ᒨᓯᓯ ᓯᑕᒪᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓕᕔᑎᑦ ᑕᕝᕙ ᐸᖕᓃᑦ ᐃᒻᒧᒃᓯᐅᒊᑦ ᐃᓐᓇᐅᖏᑦᑐᑦ ᓂᐊᖁᖏᑎᒍᑦ ᐸᑎᒻᒥᔭᕆᐊᖃᕐᐰᑦ, ᑐᓂᕐᕈᓯᕆᐊᖃᕐᐳᑦ ᑕᕝᕙ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᒥᒃ ᐂᑉᐸᖓᓗ ᐆᑕᒃᓴᐅᓗᓂ ᑐᓂᕐᕈᑎ ᐊᑕᓂᕐᒧᑦ, ᓕᕔᑎᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ.

ᒨᓯᓯ ᓯᑕᒪᖏᑦ 8:12 Iomraidhean Croise

ᒨᓯᓯ ᐂᑉᐸᖏᑦ 29:10

“ᑕᕝᕙ ᐃᒻᒧᒃᓯᐅᒐᐅᑉ ᐸᖕᓂᖓ ᑕᕝᕗᓐᖓᕐᑎᑕᒃᓴᕆᕙᑦ ᑐᐱᐅᑉ ᐃᑎᕐᑕᕐᕕᖓᑕ ᐹᖓᓄᑦ ᐂᕉᓂᓗ ᐃᕐᓂᖏᓪᓗ ᐅᖃᐅᑎᔭᒃᓴᕆᕙᑎᑦ ᐃᒻᒧᒃᓯᐅᒐᐅᑉ ᐸᖕᓂᖓᑕ ᓂᐊᖁᐊᓂᒃ ᐸᑎᒻᒥᓯᖁᓗᒋᑦ.

ᒨᓯᓯ ᐱᖓᔪᖏᑦ 1:4

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ.

ᒨᓯᓯ ᐱᖓᔪᖏᑦ 14:22

ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ.

ᒨᓯᓯ ᐱᖓᔪᖏᑦ 16:11

ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 16:21

ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ.

ᒨᓯᓯ ᐱᖓᔪᖏᑦ 16:6

ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ.

ᒨᓯᓯ ᐱᖓᔪᖏᑦ 4:15

ᓄᓇᓖᑦ ᐊᖓᔪᖅᑳᖏᑦ ᐸᑎᒻᒥᒃᓯᕐᑐᒃᓴᐅᕗᑦ ᐆᒪᔫᑉ ᓂᐊᖁᐊᓂᒃ ᐊᑕᓂᐅᑉ ᓵᖓᓂ, ᑕᕝᕙᓂᓗ ᐊᑕᓂᐅᑉ ᓵᖓᓂ ᑐᖁᑕᐅᓗᓂ.

ᒨᓯᓯ ᐱᖓᔪᖏᑦ 4:20

ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 4:4

ᑖᑦᓱᒪ ᐊᖑᓴᓪᓗᖅ ᕾᑦᔪᑎᔭᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓄᑦ ᐊᑕᓂᐅᑉ ᓵᖓᓂ. ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᐊᑕᓂᐅᑉ ᑕᒃᑯᐊᓂ.

ᒨᓯᓯ ᐱᖓᔪᖏᑦ 5:7

“ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᓯᕆᐊᒃᓴᖅ ᐊᔪᕈᓂ ᒪᕐᕉᖕᓂᒃ ᑑᕖᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᑎᖃᕐᑐᒃᓴᐅᕗᖅ ᐊᔪᕐᓂᓂ ᐱᓪᓗᒋᑦ, ᐂᑉᐸᖓ ᑐᓂᕐᕈᑎᒋᓗᒍ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᐃᑯᐊᓚᒐᒃᓴᐅᑎᓪᓗᒍ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 8:14

ᒨᓯᓯᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᓂᕐᕈᓯᕐᐳᖅ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐂᕉᓂᐅᓪᓗ ᐃᕐᓂᖏᑕᓗ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 8:18

ᒨᓯᓯᓗ ᓰᐱᐅᑉ ᐊᖑᓴᓪᓗᖓᓂᒃ ᑕᒪᐅᓐᖎᕗᖅ, ᐂᕉᓂᐅᓪᓗ ᐃᕐᓂᖏᑕᓗ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:34

ᑕᒪᓐᓇ ᐅᓪᓗᒥ ᐊᑐᕐᑕᐅᕗᖅ ᐊᑕᓂᐅᑉ ᐱᖁᖕᒪᒍ ᐃᓕᑦᓯ ᓴᓗᒻᒪᕐᑎᑕᐅᖁᓪᓗᓯ.

