ᒨᓯᓯ ᓯᑕᒪᖏᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᒃᑯᐊᓗ ᐅᓪᓗᐃᑦ ᓴᓂᕐᕙᒃᓯᒪᔭᓂ ᑐᓂᔭᕆᐊᖃᕐᐰᑦ ᐊᑕᓂᕐᒧᑦ, ᑐᓂᕐᕈᓯᕆᐊᕐᑐᕐᓗᓂᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ; ᐅᓪᓗᐃᓪᓕ ᓯᕘᓪᓖᑦ ᐊᑐᕈᓐᓃᕐᓂᐊᕐᐳᑦ, ᐃᒻᒥᓂᒃ ᓴᓂᕐᕙᒃᓯᒪᓂᖓᑕ ᐃᑦᔪᕐᓇᕐᓯᑎᑕᐅᓚᐅᕐᓂᖓᓄᑦ.

ᒨᓯᓯ ᓯᑕᒪᖏᑦ 6:12 Iomraidhean Croise

ᒨᓯᓯ ᐂᑉᐸᖏᑦ 12:5

ᓄᕐᕋᐅᔭᖅ ᓂᕆᓂᐊᕐᑕᓯ ᖃᓄᐃᑦᔪᑎᖃᖏᑦᓯᐊᕆᐊᖃᕐᐳᖅ, ᐊᖑᑕᐅᓗᓂ ᐊᕐᕌᒍᖃᕐᓗᓂ ᐊᑕᐅᓯᕐᒥᒃ; ᓇᓪᓕᐊᓐᓂᑐᐃᓐᓇᖅ ᐱᔪᓐᓇᕐᐳᓯ ᓰᐱᒥᒡᓘᓐᓃᑦ ᒎᑦᓯᒥᒡᓘᓐᓃᑦ;

ᐃᓯᑭᐊᓕᐅᑉ ᐊᒡᓚᖏᑦ 18:24

“ᐊᖑᓪᓕ ᓈᒻᒪᓈᕐᑐᒥᒃ ᐃᓅᓯᖃᓚᐅᕐᑐᖅ, ᓈᒻᒪᓈᕐᑐᒥᒃ ᐃᓅᔪᓐᓁᕐᐸᑦ, ᐊᔪᕐᑐᓕᓂᕐᒥᒡᓗ ᐃᓅᓯᖃᓕᕐᓗᓂ, ᐊᔪᕐᑐᓕᔪᑦ ᐊᑐᕐᐸᒃᑕᖏᓐᓂᒃ ᓇᕐᕈᓇᕐᑐᓂᒃ ᐊᑐᖃᑕᐅᓕᕐᐸᑦ, ᐃᓅᔪᒃᓴᐅᕚ? ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᖓ ᐃᖅᑲᐅᒪᔭᐅᓂᐊᓐᖏᓚᖅ; ᓱᖁᓯᔪᐃᑦᑑᓚᐅᖏᓐᓂᕐᒥᓄᑦ ᐸᓯᔭᒃᓴᐅᓕᕋᒥ ᐊᔪᕐᑐᓕᓂᕐᒥᓄᓪᓗ ᐱᓂᐊᕐᓂᕆᔭᒥᓄᑦ, ᑖᓐᓇ ᑐᖁᔪᒫᕐᐳᖅ.

ᒨᓯᓯ ᐱᖓᔪᖏᑦ 14:24

ᑐᓂᕐᕈᓯᕐᑎᑦᓯᔨᐅᑉ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑎᑐᑦ ᓇᑉᐸᐅᑉ ᓇᑉᐸᖓᑐᑦ ᐊᖏᑎᒋᔪᒥᒃ ᐅᖁᒤᓐᓂᓕᒃ, ᑖᑦᓱᒪ ᐊᐅᓪᓚᕐᑎᑦᓴᕆᐊᖃᕐᐹ ᐊᑕᓂᐅᑉ ᓵᖓᓂ ᐊᐅᓪᓚᕐᑎᑕᐅᓂᒃᑯᑦ ᑐᓂᕐᕈᑕᐅᓗᑎᒃ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 5:7

“ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᓯᕆᐊᒃᓴᖅ ᐊᔪᕈᓂ ᒪᕐᕉᖕᓂᒃ ᑑᕖᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᑎᖃᕐᑐᒃᓴᐅᕗᖅ ᐊᔪᕐᓂᓂ ᐱᓪᓗᒋᑦ, ᐂᑉᐸᖓ ᑐᓂᕐᕈᑎᒋᓗᒍ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᐃᑯᐊᓚᒐᒃᓴᐅᑎᓪᓗᒍ ᑐᓂᕐᕈᑎᒋᓗᒍ.

ᒨᓯᓯ ᓯᑕᒪᖏᑦ 6:11

ᑕᕝᕙ ᑐᓂᕐᕈᓯᕐᑎᑦᓯᔨ ᐊᑕᐅᓯᕐᒥᒃ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᑦᔪᑎᒋᓪᓗᒍ, ᐂᑉᐸᖓᓗ ᐆᑕᒃᓴᒧᑦ ᑐᓂᕐᕈᑎᒋᓗᒍ, ᑖᑦᓱᒪ ᐃᓱᒪᒋᔪᓐᓁᕐᕕᐅᓂᖓᓄᑦ ᑐᓂᕐᕈᑎᒋᓗᒋᑦ, ᑎᒥ ᑐᖁᖓᔪᖅ ᐱᓪᓗᒍ ᐊᔪᕐᑐᓕᓚᐅᕐᒪᑦ; ᐅᓪᓗᒥᓗ ᑍᑦᓱᒪᓂ ᓂᐊᖁᓂ ᐃᑦᔪᕐᓁᓕᑎᑦᓴᕆᐊᖃᕐᐹ.

ᒨᓯᓯ ᓯᑕᒪᖏᑦ 6:13

“ᐃᒫᒃ ᑕᕝᕙ ᓈᓴᕅᑎ ᐱᖁᔭᖃᕐᐳᖅ: ᐅᓪᓗᐃᑦ ᓴᓂᕐᕙᓯᒪᓂᖏᑦ ᐃᓱᓕᑉᐸᑕ, ᑖᓐᓇ ᓈᓴᕅᑎ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐱᑎᑕᐅᔭᕆᐊᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 24:13

ᐅᒃᐱᕐᓂᒥᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ ᑎᑭᑦᑐᖅ ᑖᓐᓇ ᐱᐅᓕᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 3:15

ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.

ᔧᒥᓯᐅᑉ ᐊᒡᓚᖏᑦ 2:10

ᑭᓇᑐᐃᓐᓇᖅ ᐱᖁᔭᓂᒃ ᑕᒤᓐᓂᒃ ᒪᓕᑦᓯᐊᕐᑑᑉ ᐊᑕᐅᓯᕐᓕ ᒪᓕᖏᒃᑯᓂᐅᒃ ᑕᕝᕙ ᐱᖁᔭᑦ ᑕᒪᕐᒥᒃ ᐸᓯᔭᒃᓴᐅᑦᔪᑎᒋᕔᑦ.

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.