ᒨᓯᓯ ᓯᑕᒪᖏᑦ 6:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”

ᒨᓯᓯ ᓯᑕᒪᖏᑦ 6:27 Iomraidhean Croise

ᒨᓯᓯ ᓯᕗᓪᓖᑦ 32:26

ᐊᖑᓪᓗ ᐅᖃᕐᐳᖅ, “ᓴᒃᑯᓕᓐᖓ, ᖃᐅᒻᒪᓕᕐᒪᑦ.” ᔧᑰᓪᓗ ᑭᐅᕚ, “ᓴᒃᑯᓐᓂᐊᓐᖏᓚᒋᑦ, ᓮᒻᒪᕐᑎᓐᖏᑐᐊᕈᕕᖓ.”

ᒨᓯᓯ ᓯᕗᓪᓖᑦ 32:29

ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.” ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 4:10

ᔧᐹᔾᓕ ᐃᓴᕆᐊᓕᒥᐅᑦ ᒎᑎᖓᓄᑦ ᑐᒃᓯᐊᓚᐅᕐᐳᖅ ᐅᖃᕐᓗᓂ, “ᓮᒻᒪᕐᑎᓚᐅᓐᖓ ᓄᓇᖁᑎᒪᓗ ᑭᒡᓕᖓ ᐊᖏᒡᓕᒋᐊᕐᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ ᐅᕙᓐᓃᖁᓪᓗᒋᑦ, ᐃᓕᖕᓄᑦ ᓴᐳᑎᔭᐅᓯᒪᖁᓪᓗᖓ ᐊᑦᑕᕐᓇᕐᑐᓂᑦ ᓱᓇᑐᐃᓐᓇᓄᑦ ᐋᓐᓂᕐᑕᐅᖁᓇᖓ!” ᒎᑎᐅᓪᓗ ᑐᓂᓚᐅᕐᐹ ᐱᔪᒪᔭᖓᓂᒃ.

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᐃᓐᖏᕈᑎᑦ 5:12

ᐃᕝᕕᑦ ᐊᑕᓃᖅ, ᐃᓱᐊᕐᑐᑦ ᓮᒪᓂᕐᒥᒃ ᑐᓂᓯᕕᒋᔪᒫᕋᕕᒋᑦ; ᓇᒡᓕᒍᓱᖕᓂᕐᓂᒃ ᐊᕙᓗᓯᒪᔪᒫᕋᕕᒋᑦ ᓴᐴᓗᑕᕐᑎᑐᑦ.

ᐃᓐᖏᕈᑎᑦ 67:7

ᒎᑎᐅᑉ ᓮᒻᒪᕐᑎᓚᐅᕐᐹᑎᒍᑦ, ᓄᓇᕐᔪᐊᓕᒫᓪᓗ ᐃᓱᐊ ᑎᑭᓪᓗᒍ ᓯᕘᕋᒋᔭᒃᓴᕆᕚᑦ.

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᒨᓯᓯ ᓯᑕᒪᖏᑦ 23:20

ᑕᑯᒋᑦ, ᑐᓂᓯᕕᐅᔪᖓ ᐱᖁᔨᓂᕐᒥᒃ ᓮᒻᒪᕐᑎᑦᓯᖁᓪᓗᖓ; ᓮᒻᒪᕐᑎᑦᓯᓯᒪᖕᒪᑦ, ᓮᒻᒪᕐᑎᑦᓯᓂᖓᓗ ᓴᖑᑎᑦᓱᓐᓇᕐᓇᒍ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 28:10

ᑕᕝᕙ ᓄᓇᕐᔪᐊᕐᒥᐅᓕᒫᑦ ᖃᐅᔨᔪᒫᕐᐳᑦ ᕾᖁᔭᐅᓯᒪᒐᑦᓯ ᐊᑕᓂᐅᑉ ᐊᑎᖓᓂ; ᓯᕘᕋᒋᓂᐊᕐᐹᓯᓗ.