ᒨᓯᓯ ᓯᑕᒪᖏᑦ 6:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᕕᐅᔭᕐᒧᓪᓗ ᐴᕐᓯᒪᔪᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ, ᐊᒻᒪᓗ ᓂᐊᖂᔭᒃᓴᖅ ᒥᑭᔪᑎᐅᓂᕐᐹᖅ ᐅᕐᓱᒧᑦ ᐊᑯᓯᒪᓗᓂ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓴᓇᓯᒪᔪᖅ, ᐅᕐᓱᒧᓪᓗ ᒥᖑᐊᕐᓯᒪᓗᓂ, ᐃᓚᖃᕐᓗᓂᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ ᐃᓚᖃᕐᓗᒋᑦ.

ᒨᓯᓯ ᓯᑕᒪᖏᑦ 6:15 Iomraidhean Croise

ᒨᓯᓯ ᐂᑉᐸᖏᑦ 29:2

ᓂᐊᖂᔭᒃᓴᓂᓪᓗ ᐱᐅᓂᕐᐹᓂᑦ ᐱᓯᒪᔪᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᖂᔭᓂᒃ ᓇᒃᓴᕐᑐᒃᓴᐅᕗᑎᑦ, ᓂᐊᖂᔭᓂᒃ ᓇᒃᓴᕐᑐᒃᓴᐅᒋᕗᑎᑦ ᓇᐹᕐᑑᑉ ᐅᕐᓱᖓᓂᒃ ᐃᓚᓯᒪᔪᓂᒃ, ᓯᕙᓂᒡᓗ ᐸᓂᕐᑎᓯᒪᔪᓂᒃ ᐅᕐᓱᒧᑦ ᒥᖑᐊᕐᓯᒪᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 62:9

ᑲᑎᕐᓱᐃᓚᐅᕐᑐᓪᓕ ᓂᕿᒋᔪᒫᕐᐹᑦ, ᐊᑕᓂᕐᓗ ᓂᕐᑐᕐᓗᒍ, ᐸᐅᕐᖓᓂᒡᓗ ᑲᑎᕐᓱᐃᔪᑦ ᐃᒥᕈᒫᕐᐳᑦ ᐃᑦᔪᕐᓁᑦᑐᕕᖁᑎᓐᓂ.”

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:9

ᓂᐊᖂᔭᒃᓴᒥᒃ ᕔᓂᒥᒡᓘᓐᓃᑦ ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᐊᑕᓂᐅᑉ ᐃᒡᓗᖓᓂ; ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᕿᒃᓵᓕᕐᐳᑦ ᑐᓂᕐᕈᑎᒃᓴᕐᑕᖃᕈᓐᓁᕐᒪᑦ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᐱᖓᔪᖏᑦ 2:4

“‘ᑐᓂᕐᕈᓯᕈᕕᓪᓗ ᓂᐊᖂᔭᒃᓴᒥᒃ ᐆᓯᒪᔪᒥᒃ, ᓂᐊᖂᔭᖃᕆᐊᖃᕐᐳᖅ ᓯᖃᓪᓕᓯᒪᑦᓯᐊᕐᑐᒥᒃ: ᓂᐊᖂᔭᓕᐊᕆᓯᒪᔪᖅ ᐳᕙᓪᓚᕐᓴᐅᑎᖃᖏᓪᓗᓂ ᐅᕐᓱᒥᒡᓗ ᐃᓚᓯᒪᓗᓂ; ᐅᕝᕙᓘᓐᓃᑦ ᓯᕙᓕᐊᕆᓯᒪᓗᑎᒃ ᐳᕙᓪᓚᕐᓴᐅᑎᖃᖏᓪᓗᓂ, ᐅᕐᓱᒥᒃ ᒥᖑᐊᕐᓯᒪᓗᑎᒃ.

