᒻᒪᑦ.”

ᒨᓯᓯ ᐂᑉᐸᖏᑦ 12:15

ᐊᑕᓂᖅ ᐅᖃᕐᐳᖅ, “ᐅᓪᓗᓂᒃ 7ᓂᒃ ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᔪᒃᓴᐅᕗᓯ; ᐅᓪᓗᑦ ᓯᕗᓪᓕᕐᐹᖓᓐᓂ ᐳᕙᓪᓚᕐᓴᐅᑎᑦ ᐃᒡᓗᑦᓯᓐᓃᑦᑐᑦ ᐊᓂᑕᐅᔪᒃᓴᐅᕗᑦ, ᓇᓪᓕᐊᑦ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖅ, ᑖᒃᑯᐊ ᐅᓪᓗᑦ 7 ᓈᓚᐅᕐᑎᓐᓇᒋᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.

ᒨᓯᓯ ᐂᑉᐸᖏᑦ 12:19

ᐅᓪᓗᓂ ᑖᒃᑯᓇᓂ 7ᓂ ᐃᒡᓗᑦᓯᓐᓂ ᐳᕙᓪᓚᕐᓴᐅᒻᒥᒃ ᓇᓂᓯᔪᖃᕐᑐᒃᓴᐅᓐᖏᓚᖅ; ᓇᓪᓕᐊᓐᓂᒃ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖃᕐᐸᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ, ᐃᓅᖃᑎᑐᖃᕆᖏᒃᑲᓗᐊᕈᑦᓯᐅᒃ ᐃᓅᖃᑎᒋᒍᑦᓯᐅᒡᓘᓐᓃᑦ.

ᒨᓯᓯ ᐂᑉᐸᖏᑦ 12:47

ᐃᓴᕆᐊᓕᒥᐅᓕᒫᑦᓯᐊᓪᓗ ᑕᒪᑐᒥᖓ ᒪᓕᒃᑐᒃᓴᐅᕗᑦ.

ᒨᓯᓯ ᐂᑉᐸᖏᑦ 30:33

ᓇᓪᓕᐊᑦ ᑍᒤᑦᑑᑉ ᐊᑦᔨᖓᓂᒃ ᑲᑎᑦᓯᓗᓂ ᓴᓇᓇᓱᒃᑐᖃᕐᐸᑦ ᐅᕝᕙᓗ ᓇᓪᓕᐊᓐᓄᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᖏᑦᑐᓄᑦ ᒥᖑᐊᕐᓯᒍᑕᐅᒃᐸᑦ ᑖᓐᓇ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.’”

ᒨᓯᓯ ᐂᑉᐸᖏᑦ 30:38

ᓇᓪᓕᐊᓐᓂᒃ ᑍᒤᑦᑐᒥᒃ ᓴᓇᔪᖃᕐᐸᑦ ᑎᐱᑦᓯᐊᕆᒃᓴᐅᑎᓕᐊᕆᒐᓱᐊᕐᓗᒍ, ᑖᓐᓇ ᑍᒤᓕᐅᕐᑐᖅ ᐃᓄᖁᑎᓐᓄᑦ ᐃᓚᒋᔭᐅᔪᓐᓁᕐᑐᒃᓴᐅᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 23:49

ᐊᑭᓂᐊᕐᕕᐅᔪᒫᕐᐳᓯᒃ ᐃᒃᓯᒎᕐᑎᐅᓯᒪᓂᑦᓯᓐᓄᑦ, ᓱᒋᐊᕐᑕᐅᔪᒫᕐᐳᓯᓗ ᐊᔪᕐᑐᓕᓯᒪᒐᑦᓯ ᒎᑎᓐᖑᐊᖃᕐᓂᕐᒧᑦ; ᑕᕝᕙ ᑐᑭᓯᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.”

ᒨᓯᓯ ᐱᖓᔪᖏᑦ 17:10

“ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᑖᒃᑯᓇᓂ ᓄᓇᖃᖃᑕᐅᔪᖅ ᐊᐅᖕᒥᒃ ᓂᕆᒃᐸᑦ ᑮᓇᕋ ᑖᑦᓱᒪᓐᖓᑦ ᐊᓚᕐᓂᐊᕐᐸᕋ ᐊᐅᖕᒥᒃ ᓂᕆᔪᖅ ᐃᓅᖃᑎᖏᓐᓂᑦ ᐃᓚᒋᔭᐅᓂᕋᕈᓐᓁᕐᓂᐊᕐᐸᕋ.

ᒨᓯᓯ ᐱᖓᔪᖏᑦ 17:4

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᐊᖏᑉᐸᒍ ᐊᑕᓂᕐᒧᑦ ᑐᓂᕐᕈᑎᖃᕐᐸᑦ ᑍᒤᓕᐅᕐᑐᖅ ᐸᓯᔭᒃᓴᐅᕗᖅ ᐊᐅᖕᒥᒃ ᑯᕕᓯᓂᖓᓄᑦ, ᐃᓅᖃᑎᒥᓂᑦ ᐊᕕᑕᐅᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 20:20

ᐊᖑᑦ ᐃᓐᓇᖓᖃᑎᖃᕐᐸᑦ ᐊᒃᑲᖕᒥ ᐊᖓᖕᒥᓘᓐᓃᑦ ᓄᓕᐊᖓᓂᒃ, ᐊᒃᑲᓂ ᐊᖓᓂᓘᓐᓃᑦ ᐅᐱᓐᓇᕐᑎᓐᖏᓛ, ᑍᒤᓕᐅᕐᑐᖅ ᐸᓯᔭᒃᓴᐅᕗᖅ; ᕿᑐᕐᖓᕐᑖᖏᓪᓗᑎᒃ ᑐᖁᔪᒫᕐᐴᒃ.

