ᒨᓯᓯ ᓯᑕᒪᖏᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ;

ᒨᓯᓯ ᓯᑕᒪᖏᑦ 6:10 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 44:26

ᓴᓗᒤᓕᑎᕐᑐᕕᓂᐅᒍᓂ ᐊᒃᑐᕐᓯᓂᕐᒥᓄᑦ, ᐅᑕᖅᑭᔪᒃᓴᐅᕗᖅ ᐅᓪᓗᓂᑦ 7ᓂᒃ, ᑖᒃᑯᐊᓗ ᐊᓂᒍᕐᐸᑕ ᓴᓗᒻᒪᕋᔭᕆᕗᖅ.

ᒨᓯᓯ ᐱᖓᔪᖏᑦ 1:14

“‘ᑐᓂᕐᕈᑎᒃᓴᕐᓕ ᐊᑕᓂᕐᒧᑦ ᐃᑯᐊᓚᑎᑕᒃᓴᖅ ᑎᖕᒥᐊᖑᒃᐸᑦ, ᑐᓂᕐᕈᓯᕐᑐᒃᓴᐅᕗᖅ ᑑᕕᒥᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑐᒥᒃ ᐱᑦᔨᐊᓐᒥᒃ ᐱᐊᕋᕕᓂᕐᒥᒃ.

ᒨᓯᓯ ᐱᖓᔪᖏᑦ 12:6

“ᐊᕐᓇᐅᑉ ᓴᓗᒻᒪᕐᓴᕐᑕᐅᕕᖏᑦ ᐅᓪᓗᑦ ᓈᒃᐸᑕ, ᐃᕐᓂᕐᑖᓚᐅᕈᓂᓘᓐᓃᑦ ᐸᓂᒃᑖᓚᐅᕈᓂᓘᓐᓃᑦ, ᑐᓂᕐᕈᓯᕐᑎᑦᓯᔨᒧᑦ ᐋᑦᓯᔪᒃᓴᐅᕗᖅ ᑐᐱᕐᒧᑦ ᑲᑎᒪᕕᖕᒧᑦ, ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᐃᑯᐊᓪᓚᓗᒍ ᑐᓂᕐᕈᑎᒃᓴᒥᒃ, ᐱᐊᕋᕕᓂᕐᒥᒡᓗ ᑎᖕᒥᐊᒥᒃ ᐱᑦᔭᓐᒥᒃ, ᐅᕝᕙᓗ ᑑᕕᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ.

ᒨᓯᓯ ᐱᖓᔪᖏᑦ 14:31

ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ ᐱᖃᑖᓗ ᐃᑯᐊᓚᓗᓂ ᑐᓂᕐᕈᑕᐅᖁᓪᓗᒍ, ᐃᓚᖃᕐᓗᒍ ᓂᐊᖂᔭᒥᒃ ᑐᓂᕐᕈᑎᒃᓴᒥᒃ, ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᑖᓐᓇ ᓴᓗᒻᒪᕐᑎᑕᐅᔪᖅ.

ᒨᓯᓯ ᐱᖓᔪᖏᑦ 15:14

ᐅᓪᓗᑦ 8ᖓᓐᓂ ᐱᔭᕆᐊᖃᕐᐳᖅ ᑐᕕᖕᓂᒃ ᒪᕐᕉᖕᓂᒃ ᐅᕝᕙᓘᓐᓃᑦ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ, ᕾᓗᓂᓗ ᐊᑕᓂᐅᑉ ᓵᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄ, ᑐᓂᓗᒋᓪᓗ ᑖᒃᑯᐊ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 15:29

ᐅᓪᓗᑦ 8ᖓᓐᓂ ᑑᕖᖕᓂᒃ ᒪᕐᕉᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᒪᕐᕉᖕᓂᒃ ᐱᐊᕋᕕᓃᖕᓂᒃ ᓇᒃᓴᕆᐊᖃᕐᐳᖅ, ᑐᓂᕐᕈᓯᕐᑎᑦᓯᔨᒧᓪᓗ ᑐᓂᓗᒋᒃ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.