ᒨᓯᓯ ᐱᖓᔪᖏᑦ 9:7

ᒨᓯᓯ ᐂᕉᓂᒧᑦ ᐅᖃᕐᐳᖅ, “ᑐᓂᕐᕈᓯᕐᕕᖕᒧᑦ ᕾᒋᑦ ᑐᓂᕐᕈᓯᕐᓗᑎᓪᓗ ᐊᔪᕐᓂᑎᑦ ᐱᓪᓗᒋᑦ ᑐᓂᕐᕈᑎᒃᓴᒥᒃ ᐃᑯᐊᓪᓚᒐᒃᓴᒥᒡᓗ ᑐᓂᕐᕈᑎᒃᓴᒥᒃ, ᐃᕝᕕᑦ ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐃᓄᐃᓪᓗᑦᑕᐅᖅ ᐱᓪᓗᒋᑦ, ᑐᓂᕐᕈᑎᒋᒍᒃ ᑐᓂᕐᕈᑎᒃᓴᖅ ᐃᓄᐃᑦ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑍᒪᒃ ᐊᑕᓂᖅ ᐱᖁᔨᖕᒪᑦ.”

ᒨᓯᓯ ᓯᑕᒪᖏᑦ 6:14

ᑖᓐᓈ ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᖅ: ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐆᑕᒃᓴᒧᑦ ᑐᓂᕐᕈᑎᒋᓗᒍ, ᓰᐱᐅᓪᓗ ᓄᕐᕋᖓᓂᒃ ᐊᕐᓇᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ, ᓰᐱᒥᒡᓗ ᐊᖑᓴᓪᓗᕐᒥᒃ ᓴᓗᒤᓐᓂᖃᖏᑦᑐᒥᒃ ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ.

ᒨᓯᓯ ᓯᑕᒪᖏᑦ 6:16

“ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊᓕᒫᑦ ᐊᑕᓂᐅᑉ ᓵᖓᓄᑦ ᐱᑎᑕᒃᓴᕆᕔᑦ, ᑐᓂᕐᕈᓯᕐᓗᓂᓗ ᑐᓂᕐᕈᓯᕆᐊᕐᑐᑑᑉ ᐊᔪᕐᓂᖏᑦ ᐱᓪᓗᒋᑦ, ᑐᓂᕐᕈᓯᕐᒥᓗᓂᓗ ᐆᑕᒃᓮᑦ ᐱᑦᔪᑎᒋᓗᒋᑦ.

ᒨᓯᓯ ᓯᑕᒪᖏᑦ 8:13

“ᓕᕔᑎᓪᓗ ᓇᖏᕐᑎᑦᓴᕆᐊᖃᕐᐸᑎᑦ ᐂᕉᓂᐅᑉ ᐃᕐᓂᖏᑕᓗ ᓵᖓᓂ, ᑐᓂᕐᕈᑎᒋᓗᒋᓪᓗ ᐃᓵᒃᑕᕐᓗᓂ ᑐᓂᕐᕈᑕᐅᔪᑎᑐᑦ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 8:8

ᑐᓂᕐᕈᓯᕆᐊᖃᕐᐳᑦ ᐃᒻᒧᒃᓯᐅᒐᕐᒥᒃ ᐊᖑᓴᓪᓗᕐᒥᒃ ᐃᓐᓇᐅᖏᑦᑐᒥᒃ ᐱᔭᕆᐊᖃᕐᐳᑦ ᓂᐊᖂᔭᒃᓴᒥᒡᓗ ᓯᖃᓪᓕᑦᓯᐊᕐᓯᒪᔪᒥᒃ ᐅᕐᓱᒥᒃ ᐃᓚᖃᕐᓗᒍ, ᐱᒃᑲᓐᓂᕆᐊᖃᕆᕗᑎᑦ ᐸᖕᓂᕐᒥᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᑦᔪᑎᒋᓗᒍ ᑐᓂᕐᕈᑎᒃᓴᒥᒃ.

ᐄᑉᕈᐃᓄᑦ 9:22

ᐃᓛᒃ, ᐱᖁᔭᖅ ᒪᓕᒡᓗᒍ ᑕᒪᑦᓯᐊᑲᓵᖏᑦ ᐊᐅᖕᒧᑦ ᓴᓗᒻᒪᕐᑕᐅᕗᑦ, ᐊᐅᒡᓗ ᑯᕕᔭᐅᓐᖏᑉᐸᑦ ᐊᔪᕐᓃᑦ ᐃᓱᒪᒋᔭᐅᔪᓐᓃᕈᓐᓇᓐᖏᓚᑦ.