ᒨᓯᓯ ᐱᖓᔪᖏᑦ 22:9

“ᑐᓂᕐᕈᓯᕐᑎᑦᓯᔨᓕᒫᑦ ᓈᓚᑦᓯᐊᕆᐊᖃᕐᐳᑦ ᐊᑐᕐᑕᐅᖁᔭᓐᓂᒃ, ᐸᓯᔭᒃᓴᐅᓕᖁᓇᒋᑦ ᑐᖁᖁᓇᒋᓪᓗ ᓇᕐᕈᓇᕐᓯᑎᑦᓯᓂᕐᒧᑦ ᒪᓕᒐᒃᓴᐅᑎᑕᓐᓂᒃ ᐃᑦᔪᕐᓁᑦᑐᓂᒃ. ᐅᕙᖓ ᐊᑕᓂᐅᒐᒪ, ᑖᒃᑯᐊ ᐃᑦᔪᕐᓁᑦᑐᓐᖑᕐᑎᓯᒪᒐᒃᑭᑦ.

ᒨᓯᓯ ᐱᖓᔪᖏᑦ 24:15

ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: “ᓇᓪᓕᐊᑦ ᒎᑎᒥᓂᒃ ᓇᕐᕈᓇᕐᓂᕅᔪᖅ, ᑖᓐᓇ ᐸᓯᔭᒃᓴᐅᓂᐊᕐᐳᖅ.

ᒨᓯᓯ ᓯᑕᒪᖏᑦ 19:13

ᓇᓪᓕᐊᑦ ᑭᓇᑐᐃᓐᓇᕐᒥᒃ ᑐᖁᔪᒥᒃ ᐊᒃᑐᕐᓯᔪᖅ, ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐊᑕᓂᐅᑉ ᑐᐱᕐᔪᐊᖓᓂᒃ ᓴᓗᒤᓕᑎᑦᓯᕗᖅ. ᑖᓐᓇᓗ ᐃᓴᕆᐊᓕᒥᐅᓂᑦ ᐊᕕᑕᐅᔭᕆᐊᖃᕐᐳᖅ. ᓴᓗᒤᑦᑑᓂᐊᕐᒪᑦ, ᐃᒥᖅ ᓴᓗᒻᒪᕐᓮᑦᔪᑎ ᓯᕐᐸᕐᓴᕐᑕᐅᓚᐅᖏᒻᒪᖅ ᑖᑦᓱᒧᖓ; ᓴᓗᒤᓐᓂᖓ ᓱᓕ ᑖᑦᓱᒪᓃᒻᒪᑦ.

ᒨᓯᓯ ᓯᑕᒪᖏᑦ 19:20

“ᐃᓄᒡᓕ ᓴᓗᒤᑦᑐᖅ ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐃᓅᖃᑎᒌᒡᔪᐊᓂᑦ ᐊᕕᑕᐅᔭᕆᐊᖃᕐᐳᖅ, ᐊᑕᓂᐅᑉ ᐃᑦᔪᕐᓁᑦᑐᕕᖁᑎᖓᓂᒃ ᓴᓗᒤᓕᑎᑦᓯᖕᒪᑦ. ᐃᒥᖅ ᓴᓗᒻᒪᕐᓴᐅᑎᓕᐊᕆᓯᒪᔪᖅ ᓯᕐᐸᕐᓴᕈᑕᐅᓯᒪᖏᒻᒪᑦ ᑖᑦᓱᒧᖓ; ᑍᒫᒃ ᓴᓗᒤᑦᑑᕗᖅ.

ᒨᓯᓯ ᓯᑕᒪᖏᑦ 5:31

ᐊᖑᑦ ᐊᔪᕐᓂᕐᒥᑦ ᐸᓯᔭᒃᓴᐅᓂᐊᖏᓚᖅ, ᐊᕐᓇᐅᓪᓕ ᐸᓯᔭᒃᓴᐅᓂᓂ ᐊᑐᕐᓂᐊᕐᐹ.”

ᒨᓯᓯ ᓯᑕᒪᖏᑦ 9:7

ᑖᒃᑯᐊᓗ ᐊᖑᑎᑦ ᐅᖃᕐᓗᑎᒃ, “ᓴᓗᒤᓕᓚᐅᕋᑦᑕ ᐃᓄᕕᓂᕐᒥᒃ ᐊᒃᑐᕐᓯᓂᑦᑎᒍᑦ ᓱᖕᒪᑦ ᐊᑕᓂᕐᒧᑦ ᑐᓂᕐᕈᑕᐅᔭᕆᐊᖃᕐᑐᒥᒃ ᑐᓂᓯᖁᔭᐅᓐᖏᓚᒍᑦ ᑐᓂᕐᕈᓯᕕᒃᓴᖅ ᓇᓪᓕᐅᑎᒃᐸᑦ ᐃᓴᕆᐊᓕᐅᑉ ᕿᑐᕐᖓᖏᑦ ᐃᓚᒋᓗᒋᑦ?”

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐄᑉᕈᐃᓄᑦ 6:6

ᑍᒤᑦᑐᓂᒃ ᖃᐅᔨᓚᐅᕐᓗᑎᒃ ᑲᑕᒃᐸᑕ, ᓵᒋᐊᕐᑎᑕᐅᒃᑲᓐᓂᕆᐊᒃᓴᖅ ᐊᔪᕐᓇᕐᐳᑦ, ᒎᑎᐅᑉ ᐃᕐᓂᖓᓂᒃ ᑭᑭᐊᒃᑐᐃᒃᑲᓐᓂᕐᒪᑕ ᓴᓐᓂᖓᔪᓕᖕᒧᑦ ᐃᓄᖕᓄᓪᓗ ᑲᓐᖑᓇᕐᓯᑎᓪᓗᒍ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.