ᒨᓯᓯ ᓯᑕᒪᖏᑦ 8:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐂᕉᓂᐅᓪᓗ ᓕᕔᑎᑦ ᐊᑕᓂᕐᒧᑦ ᑐᓂᔭᕆᐊᖃᕐᐰᑦ ᐃᓵᒃᑕᕈᑎᔭᐅᓗᑎᒃ ᑐᓂᕐᕈᑕᐅᔪᑎᑐᑦ ᐃᓴᕆᐊᓕᐅᑉ ᑭᑐᕐᖓᖏᓐᓂᑦ ᐱᓗᓂ, ᐊᑕᓂᐅᑉ ᐱᓂᐊᕐᑕᐅᖁᔭᖏᓐᓂᒃ ᐱᓇᓱᐊᕐᑎᐅᖁᓪᓗᒋᑦ.

ᒨᓯᓯ ᓯᑕᒪᖏᑦ 8:11 Iomraidhean Croise

ᒨᓯᓯ ᐂᑉᐸᖏᑦ 29:24

ᑕᒪᒃᑯᐊᓕᒫᓪᓗ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᔭᒃᓴᕆᕙᑎᑦ, ᑖᒃᑯᐊ ᑎᒍᓯᓗᑎᒃ ᑖᒃᑯᓂᖓ ᐃᓴᐅᑎᓗᒋᑦ ᓄᓗᕋᕈᑎᒋᓗᒋᓪᓗ ᑐᓂᓯᖁᓪᓗᒋᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 7:30

ᓇᖕᒥᓂᖅ ᑎᒍᒥᐊᕐᓗᓂ ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕆᐊᕐᑐᕆᐊᖃᕐᐳᖅ ᐊᑕᓂᕐᒧᑦ ᐃᑯᐊᓚᑦᓯᕕᖕᒧᑦ; ᑐᓐᓄᖏᖕᓂᒃ ᑐᓂᕐᕈᑎᒃᓴᖃᕆᐊᖃᕐᐳᖅ, ᓴᑭᐊᖏᒡᓗ ᐱᖃᓯᐅᑎᓗᒋᒃ, ᐆᒪᔫᑉ ᓴᑭᐊᖏᑦ ᐊᐅᓪᓚᕐᑎᑕᒃᓴᐅᓗᑎᒃ ᑐᓂᕐᕈᑕᐅᓂᕐᒧᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 7:34

ᐃᓴᕆᐊᓕᒥᐅᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᖏᓐᓂᑦ, ᐆᒪᔫᑉ ᑐᓂᕐᕈᑎᐅᑉ ᓴᑭᐊᖏᒃ ᐊᐅᓪᓚᕐᑎᑕᒃᓴᐅᔫᑉ ᐊᑕᓂᐅᑉ ᓵᖓᓂ, ᐆᒪᔫᓪᓗ ᒥᒥᖓ ᑕᓕᕐᐱᒃ ᑐᓂᕐᕈᑕᐅᔪᖅ ᑖᒃᑯᐊ ᑐᓂᕙᒃᑲ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ ᐃᕐᓂᖏᓐᓄᓪᓗ ᑍᒤᑦᑐᓂᒃ ᐱᑎᑕᐅᖁᓪᓗᒋᑦ ᐃᓴᕆᐊᓕᒥᐅᓂᑦ.”

ᒨᓯᓯ ᐱᖓᔪᖏᑦ 8:27

ᑖᒃᑯᐊᓗ ᐃᓕᕔᑦ ᐂᕉᓂᐅᓪᓗ ᐃᕐᓂᖏᑕᓗ ᐊᒡᒐᖏᓐᓄᑦ ᐊᐅᓪᓚᕐᑎᑉᐹᓪᓗ ᐊᑕᓂᐅᑉ ᓵᖓᓂ, ᐊᐅᓪᓚᕐᑎᑦᓯᓂᕐᒥᒃ ᑐᓂᕐᕈᑎᒥᒃ ᑍᔭᐅᔪᒥᒃ.

ᒨᓯᓯ ᐱᖓᔪᖏᑦ 8:29

ᑐᓂᕐᕈᑎᒃᓴᐅᓪᓗ ᓴᑭᐊᖏᑦ ᒨᓯᓯᐅᑉ ᐱᔭᒃᓴᖏᑦ, ᒨᓯᓯᐅᑉ ᑎᒍᕔᑦ ᐊᐅᓪᓚᕐᑎᑦᓯᓂᒃᑯᓪᓗ ᑐᓂᕐᕈᑎᒋᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 6:20

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᐃᓵᒃᑕᕐᓂᕐᒧᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᐅᑉ ᓵᖓᓂ, ᐃᓚᖃᕐᓗᑎᒃ ᓰᐱᐅᑉ ᓴᑭᐊᖏᓐᓂᒃ ᐃᓵᒃᑕᕐᓂᕐᒧᑦ ᑐᓂᕐᕈᑕᐅᓗᑎᒃ ᓰᐱᐅᓪᓗ ᐊᖑᓴᓪᓘᑉ ᒥᒥᖓ ᑭᕕᖃᑦᑕᕐᓗᒍ ᑐᓂᕐᕈᑕᐅᓗᓂ, ᑖᒃᑯᐊ ᑕᕝᕙ ᐃᑦᔪᕐᓁᓕᔪᑦ ᑐᓂᕐᕈᓯᕐᑎᑦᓯᔨᐅᑉ ᓂᕿᒃᓴᖏᑦ, ᐱᔭᕇᕐᐸᑦ ᑕᕝᕙ ᓈᓴᕅᑎ ᕔᓂᒥᒃ ᐃᒥᕈᓐᓇᕐᓯᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 10:8

ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.