ᒨᓯᓯ ᐱᖓᔪᖏᑦ 7:12

ᐃᓄᒃ ᑐᓂᕐᕈᑎᖃᕐᐸᑦ ᖁᔭᓕᔪᒪᓂᕐᒧᑦ, ᑐᓂᕐᕈᓯᕆᐊᓪᓚᒍᒪᒃᐸᓪᓗ ᖁᔭᓕᑦᔪᑎᒃᓴᒥᒃ ᑐᓂᓯᔪᒃᓴᐅᕗᖅ ᓂᐊᖂᔭᕐᒥᒃ ᐆᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᕐᓱᒥᒡᓗ ᐃᓚᓯᒪᔪᒥᒃ, ᓯᕙᓕᐊᕆᓯᒪᔪᓪᓗ ᐳᕙᓪᓚᕐᓴᐅᑎᖃᖏᓪᓗᑎᒃ ᐅᕐᓱᒥᒃ ᒥᖑᐊᕐᓯᒪᓗᑎᒃ, ᓂᐊᖂᔭᕐᓗ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᕐᒥᒃ ᐅᐊᕈᑦᓯᕐᓯᒪᔪᒃᓴᐅᕗᖅ ᐅᕐᓱᒥᒃ ᐃᓚᖃᕐᓗᓂ.

ᒨᓯᓯ ᐱᖓᔪᖏᑦ 8:2

“ᐂᕉᓂᓗ ᐃᕐᓂᖏᓪᓗ ᐊᓐᓄᕌᒃᓴᖏᓐᓂᒃ ᑐᓂᓯᕕᒋᒃᑭᑦ, ᐅᕐᓱᒥᒡᓗ ᒥᖑᐊᕐᓯᑦᔪᑎᒥᒃ, ᐃᒻᒧᒃᓯᐅᒐᐅᓪᓗ ᐸᖕᓂᖓᓂᒃ, ᒪᕐᕉᖕᓂᒡᓗ ᓰᐱᐅᑉ ᐊᖑᓴᓪᓗᖏᖕᓂᒃ, ᐃᕕᐅᔭᒥᒡᓗ ᓂᐊᖂᔭᓂᒃ ᐆᓯᒪᔪᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᐃᓗᓕᓕᖕᒥᒃ.

ᒨᓯᓯ ᐱᖓᔪᖏᑦ 9:4

ᐃᒻᒧᒃᓯᐅᒐᕐᒥᒡᓗ ᓰᐱᐅᓪᓗ ᐊᖑᓴᓪᓗᖓᓂᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒋᓗᒋᒃ, ᐃᑯᐊᓪᓚᓗᒋᒡᓗ ᐊᑕᓂᐅᑉ ᓵᖓᓂ, ᐱᖃᓯᐅᑦᔨᓗᓯᓗ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐅᕐᓱᒥᒃ ᐃᓚᖃᕐᓗᒋᑦ. ᐅᓪᓗᒥ ᐊᑕᓂᖅ ᓴᖅᑭᓐᓂᐊᕐᒪᑦ ᐃᓕᑦᓯᓐᓄᑦ.”

ᒨᓯᓯ ᓯᑕᒪᖏᑦ 15:10

ᐃᒥᒐᒃᓴᒥᒃ ᐃᓚᖃᕆᐊᖃᕐᐳᖅ ᕔᓂᒥᒃ ᐆᒃᑑᑦ 1/2ᕼᐃᓐᒥᒃ, ᐃᑯᐊᓚᑎᓪᓗᒍ ᑐᓂᕐᕈᑎᒃᓴᐅᖁᓪᓗᒍ, ᑎᐱᑦᓯᐊᕆᒃᑑᓗᓂ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 6:16

“ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊᓕᒫᑦ ᐊᑕᓂᐅᑉ ᓵᖓᓄᑦ ᐱᑎᑕᒃᓴᕆᕔᑦ, ᑐᓂᕐᕈᓯᕐᓗᓂᓗ ᑐᓂᕐᕈᓯᕆᐊᕐᑐᑑᑉ ᐊᔪᕐᓂᖏᑦ ᐱᓪᓗᒋᑦ, ᑐᓂᕐᕈᓯᕐᒥᓗᓂᓗ ᐆᑕᒃᓮᑦ ᐱᑦᔪᑎᒋᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:26

ᓂᐊᖂᔭᒥᒃ ᓂᕆᓕᕌᖓᑦᓯ ᐃᒥᐅᑎᒥᓪᓗ ᐃᒥᓕᕌᖓᑦᓯ, ᐊᑕᓂᐅᑉ ᑐᖁᖓ ᐅᖃᐅᑎᒋᔭᒃᓴᕆᕙᓯ ᑎᑭᖅᑳᕐᑎᓐᓇᒍ.